هل رأيت المشاركة رقم 1216 والمشاركة رقم 1240؟

__________________


اللهم طِيبَ الأثر .. وحُسْنَ الرحيل.

الي ينفس عن زعله يكسر الدنيا ويصرخ
مو يتهرب

متابعه وادعيلك

__________________

مهره عزيزتي

بس بقولك كويس من زوجك انه مخليك على راحتك ولا يضغط عليك سوي الي يريحك بالقدر الي ما يؤذيك لان هذه المنطقة للأسف فتحت لي باب شكوك وظنون ورجعت لمنطقة مهادنه تريحه وتضغط على أعصابي من اجل حسابات تتعلق بحريتي انا
وافتحي حساب توفير نصيحه فبحسب الانظمه ما تملكيه هو ما تستطيعين التصرف فيه

__________________

رجع من شوي.


بخصوص صورة أمس .. غيرتها بعد منتصف الليل بقليل.

نشيت الصبح لقيته مطلّعني من القروب.

ما علقت على هالتصرف .. لكني عقبها بحوالي ساعة بعثت له إن صور الأعضاء ما تطلع عندي في محادثة القروب .. وصوّرت شاشة القروب وأرسلت له صورة تظهر أسماء إخوانه عندي في المحادثة بدون صورهم .. وإني كنت ناسية إن الصور تطلع في قائمة الأعضاء .. واعتذرت.

بعدها بشوي رجّعني القروب .... وأنا ما علقت ولا قلت شي.



كنت مجهزة الغدا .. بس توقعت إنه بيرجع العصر فما عملت حسابه.

بعد ما غدّيت اليهال رحت غرفتي عشان أتسبح وأصلي .. بعثت له مسج الأول أعطيه خبر إن في أكل من أمس في الثلاجة إذا حاب ياكل وإني ما عملت حسابه في غدا اليوم لأني توقعت إنه بيتأخر.

عقبها دخلت الحمام .. وفتحت سلة الملابس عشان أشوف ثيابه اللي كان ماخذها معاه.

من حوالي سنة ونص أو أكثر بشوي حصل موقفين .. مرة لقيت كلينكس عليه روج في سيارته .. ومرة لقيت أثر روج وكحل على ثيابه .... يومها لفت نظره وبكيت جدامه من قهري .. وللأمانة اعتذر.

ومع إن الموقف ما تكرر لكني كنت أدري إنه راح يرجع يصير في يوم من الأيام .. وفعلاً صار اليوم .... لقيت قطعتين من ثيابه عليهم أثر روج.

طلعت من الحمام وأرسلت له مباشرة: لو سمحت شيّك على ثيابك قبل ما ترجع البيت .. الثياب اللي عليها مكياج وروج ما أباها تنغسل عندي.

بس ما قرأ رسالتي لحد الحين لأنه عند ماما حالياً.

__________________


اللهم طِيبَ الأثر .. وحُسْنَ الرحيل.

لاترسلي له ولايحزنون مرة ثانية

اتركي الملابس الملوثة بالروج كما هي ولاتغسليها

__________________

شي يقهر يعني مايدري ان ثوبه تلعوز بالمكياج ؟ جان عطاها تغسل له 😠
زين سويتي لا تغسلينه ..
انا منج اضيل ثيابه واقطها عند الباب ..

مب أنا اللي أغسل الثياب.

لو تركتها كما هي ممكن يعطيها الخدامة تغسلهم مع باقي الثياب.

__________________


اللهم طِيبَ الأثر .. وحُسْنَ الرحيل.