يسعد قلبك فانتي الله ينعم بحالك الطيب منكم وفيكم. 💝

على فكره انتي وحده من اللي اتابع مشاركاتها بالمنتدى 💓

راسك لا يكبر علينا 😂😂

مضطره اطلع الحين اهلي جاين لي يافرحتي 😁

شكرررا جزيييلا 💜

لا شدعوة ليه يكبر راسي؟ 🙈

بالعكس يخوف ويخليني اراقب كلماتي اكثر

وسعي صدرك.. عليك بالعافية 💜

حالة شوك والكلام الكثييييير المقرقع 😊

تفكريني بنفسي ايام الجامعة
كنت اغبط البنات اللي في يدهم مرايتهم ويقعدو يتاملو في نفسهم 😑

والله على حسب

اذا كنت مريحة ومتضبطة اقعد عند المراية.. اعييييش 😂

اذا مو راضية عن شكلي لاي سبب وضغوطات اتنكككد ونفسيتي تتعب لسبب ما اعرف ايش هو وقتها

ولما ارجع لسابق عهدي اكتشف انه أزمتي بسبب شكلي وهو تعبان

وحدة من طقوسي الغريبة للمذاكرة اني احط ميك اب قبل ما ابدا.. نفسيتي تنفتح 😭

اهلين صبايا
اشراقه اقصد ولدك ليش مايبي يطلع معك احتمال مايرتاح معك وهنا شوفي السبب لايكون منك او من ابوه مثلا تعصبون عليه او اي سبب اخر
وممكن متعلق بالالعاب الالكترونيه لدرجة يبي يجلس كل الوقت عليها وهذا ايضا مضر وبيأثر عليه
او اي سبب اخر
اوما اذا بس علشانك تمشين كثير وهو يمل من دخولك للمحلات الي ماتخصه فهمنا ارحم

ايوة عذاري بس عشان المشي يقولي اتعب واطفش..
بس مثلا لما اروح اقضي من السوبرماركت لازم يجي
واولادي متعلقين فيا مرة
لدرجة افكر لو صار فيا شي مدري كيف بيعيشو
طبعا هذا التفكير ما يجيني الا ايام الدورة

والله زيي لما يكون عندي فيزكس وماث لاااااازم اتمكيج
وقبلها شور واملي جسمي لوشن

أشوف الأولاد صاروا يتجنبون الطلعة مع الأهل في سبيل اللعب!

ولد خال زوجي لما أمه ترتب لطلعة ما يرضى يطلع معاهم .. ويقول لها: باروح ألعب مع سلطان!

لدرجة إن الحرمة صارت منحرجة مني وتقول لي: عيزت معاه .. كل ما قلنا بنطلع قال باروح عند سلطان .. وما أقدر أخليه بروحه في البيت لما نطلع كلنا.

وولد جيرانا أمه تقولي له إنه يسوي نفس الشي .. ما يرضى يطلع معاهم ويفضّل يجي يلعب مع سلطان أو يروح يلعب مع عيال خالته.


سلطان حاول يعملها كذا مرة .. بس ما خلّيته.

في لحظات الهدوء أقول له: اليوم المخصص لطلعتنا ما تطوفه عشان أي شي ولا عشان خاطر حد .. وربعك لهم وقتهم تروح لهم وتلعب معاهم مثل ما تبا.

ومرات أعصب عليه وأقول له: لو ما تبا تطلع بكيفك .. لكن ما بتروح تلعب مع حد ولا حد من ربعك بييك البيت.
.
.
.
عجبني فكرة البت الدكتورة فانيتي بخصوص الخروج مع الولد.

صراحة أنا بعد ما خطرت على بالي .. مع إني أسويها مع مهرة حالياً .. ونطلع أحياناً نروح مع بعض السينما ونتغدا وأشتري لها أغراض .. وسبحان الله من كم يوم أكلم أبوهم واقول له: أتريا شما تكبر شوي عشان آخذها معانا وتكون طلعة بناتية.

في المقابل كذا مرة أطلب منه يطلع مع سلطان بروحهم .. سينما أو مول أو أي مكان .... ووجهة نظري إنه ولد والمفروض يلازم أبوه ويتطبع شوي بأطباعه .. لأنه أساساً ما يشوفه وايد .. وأعمام الولد مب متواجدين كثير ولا فاضين له .. وأشوف إن تواجد الأب والأعمام واحتكاك الولد بهم كرجال له تأثير إيجابي على شخصيته .. وهذا شي يفتقده ولدي كثير.

__________________


اللهم طِيبَ الأثر .. وحُسْنَ الرحيل.

معناته ولدي طبيعي جدا الحمدلله.

وأنا مثلك مهرة بحكم وضع زوجي زي زوجك..
أتمنى ابوه يطلعه ويحتك بالرجال بس صعب

ابوي كان عندي من الأحد للخميس وشفت ولدي بشخصية روعة..
كان بابا ياخذه معاه المسجد ويجلس يتكلم معاه ولعب معه كورة
كان مبسوط وخفت عصبيته بصورة واضحة.