عاد انا من رايي اذا هي تفكر بالزواج
ممتاز انه يكون لها بيت لانه عندها ولد مو حلوة بحقه يسكن بيت زوج امه واللي مبين على الاخت انا غير انها امراة ذكيه بس مدري ليش مو قادرة تتخطاء ذا المشكله |
في الحقيقة أنا أيضاً لم أفهم هذه الجزئية!
أنا غير.. لماذا اشتريت الشقة أساساً؟ |
لاسباب
اولا انا بعد طلاقي الاول واجهت مشاكل العوده لامي او لابي فكان احد مافكرت فيه بيت ان خاب الزمن فهذا بيتي ثانيا ابني لازم محد يتمنن عليه انت فبيتنا ومو لازم احكي لك كم سمعتها وانا صغيره ثالثا كنت اتوقع انه زوجي العمر كله يعني خطوبه وملكه وزواج ولانعذب احد بامورنا يشهد الله كانت نواياي معه طيبه |
غير كذا انتي تقولي موظفه في بنك
ليش ماتقدمي في جامعه ؟؟ دام عمرك لسه 34 قدامك فرصه لوظيفة محاضر .. لو تخصصك مطلوب خير وبركه وبتتعيني ان شاءالله بسرعه .. الجامعات محتاجه محاضرين ودكاترة .. |
انسانه كبيرة وعاقله وأم لطفل ماشاءالله
موظفه الحمدلله .. وقدر الله وصار لك هذا السيناريو كله عشان تشترين شقه مثقفه ماشاءالله وتحملي شهادة الماستر .. صدقيني مو خسرانه .. وربي كسبانه والمعطيات اللي قدامك تكفل لك حياة كريمة بإذن الله بعيد عن هذا الشخص المرتبط بزوجه وعيال .. تعبانه ليه ؟؟ تري اقرأ حروفك الحين وودي اني قدامك الحين واعطيك كف حلو مرتب عشان تصحي من اللي انتي فيه .. لا تزعلي مني .. ارجوك لا تزعلي ذبحتيني .. ليش تسوي في نفسك ذا كله وربي مافيه شي يستحق .. اللي خلقه خلق ملايين غيره .. ثقي تماماً أي شخص بيدق بابك ولو من بكره بتحبيه وتنسي أبو محمد واللي خلفوه .. ياشيخه سبحان الله ع كثر الظروف اللي مرت بي ماتعبت غير ع نفسي طليقي وتركني وربي مانزلت من عيني دمعه عليه .. اكيد بداية زواجي مرت علينا شهور حلوه وايام عسل فيها سعادة لكن وربي من باعني بعته برخيص ونظفت قلبي وفكري منه .. تعبت بس على نفسي لاني طول حياتي انسانه ناجحه وربي قدر ويرتبط فيني شخص ويعطيني لقب انا ما استحقه بسبب انه فاشل .. جاء بعد كذا العاشق ولد العم .. تفركش كل شي ولا تأثرت لحظه .. وربي مافكرت فيه ولا في غيره .. حبيبتي .. ياعمري انتي حاولي تشغلي عقلك .. ادعسي ع قلبك وتجاهلي عاطفتك ولو لحظه وفكري زين فكري في نفسك وولدك .. وربي لازوج ولا غيره بيعطيك اللي تبغينه .. اي حنان واي حب واي خرابيط .. مافيه رجال صادق الا من رحم ربي في هذا الزمن .. ومتزوج كمان ؟؟ لا والله الا كذاب المتزوجين الله يعينهم ليتهم ع حريمهم أبرك من التعدد والكذاب اللي يدعونه فاقد حنان .. عندي فراغ عاطفي مدري ايش والمسكينه زوجته تلاقيها مو مقصره معاه وهي اللي جوعانه ومحتاجه حنان وهو ولا داري عنها .. حبيبتي انتي انسانه واعيه مثقفه عندك ماستر ماشاءالله المفروض تكوني انسانه متزنه اكثر من كذا ولا يؤثر فيك هذا الموقف .. |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|