ردٌ اصابَ كبدَ الحقيقة !!
في الصميم ...

جزاكم الله خيرا ...

__________________
أشهد أن لا إله إلا الله و أشهد أن محمدا رسول الله صلى الله عليه و سلم

لما توجهين عواطفك وإعجابك لناس تعتقدين إنهم مثاليين وتقارنينهم بزوجك شي طبيعي بتكبرين أخطائه وبتركزين على عيوبه وصدقيني هو حاس بمشاعرك السلبيه هذا الي يخليه يثور بالشكل هذا ما ألومه ، ولا مره ذكرتي ميزه وحده فيه ولا مره ذكرتي موقف طيب منه ، دايم تتباهين بجمالك وبثقافتك وبمثاليتك وهو صورتيه بأبشع الصور بالله عليك أنتي مافيك عيوب ؟ !!
ترى مو الجمال ولا المال ولا الثقافه الي تشفع لك عند الزوج ما سألتي نفسك ليه فيه نساء غير جميلات وغير مثقفات وماعندهم ذاك الترتيب والسنع وحاطه الزوج خاتم بيدها ؟!!
لأنها عرفت شلون تحتويه عاطفيا عرفت إحتياجاته من تقدير وحب وإعجاب ، مشكلتك الغرووور والتعالي ونظرتك الدونيه له فهو يحاول يحطم هالغرور بالسب والشتم واللعن .
هذي نظرتي بصراحه .

__________________
الحمدلله حمدا جزيلا ...

بالنسبة لسؤالك عن التعلق العاطفي ردت عليك مسز داني

لكن ياختي مو الزامي انك تشغلي عاطفتك برجل .. الدنيا كلها متع للنساء .. من اسواق الى مجوهرات الى ازياء
الى جمعات ترد الروح

ابسط شيء قهوة و كتاب ذي متعه ، شوفي حال كثير من البنات اذا ما كانوا كللهم هذا همهم طلعات مشتريات كتب قراءة فعاليات نوادي و هكذا

ف لا تخرجين من دوامة و تدخلين باقوى منها

كنافة أنا أشتغل في بيئة مختلطة..

مهما كان لبق الرجال الي قدامي وذوق ويدعي المثالية،

أعرف إنه هذه مو شرط حقيقته كشخص في بيته !

وكلامي ينطبق على النساء وعلى نفسي قبل كل أحد !

ضروري قدام العالم والناس، تظهري أمامهم بأحسن صورة ممكن تمثليها لنفسك حتى لو هذه مو حقيقتك

بصراحه انا ما اطلعت على موضوع كامل يمكن قرأت عده اسطر و ردود. ولكن تبادر لي ان انت عندك مشكله داخلك ، لم توضيحها بشكل مباشر الى الان ،،،،، بغض النظر عن تعامل زوجك معك . ولا ألومك لانه معظم النساء كذا .

اختي ، بسالك سوْال انت ودك يحسسك كذا ،، يعني بعاطفه وهو بارد معك ؟

مافهمت سؤالك

عموما هو كل يوم يتعطر
ويقول لي كل يوم احلق وارتب نفسي
انتظر انثى قدامي وما القاها

طبعا قلنا مفهوم الانوثه عنده
تتهزئ وتنشم او ... بوجهها
تقوم تمسح .. وتبتسم
وتقول: حبيبي اهون عليك؟ (بدلع)
واعذروني عالوصف

ويقول ماحسيت بانوثتك الا الشهرين اللي مضوا
لما كتبت ببدايه موضوعي اللي صار بينا
قلت له ولاراح تحس ابدا دام هذا اسلوبك معي

على الفراش انسي كل مشاكلكم خارج غرفة النوم...مشكلتك انك وقت الزعل تحرمينه من حقوقه الشرعيه وهذي اخطر شي ع العلاقه...هو ماعنده اسلوب وانتي راسك يابس وتعاندين ..ترا كلنا يسمعوننا ازواجنا كلام يسم البدن هذا مو معناته اني ازلزل حياتي واسرتي عشان كلمتين...ووقت الزعل والشرهات حاولي تخلينه يوم واحد وبعدها تناسي وقربي له من جديد بالذات من ناحية العلاقه

يا جماعه كيف اشتكيه عند اهلي
اقول لهم لعني وشتم تربيتي
وقال لي اني مو انثى ولا محترمه الخ
طيب
اتخيل شكله جالس مع ابوي
ويقول له لا تقول هالكلمات لبنتي
عيب اسمع الكلام ياشاطر.. كأنه طفل


بعدين اذا بكبرها عند اهلي كذا
بكرا لو لا سمح الله خاني والا تزوج علي
والا ضربني كف الخ
وقتها صعبه اكرر نفس الحل
واشتكيه عند اهلي ويجلس معهم الخ الخ
وقتها ايش اسوي
بشتكيه عند الامم المتحده!!
مايصير


الاهل سند وعزوه وظهر
بس في امور معينه احس ينفع يتدخلوا فيها
مو مسبات الاطفال اللي يقولها زوجي
بعدين انا تشبعت مشاكل
ما ابغى اكبر الدائره اكثر
وادخل امي وابوي واخواني بحروب خسرانه
عشان واحد مايثمن كلامه


عقلي يقول لي لازم اصغر الدائره
لازم اتجاهله لازم اطنشه واطنش كلامه
خليه يقول اني مو متربيه خير ياطير
انا اعرف نفسي ومستوى تربيتي
حتى لو لعن وسب هذا دليل وضاعته هو
مو انا
هذا كلامي لما اروق
لكن وقت الموقف ما اقدر ابدا امسك نفسي
واقول لنفسي: يخسي يهيني واسكت


باختصار
انا المفروض احجمه واشوفه قد النمله
وما اعطيه وجه بزياده لانه مايستاهل
لكن ماني قادره

انا مع في عدم اخبار اهلك
لا يوجد موقف محدد

لكن الا يستمع لك عندما تتحاورا بهدوء؟

__________________