ملكة وحشتينا شلون شعور الامومة معك؟
انت قلتيها عشان عيالك خلاص انسي كل شي زمان واذكري عيالك وبس كثير حريم يعانون من ازواجهم بس متحملين عشان عيالهم ،،لكن انت غير زوجك يحبك ومو راضي يحب غيرك فأنتي حاولي تغيرين من تعاملك معه وجربي اشكريه وسوي اللي يبيه مره ورى مره راح تحسين انك تغيرتي وهو راح يتغير بتغيرك |
لو ما يحبج صدقيني ما نطر يطالب بحقه منج وهو عنده غيرج حريم ،،، محبة الرجل تترجم بهاي ألطريقه ؛)
سمعيني مشكلتج الوحيدة ما تتكلمين ، ما تعبرين عن شعورج زين كان وإلا شين ' حاولي مره تمدحينه تكتبي له ولهت عليك جيه فجأة ،،، عرفنا انه غلطان وانتي بعد يا غناتي غلطانه ' حاولي تبدين من الصفر معاه حاولي تردينه لج، هو عصبي احتويه حاولي ل نفسسسج قبل عيالج ' وبعدين حاولي تعدلين علاقتج مع امه شوي شوي صدقيني بعون الرحمن بتعادل الأمور' ونحن هنيه خواتج نسمع لج و نرمسسسج ، كوني صداقات لو ادريبج وين وصلتج ونحن ف نفسس البلاد ، ريلج طيب وانتي ف عيونه وبنت عمه لحمه و دمه رديه لج عطيه الكلمة الحلوة لو صدمج مره ومرتين تحملي يا أختي |
اختي الغاليه ملكة القلوب
اتضحت لدي مشكلتك كامله من كل النواحي ,, بفضل الله ثم الأخت بيتا ,, اختي الغاليه ملكة القلوب انتي فعلا ملكة ,, بدأ الموضوع ب هل يحبني ام لا ؟؟ سأخبرك هو يحبك لكن هذا ليس المهم هنا ,, عليك اولا ايجاد ذاتك وتحديد موقعها وحبها ثم اثباتها على ارض الواقع ثم المطالبه بحقوقها وواجباتها ثم الوثوق بحب زوجك لك وحبك له وتبادل هذا الحب ان كان موجوداً ,, غاليتي بالحديث عن الماضي لقد اخطأتي كثيرا وزوجك اخطأ كنتي ولا زلتي تعانين ضغوطا من قبل زوجك وربما زادت عليك ووضيق عليك الخناق ,, تفتقرين الى القرار الذاتي الحاسم ,, فـ قد سُلب منك هذا الحق بغير وجه حق ,, واصبح غيرك يقرر عنك وكأنك جماد ! او تابعه ؟! او جاريه ؟؟! اعذريني لكن في اعتقادي هذا مايؤلمك ,, انتي بحاجة الى شخص يفهمك وظنتي ان والدتك ستكون هذا الشخص لكنها خيبت املك ,, لكن هذا ليس آخر المطاف ,, وان اغلق في وجوهنا باب لا يعني ان نتوقف ولا نبحث عن مخرج آخر !! لدي استراتيجيه للحل قد تساعدك بإذن الله لا تظني ن الحل هو النسيان ,, فالنسيان ليس حلا !! ولكن لتتوقفي مع ذاتك وقفه صريحه صارمه لتعرفي مالك وماعليك , تحددي ايجابيات نفسك وسلبياتها ,, تدافعي عن ذاتك وحقوقك ,, فالصمت والمظهر الطيب الخنوع يظهرك بمظهر المسكينه الضعيفه المنقاده هل تحبين هذه النظره عن ذاتك ؟؟ زوجك يحبك ويريد انتزاع حبك بالقوه لكن اسلوبه خاطئ وانتي ايضا لديكي اخطاء ,, دعينا من الماضي والحديث فيه ,, حسنا ,, الآن الحاضر هو المهم لكن لن نلغي الماضي تماما بل سنتعامل معه بحدود وكدرس ,, فأخطاء الماضي دروس للمستقبل .. اختي وغاليتي هل بإمكاني التواصل معك عبر الخاص لتتكلمي بلا قيود ؟ وتعدينني بالتجاوب تماما ؟؟! والتنفيذ ؟؟؟ هل تمتلكين الجرأه والقوه للتقدم على هذه الخطوه ؟؟ والتنفيذ ؟؟ انتظر ردك ,, |
مهره أصلح الوضع شلون تقصدين أتنازل له عشانه لحين ما أقدر بس عشان غلا وراشد هيه مستعده أصلح الوضع او حتى أتنازل بس من غير ما يحس أنه عشانه او حب له لالالا لاني قبل طلبت منه نفتح صفحه جديده عشان غلا وقلت له مابي حياتها تكون مثل حياة عيال أختك تعرفين شنو رد قالي قصدج مب مثل حياتج يعني يتعمد يجرحني والله نزلت دموعي من غير ما أقدر أرد بحرف
هو يحاول لحين حسيته بس لما يشوفني ما عبرته بسرعه يتغير مثلا لما ردني لحين بيتي غير أثاث جناحنا كامل وحجرة غلا بعد ما وراني تم واقف عرفت انه يريدني اشكره بس انا تميت ساكته بعدها بكم يوم جاء وقالي توقعت تتتصلين وتسوين لي مفاجاه او حتى تشكريني بلسانج قالي أنا لي منج قريب 4 شهور ما اعرف ليش كان بداخلي اشكره والله بس ما قدرت وعلى طول رديت وقلت أنا زوجه بالاسم عصب مب قادره أخليه يحس بفرحتي لانه يتحسب أني فرحانه منه او انه سوا حاجه كبيره ولازم ياخذ مني المقابل |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|