08-06-2014, 02:18 AM
08-06-2014, 02:18 AM
|
المشاركة الأصلية كتبت بواسطة دنيا الفرح
اختي ام سلطان....انا متابعتنج من زمااااان واعتقد من كثر تأثري بقصتج انحطيت في نفس الظروف ...بس مع اختلاف عمر الزواج ونوعية الزوج وشوية تفاصيل
من كثر موضوعج ما يعنيني صرت انسى ادعي لنفسي وصرت ادعيلج...ليش لاني اخاف اكون انا نسختج ....بينا اشياء وايد مشتركه في الشخصيه ...بطريقه انتي ماتتخيلينها.....ماقلتلج اني نسختج عشت المج والمي ....بس انا مااقدر استشير او اتكلم مع حد.....اكتفي اني احتفظ لنفسي بكل جرعات الالم... ماعندي نصيحه جاهزه ...بس لاني فاهمه نوعية ريلج عدل..هو مميز وزين وياج لانج انتي زينه وياه بس متى ماعبرتي او جلبتي الطاوله عليه ...بيطنش وبيعيش حياة الفراغ ... بما انج وصلتي لنقطة اللاعوده ..خبريه بكل خطأ وكل مصيبه اكتشفتيها وتغافلتي عنها....عريه بأغلاطه جدام نفسه بس عشان يعرف حجم معاناتج وصبرج... اذا قدرتي تبعدين كم يوم يوم بيي ويحس بفراغ البيت بدونج وبدون عيالج اطلعي،ادري انج متعلقه في بيتج وفي حياتج ...بس ساعات الرياييل يبالهم طراق حااار ينششهم من حالة النشوه السخيفه اللي عايشينها. نصيحتي الاخيره.....ادعي ربج اني يرضى عنج ويرضيج...ادعيه بكل حراره ومن قلبج لله ابتلاءنا دايما بالاشياء اللي نحبها ونخاف نفقدها،وربنا يبغي الحب والاخلاص وفراغ القلب له لانه هو خالقنا ماتدرين يمكن الامواج اللي ترتفع في سفينة حياتج ربج رايدلج فيها خير ...وعسى ان تكرهوا شيئا وهو خير لكم.. اخيراً خلي في لسانج هالدعاء اللهم اني وكلتج امري فكن لي خير وكيل...ودبر لي امري فإني لا احسن التدبير... وخلاص سلمي امرج لله وبشوفين كل مايسعدج |
08-06-2014, 02:24 AM
|
المشاركة الأصلية كتبت بواسطة marjanah
اوجعني كلامك يا مهرة
هو يحبك ولكنه مع اﻻسف يتصرف طبقا ﻻنانيته وليس طبقا لحبه مهرة هل تناقشت معه بما كتبته اعلاه؟ هل يعلم زوجك مدى المك ام انك استطعت المداراة طوال الفترة الماضية؟ الله يسهل امرك ويفرج همك يا رب |
08-06-2014, 02:27 AM
|
المشاركة الأصلية كتبت بواسطة ابغي حل؟
يالله يا مهره والله اني توقعت هالنتيجه ،،، كل يوم افتح هالصفحه وأقرى يديدج وانصدم وأسكت ،، فديت قلبج الطيب ،. تستاهلين الأحسن غناتي .، مهره تستاهلين ترتاحين ،، تستاهلين تصرخين بأعلى صوتج انه بس لين هنيه و ستوب،،، انتي صبرتي لين الصبر استهلكج ،،، خلاص عطي نفسج حقها اعترضي و صارخي و شاكسي ،،. ضحكي بصوت عالي ،، عطيه جوه ريلج خليه ع راحته عقب ما تعلنين اعتراضج و بشده ،،، قوليله والله. اني مب اقل عنهن،،، قوليله ما تستاهلني،،، فوادي محروق عليج والله ،،، اجلي فكره الطلاق بس تمي ع موقفج عالاقل جدامه ،،، مصيره بيعرف قدرج دامج عرفتي قدر نفسسسسج الله يوفقج
|
08-06-2014, 02:29 AM
|
المشاركة الأصلية كتبت بواسطة شوك11
فيه مواقف هنا يا مهره انا ما اقدر اسكت واتحملها
فيه مواقف هنا يا مهره استغرب كيف عديتيها وما جرحتك واوجعتك وخلتك تتبنين موقف معين ياااااااه يا مهره ، لو تدرين عني وعنه!! |
08-06-2014, 02:35 AM
|
المشاركة الأصلية كتبت بواسطة عطر الفجر
اسمعي دنيا الفرح
...... مهرة انه يجيب زوجته لاهله مو اصعب شي بحقك.. انتي عشتي الاصعب .. وكل شي في زوجك يقول انه ما راح يبطل فالمفروض انتي تبطلين بطلي تاكلين عمرك وبطلي توقفين حياتك عليه قرار الطلاق صدقيني غير عقلاني في هذا الوقت لو كنتي اخذتيه لاسبابك ما احد بيلومك بس ردة فعلك هالمرة مو في مصلحتك فكري بعقلك مو بقلبك يا مهرة جربي تتعاملين مع حياتك كانها مشروع تجاري .. استعيني بادوات التخطيط الاستراتيجي اللي تستخدم للمشاريع بتوصلين لحل يريحك باذن الله وعيدي لنفسك الف مرة السعادة قرار والحب ايضا قرار والله والله ما حبيت زوجي الا لما قررت احبه ما حسيت بالسعادة الا لما اخترت اعيشها مايهمني حاليا هو يحب مين او قد ايش يعطيني يهمني اني قادرة اتقبله واحبه عشان اقدر اعيش معه يهمني انه موفر لي الحد الادنى من حاجاتي عشان اقدر اواصل طريقي اللي رسمته معه انا سمعت نصيحة رجل الرجال وسعت الصورة وحددت لي هدف بعيد المدى بس خالفته اني قربت محطتي شوي وحددت كل الاشياء اللي توصلني لها زوجي معي عالطريق بس مو موجود هناك لو صلح كل شي اهلا وسهلا والا عندي خيار ثاني لان كل شي هناك يقول له مالك حاجة بس فيه لك مكان حاليا متصالحة مع نفسي وحياتي ومرتاحة من الضغوط اللي كانت تعذبني جربي اعرفي وش تبين اكتبيه بالخط العريض وانشغلي بتحقيقه وقبل كذا وقفي مراقبة لزوجك واطلعي من دائرته ارسمي دائرتك ولونيها لنفسك كل شي فيها لك انت الاساس انتي الاهم مهرة حبيبتي والله احبك واخاف عليك وكلامي لمصلحتك الله يسعدك ويريح قلبك ويرضيك ويرضى عنك |
08-06-2014, 02:39 AM
|
المشاركة الأصلية كتبت بواسطة جروح..!
والله ياقلبي وانا اقرأ كلامك تذكرت حالتي
كنت مذبذبه نفسك اشوف خيانات محرمه وساكته ع أمل يتغير و بحثت عن كل الحلول وكل الوسائل اللي تجذب الزوج وتبعده عن الحرام وما استفدت هذي نوعيه من الرجال كذا يفرحون اذا عرفوا بنت ويركضون وراها وماتكفيهم لازم يدورون غيرها وغيرها واذا طفشوا ما يخلونها لا يحتفظون فيها ويتواصلون ع خفيف او مايتواصلون وممكن بعد فتره يرجع لهابقوه ويفرحون اذا بنت مدحتهم وقالت انت حلو او جسمك حلو أو مدحت عضلاته يحس انه مالك الدنيا كلها والشي اللي يفك الرأس انهم يقولون لكل بنت نفس الكلام وانهم ماحبوا غيرها انا اشوف الغبيه اللي تصدقهم وللاسف كنت غبيه وجاهله و مصدقه انه يحبني انا حاسه فيك وصلتي لمرحلة خلاص ماتقدرين تتحملين زيادة ضغط لانك كنت تكتمين بقلبك وتجاملين بس اقولك انتبهي لصحتك ونفسك وماعليك من شي ثاني عيالك اذا مصممه ع الطلاق لا تفكرين تتنازلين عنهم اسمحي لي حسيت بضعف في رسالتك وانت تقولين له عادي عيالك خوذهم ، لا انتبهي من كذا خليه اذا ماخاف ولا اهتم من خسرانك خليه يخاف من خسران عياله وخلي حريمه ينفعونه والله ابو اولادي انهار لما طلبت الطلاق وانصدم ومابقى حيله ماحاول فيها بس كانت مشكلتي اني كتمت لمرحله خلاص ماقدرت اتقبل اكثر ولا اضغط ع نفسي اكثر من كذا ، وعشان يكسر خاطري صار يحط صوره ولدي في الواتساب والانستقرام ويكتب تعليقات انه يحبه ومشتاق له ومن هالكلام ، اذا شفت حالته هذي ارحمه وارحم عيالي وبس اتذكر وضعه ارحم نفسي من العيشه معه |
08-06-2014, 02:41 AM
|
المشاركة الأصلية كتبت بواسطة دوندرمه
ربي يفرج همك ويكشف كربتك ويكتب لك الخير ياالغالية
متابعة موضوعك بالرغم من سفري والمني كثيرا حالك قلبي معك ودعواتي لك يا الغالية |
08-06-2014, 02:43 AM
|
المشاركة الأصلية كتبت بواسطة سمو**
مااحد يلومك يامهره الضغط يولد الانفجار وهذا امر متوقع لانك كاتمة على عمرك سنة ونصف مااحدثتي اي ردة فعل كنتِ تتغاضين وتمشين الامور بس التصرف الاخير كانت مثل القشة اللي قصمت ظهر البعير...فرغي غضبك هنا حتى تحسي نفسك هدأت عشان تقدري تحددي قرارك بروية اكثر...الله يبرد على قلبك ويزيح كل هذا الهم عنك...بالي معاك ولساني يدعي لك..
|
08-06-2014, 02:59 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
