متااااااابعة

ننتظر القادم بشغق

__________________
أشهد أن لا إله إلا الله و أشهد أن محمدا رسول الله صلى الله عليه و سلم

شكرا على رحابة صدرك 😁

حمستينا يوم قلتي بتعرفون كل شي بعدين 😀

جلست وعيوني تألمني ناظرت الساعه وقمت دخلت الحمام أكرمكم الله ولما طلعت كان فيصل متمدد ع السرير صديت عنه خذت سجادة جدتي وبعد ماخلصت صلاتي قام وقف وقال: أنتظرك ف السياره ولا محتاجه من يشيلك
صديت عنه وطلعت بكل هدوء ولحقني: لك فقط خمس دقايق
إلتفت له : ماجهزت شنطتي وتجهيزها الآن يأخذ وقت
إبتسم : لو عليك ماجهزت أبد واعرف وش تفكرين فيه كنت ناويه تجهزينها بالوقت الضائع وتطير علينا الطياره لكن للأسف أنا سبقتك وجهزتها عنك
رفعت حاجب: متى ؟!
هههههههه لما طلعت من غرفتك أقلقتيني وتبعتك الين دخلتي غرفتهم ونمت وقتها خطرت في بالي انه هذا وقته اجهزها لك
للدرجه هاذي مستعجل ع عذابي << تركته مصدوم وصعدت اجهز نفسي >>
خذت شور ع السريع ولبست ملابسي وعباتي ونزلت له ماحصلته شيكت ع البيت قبل اطلع وتطمنت وبعده طلعت له وكان ينتظرني في السياره ركبت بهدوء وطول الطريق كنّا ساكتين ومانتكلم مع بعض فقط من صوت فرقعة أصابعي<< الحركه هاذي تدل انه ي متوتره او ودي بحاجه ومو عارفه كيف أطلبها ، وسبب الفرقعة هو انه ودي اشوفهم قبل اسافر بس مو عارفه كيف اطلب منه خنقتني العبره من صمتي وانا خايفه اسافر قبل ماأشوفهم يكفي أمس حبست نفسي بالغرفه من دون ماأجلس معهم ولا أتطمن عليهم وطول الطريق وانا بأفكاري وعتابي ع نفسي وعنادها ولما وقفت السياره وصلت حدي من الضيق وصلنا ولا طلبت اخر فرصه ضيعتها علي >>
فيصل : نزلي نسلم ع أهلي قبل نسافر
رفعت راسي انتبهت للمكان اييه هذا بيتهم من فرحتي نزلت بسرعه ، ضحك عليّ : ههههه ادري انك بتموتين ع ماتشوفينهم وإذا هذا شعورك ابي افهم ليش تكابرين
وقفت عند الباب ومارديت عليه : هوب هوب الباب مايفتح كذا بعدي افتحه لك << بعدت كم خطوه وبعده دخلت قبله وكان البيت هادي ومطفي بعض الأنوار ضاق صدري وبطفوله: نايمين مايبون يشوفوني
صوت جا من وراي: لا ي ابوك ان العين جفاها النوم ينتظر زولك
نبض قلبي من حسه والتفت له وكان فاتح لي يدينه وماقدرت امنع نفسي وأكابر مثل ماقال فيصل ركضت له ورميت نفسي وضميييييييييييته باأقوى ماعندي مارحمت ضعفه ولا كبر سنه تعلقت برقبته مثل الطفله اذا تعلقت برقبة ابوها: ليش رحت وتركتني
ههههههه من اللي بيروح ويترك الثاني أنا ولا أنت
بعدت عنه وانا ابكي : والله مابعدت ولا ببعد عنك انا مكاني معك انت وبس
سحبني من حضن جدي ومسك ايدي وضمه لصدره: لا لا التذاكر وحجزناها والطياره تنتظرنا وش فيك جدي اشوف بتغير كلامك
ههههههههههه << سحبني منه وضمني من ع جنب>> إتركني مع بنتي دقايق بس انت لاحق عليها الوقت كله بتكون معك ولَك لوحدك
ابتسم له : متى انتظر الوقت ع احر من الجمر لكن الله كريم
جدي خذني وجلسنا بعيد شوي عن فيصل ونزل نقابي عني وعيوني وانفي محمرين😆 لمس وجهي بإيده اللي كلها تجاعيد صبر السنين فيها كل حنان العالم : وش هذا ي بنتي من البارح تبكين ؟
خانتني دمعه وقهرتها بإبتسامه: هو البعد عنك بسيط ي الغالي << خذت كفوفه وضميتهم وبستها>>
باسني من عيوني : وانا ماأرجي من الله غير هالعيون ع كثر مابكت تضحك بيوم تضحك سعاده وراحة بال
دموعي هزمتني مثل كل مره حاولت امنعها ولا أضيق صدر الغالي لكن انا ضعيفه وكل مانزلت دمعه مسحتها بقفا ايدي بسرعه وانا راسمه البسمه ع شفاتي..
بنبره جديه وحزم : بنتي ماودك بالسفر ؟
فيصل بسرعه : جددي ما....
قاطعه بحزم : اسمع منها بنتي قولي ماودك بالسفر
الرد ع طرف لساني ماادري وش منعها ماتطلع ، الجد : تكلمي وريحيني أنا من أمس مانمت ي بنتي بس أفكر فيك وإذا اللي سويته معك صح ولا انا ي بنتي ودي بسعادتك يمكن بمطلبي هذا ماادري وش أسوي وافكر بعمياني انت غاليه عندي أغلى من روحي كلنا عارفين بحقيقة العلاقه انا وانت وفيصل ندري بعلاقتكم المزيفه هاذي ومانبي نكذب ع بعض وأنا أكثر واحد أعرفكم أنا يمكن كنت أناني وكنت أفكر براحتي ورغبتي اللي كنت ابيك تكونين عندي وتحت عيني تحت اي ثمن كان المهم اشوف الغالي بعيونك وأشم ريحته فيك أناني لما غصبتكم ع بعض وانا كنت ادري برفضكم للزواج واعرف بأسبابكم وأستغليت عاطفتكم لصالحي لكن انا تعلمت من الغلط ولا ابي أكرره تالي يمكن لما غصبتك مره ثانيه أنعمت عيني ع رغبتك بس والله السبب ماكان اناني كنت ابي سعادتك وإذا تشوفين انه سعادتك مو بالسفره ذي نكنسلها حتى لو كانت لي نظره ثانيه فيها والله ماأرجي من هالدنيا غير سعادتكم أنتم الأثنين وبالأخص انتي ي بنيتي مابي يوم يسأني عنك جدك وأقول خنت الأمانة وماكنت قدها تكلمي وقولي اذا ماودك ومالك خاطر بالسفره هاذي عطيني يدك وسرينا لبيتنا وفيصل يسافر لشغله ويرجع لنا يلاقينا مثل كل سفره نحتريه ولا تخافين من احد طول ماأنا معك ها ودك ولا نرجع ؟!
ضبطت أعصابي ودموعي ورسمت ع وجهي أحلى إبتسامه وشديت يد جدي : أنا اللي يمنعني من السفره هاذي ي جدي هو خوفي ومحتاتي عليكم بس ماودي ابعد وتفكيري كله معكم وخصوصاً انت لأنك تو طالع من المستشفى ومحتاج مراعاة ولا أتطمن عليك الا لما أكون قريبه منك وحولك ولأنه ماأقدر أبعد عنك دقيقه انت لي الكون كله وأي شي ثاني في بالك وتظن هو السبب إننساه وأبعده من بالك لأنه خطأ أكيد << ناظرت فيصل>> أكيد ودي أكون مع زوجي ع طول بس هذا << أشرت ع قلبي >> هذا هنا كيف اسافر من غيره .
أبتسم لي : لا سافري وأنا بحافظ لك عليه بس ها لاتبطين عليه حتى هو مايقدر يعيش من دونك
ابتسمت وضميته دمعت عيني: أبطي عن العالم كله وعن حضنك ماأبطي<< مسحت دمعتي لايشوفها وبعدت وبست راْسه وكفوفه>>
ضم وجهي بكفوفه وبكل مكان باسني : الله لايبعدك عن عيني بفجيعه ويريح بالك ويسعدك
فيصل : أُوف طيحت قلبي ي جدي والله فكرت تسويها وتأخذها معك وبعدين انت وإياها وش ابي فيها من غير قلبها
الجد ضحك وانا معقده حواجبي وش يقصد ذه : ههههههههههههههههههههه
انا : جدتي وينها نايمه ؟
لا تجيك اللحين تقول بتجيب لك أغراض يلزموك بالسفر
فيصل : وشو بعد قلبها وخذتوه تعطونها قلب أصطناعي مثلاً
الجد مبتسم: لو تبطل غيره ي ابوك حنا بخير
الجده دخلت علينا وقمت لها سلمت عليها وضميتها وبعدني عنها فيصل وسلم عليها ، ومدت لي : هذا القران ي بنتي لاتهجرينه كل يوم اقري منه يحفظك ويحفظ لك زوجك والسجاده ذي بتذكركم بالصلاه لاتنسونها ببلاد الغرب وهذا شالي حطيه ع متونك اذا بردتي أعرفك ماخذتي لك ملابس ثقيله تدفيك وانا مو عندك أراعيك << خنقتني العبره هنيا >> إلتفت لفيصل "
وانت ترا بنتي ترتفع حرارتها بسرعه ماعندها مناعه خذ هالفكس أدهنها فيه وسو لها كمادات بارده ودفيها لو عندت معك اغصبها مو تأخذها معك وتهملها .
ابتسم لها : إن شاءالله هديل بعيوني لاتحاتونها .
الجده بحزم : إنتبه لاتزعلها الزعل يمرضها لأنه بنيتي تكتم داخلها وماتتكلم ، وايه نسيت لاتأكلها شي حار معدتها ماتتحمله وبعد وش نسيت ياربي ...
خذتها وضميتها : الله لايحرمني منك ومن وصاياك ي الغاليه
زعلان: نسيتي توصينها عليّ .
الجد : هديل مو محتاجه وصايه هماها دايره بالها عليك في وجودك وفي غيابك طول مده الشهور اللي فاتت .
سكت ومارد وناظر فيني .. الجده : يمه عسى مانسيتي شي خذتي كل أغراضك
انا : إيه ..
الجده : ايه يمه تدفي زين بنيتي منى تقول الديره اللي بتروحين لها بارده تحملي ع عمرك يمّه ..
إن شاءالله لاتحاتيني انت بس اهتمي بنفسك وبجدي ولا تنسون علاجاتكم خذوها بوقتها << جلست من بينهم وضميتهم وأبوس في يدينهم >>
رفعت عيوني لفيصل ابيه يطلعني من هنا ولا بنهار وفهم عليّ : أمي وأبوي وينهم نسلم عليهم قبل نمشي (( سحبني من عندهم ))
ودخلوا أمي وأبوي وسلمنا عليهم ووصونا ع حالنا وعطيت أمي ورقه وفيها مواعيد علاج جداني ..
فيصل مسك ايدي : يلا أستودعناكم الله ..
الجميع : حافظكم الله انتبهوا ع أعماركم
فلت ايده وضميتهم مره ثانيه وجدتي بكت وسحبني بالقوه عنهم وطلعنا عنهم ماقدرت أخطي خطوه تركني وهله وقال : كذا بنتأخر ع الطياره
احاول اتمالك نفسي لكن لمحة ذكي الدمعه كسرتني الى أشلاء << دمعة جدي >> : مو قادره والله امشي وابعد عنهم
مسكني من خصرني وشدني: الله يهديك بنروح الجهاد حنا
ان الجهاد ارحم من البعد عنهم .
ابتسم لي ومشى فيني للسياره ومشينا وأنهرت ع راحتي بالسيارة وصلنا المطار وهديت وخلصنا امورنا وركبنا الطياره وطارت فينا ..
وكان الصمت ثالثنا وانا أناظر في الغيوم فكري سرح صوبهم ورديت ابكي بصمت
شد ع ايدي : مو كفايه بكي بالله عليك انتي مخزن دموع ماتخلص دموعك كلش
بصوت مبحوح : مو قادره أتمالك نفسي كل تفكيري معهم فكره تاخذني وفكره تردني خااايفه
بإهتمام : خايفه من وجودك معي
لا .. خايفه أني أفقدهم وماأشوفهم مره ثانيه
فتح عيونه ع وسعهم مصدوم : وش ذَا الكلام ؟
ضميت وجهي : ايه ليش لا بلحظه فقدت اهلي كلهم
مسح ع ظهري : ذكري الله جداني بيحفظهم الله وماعليهم شر إن شاءالله
مسحت دموعي : عقلي وقلبي بقوا معهم
ابتسم وشد ع ايدي المبلوله بدموعي: أوعدك وعد الفيصل كم يوم وهم معنا
استغربت : جدي وجدتي بيجون لندن !!!
ههههه لا طبعاً قصدت عقلك وقلبك ان ماجبتهم لك مااكون الفيصل
سحبت يدي منه وناظرت النافذه : لا توعد بشي ماأنت بقده
ضحك: ههههههههه عمر الفيصل ماوعد بشي الا وهو متأكد من أستطاعته بتنفيذه
مغصتني معدتي من الجوع والزعل وحطيت يدي على بطني وانتبه علي ، نادى ع المضيفه وطلب منها فطور
ولما وصل خذت القهوه وقربتها من شفاهي وسحبها مني عصبت : خيييير
بحزم : قهوه بمعده فاضيه مافيش خذي هذا كراسون لذيذ
خذت الفنجان منه : مو ع كيفك
خذ الفنجان مني وشرب منها عارف إني مستحيل أرد اشرب من بعده 😡: سخيييف ليش شربت قهوتي
رفع متونه: أولاً من الأساس انا طالبها لي يعني هي قهوتي مو قهوتك ثانياً قلت قبل قهوه ع معده فاضيه مافيه شربي لك العصير
زممت شفايفي : ماابي زيين وعليك بالعافيه القهوه << صديت عنه للنافذه>>
تركني ومارادد بالكلام معي : ع راحتك بس مااظن راح تتحملين الألم أكثر
عدل من وضيعته ولبس نظارات النوم وبعد شوي رجع الم معدتي وريحة الأكل زودته إلتفت له وكان النفس عنده منتظم مديت يدي للأكل وبعدتها ناظرت فيه أتأكد اذا نايم وأبتسمت راحه وجلست أفطر بشراهه ههههه خلصت الصحن وهدت معدتي مسحت فمي وناديت ع المضيفه وعطيتها الصحن ولما بعدت المضيفه : لاحظت إبتسامته وقال : بالعافيه ع قلبك
أنصدمت وتوترت: إنت مانمت ؟!
كتف ايديه : لا بنام اللحين تمسين ع خير ههههه
بغيض : تافه
فيصل مبتسم : كل كلمه بحاسبك عليها لذالك انتبهي ع كلامك
عطيته ظهري ومارديت عليها الوقت يمشي ومضت ساعات والنوم مجافي عيوني تفكيري كله معهم وفيصل نايم بعمق لدرجة حسدته ع النوم وعدم المبالاه ومافيه شي يشغل باله .. فجأه حسيت بالطياره ترتج خفت وحطيت يدي ع صدر فيصل وشديت ع قميصه .. رفع النظارات وبنعس : وش فيك ؟
بخوف : مدري الطياره يمكن مطب هوائي ..
شوي الا تكلم الكابتن معلن عن وصولنا لندن متمني للجميع رحلة سعيده ..
فيصل : وصلنا الحمدلله ع سلامتك
الله يسلمك
تمغط عضلاته ووقف ومد ايده لي : يلا ننزل
مديت يدي له وكانت ترجف وصلنا لمكان ولوحدنا والله يستر وش ناوي عليه أصرارك ع سفرتي رغم معرفتي برفضك لي وكرهك وغرورك وجبروتك الله يستر منك ي فيصل ، شد ع يدي مدري هو يطمني من أفكاري ولا توعد وتأكيد ظني !!
وبعد الإجراءات طلعنا من المطار وركبنا سياره أجره طلب منه يأخذنا للمكان وانا جلست أناظر في الطرقات وضجتها بالحياه ..
وصلنا للمكان أخذ اغراضنا ووقف قبال باب ضغط ع مفاتيح الأرقام : وش ذَا الفندق
ابتسم لي : مو فندق ذي شقتي
انت لك شقه هنا
ايه نص عمري كان في لندن ومااحبيت عيشة الفنادق خذت لي شقة هنا .. حياك
صعدنا السلالم وكانت عماره فخمه ونقوشها فن 😍
وقفنا قبال الباب : الباب اللي ورآنا هذا شقة عايلة عربيه محترمه واهلها يعزوني حيل طول ماأتواجد هنا يهتمون فيني رغم تحفظي ومنعي لكن الأم ماتعطيني وجه هههه استقروا هنا بعيد عن بلادهم ام وأب وبنت اكبر بثلاث سنوات وولد بعمر المراهق مدري بالضبط ي 15او 16
والأم والأب في الخمسينات
رافعه حواجبي له : لا ماشاءالله تعرفهم عدل خصوصاً البنت حافظ عمرها اكثر من الولد
ضحك : ههههههههههههه ليش تغارين
في أحلامك
فتح الباب : دخلي عسى بس يعجبك تصميمي وقبل الحكم ترا صممته ع انه اعزب بس لاتحاتين ههههههه تتعايش مع أناث اللي قبلك عجبهم
فتحت عيوني ع وسعها : هأاا قبلي انت اا..
قطعني : لايروح فكرك بعيد ترا انا مسلم واخاف الله << دخلي لاتورطينا بأفكارك المنتهيه
دخلت وأنبهرت من التنسيق والترتيب الجدران كلها نوافذ تطل ع المناظر الخارجيه والشوارع الشقه كلها زجاجية مافيه جدار حجري الا عند باب الرئيسي والأثاث مودرن وأكثر جلسه عجبتني اللي عند النافذه أريكه من الجلد وطاوله صغيره مع ابجوره 😍
كانت الشقه عبارة عن طابقين فقط تحت عبارة عن ساله مفتوحه ومطبخ تحظيري وحمام والحمام عزكم الله حكاااااايه ثانيه 😍 عادي تنامون فيه من جماله هههههه
المطبخ كان مكمل من مجاميعه والأهم ركن الكوفيهات 😍
طاولة طعام زجاجيه ناعمة
فيصل : هذا هو الطابق الأرضي وش رايك
بإنبهار : جمييله الترتيب والتنسيق حكايه حبيييت
مسك ايدي متحمس : لسى ماشفته شي تعالي << صعد بي الدرج اللي مافيه درابزين 😰
وبحماس : وهذا الطابق الثاني وش رايك
فتحت عيوني : هذا كله بس الطابق !!
هههههه ايه وش رايك
رايي بأيش هذا كله غرفه وإلتفت وراي وشهقت هأاا حمام مكشوف 😱
هههههههههههههههههههههههه مش مكشوف تعالي << خذني للحمام وعطاني ريموت >> هذا الزر يكتم الزجاج وماأشوفك وانت داخل والزر هذا يرجعه طبيعي وتشوفيني برا واشوفك وانت داخل
هأا << رميت الريموت عليه >> ماحبيت الطابق هذا
طلعت من الحمام : شقه بالكبر هذا مافيه الا غرفه وحده اللي صمم الشقه ضيع مساحة كبيره هنا كان بنى غرفتين ع الأقل
مريح ع السرير : بالعكس هذا اللي ميز الشقه ذي وهذا كان طلبي مناسب جداً لوضعي
مستنفره: وضعك عزوبي مناسب بس كذا مايناسب
رقص حواجبه : غلط بكل الحالتين يناسب متزوج ولا عزابي مااحد ينام منفصل وهو متزوج الا انا وانت ولا كيف يقدرون ينجبون << شهقت وهو فطس ضحك >>
كش بدني : لا مستحييييل هذي غرفتك انا وين انام
قرب مني وانا ابعد وشدني له : السرير كبير ويكفينا حنا الأثنين
تقشعر جسمي كله وحذفته وطليت ع تحت وشدتني الصوفايه : لا لا نومتي تحت هناك الصوفايه تكفيني ومريحه أكثر بعد
وقف وراي وملاصق بظهري ويناظر مكان ماأشر: أهممم.. ع راحتك المهم تكونين مرتاحه
بس ماقلت ملابسك وين تبين تحطينها هنا ولا بعد في الصوفايه اللي تحت !!
حطيت يدي ع خدي : وي صح !!
ببراءه: تبين اترك لك مكان في دولابي مايصير تزاوج بينهم ترا
التفت له وحذفته من الخجل : مافيه الا كذا مالت شقه وش كبرها مافيها الا غرفه وحده
كاتم ضحكته: لأَنِّي كنت اعزب وبعدين مااشوف فيها عرقله للمتزوج ماعندنا عيال عشان نحتاج غرفتين
بسرعه رديت : بِسْم اللي علينا
مصدوم : بِسْم الله علينا من آيش
: من انه يكون بينا عيال
وإذا ليش مايكون يعني
لما نكون عائله مثل الناس ومستقرين طبيعياً ممكن لكن بوضعنا هذا اللي كل واحد منا كاره ثاني ومغصوب وبأي فرصه تصلح له يجرح الثاني ومايقصر ليش نجيبهم ونعذبهم معنا ونهايتنا طلاق وتشتيتهم
فصخ جاكيته ورماه ع السرير : تبين عشا ولا نرتاح
ناظرت جرالي : لا ابي أكلم جدي أتطمن عليهم
: لا بكره نكلمهم لما اشتري لك خط دولي
صرت أناقز : لا اللحين مافيني صبر لبكره أكلمهم اليوم يعني اليوم





نترك فيصل ورده عليّ عطني أكلم ولا ماعطاني نعرف باليوم التالي 😁
تعبت من الكتابه وابي اريح نلتقي ع خير إن شاءالله 🌷

الحمدلله ع كل حال ..
ومضه :
ستمضي هذه الحياة
لن تلتفت لنا
لن تبالي بِنَا
ستمضي وكأننا ماكنّا
وكأننا مجرد هامش
في أحدى صفحاتها..!!

متااااابعه

يسرني تواجدك أهلاً وسهلاً

ناظرت جوالي: لا ابي أكلم جدي أتطمن عليهم
فيصل : لا بكره نكلمهم لما اشتري لك خط دولي
صرت أناقز : لا اللحين مافيني صبر لبكره أكلمهم اليوم يعني اليوم
فيصل يفكر ومشى كم خطوه لدولابه وطلع منها علبه أنيقه فتحها وكانت فيها خاتم فضه جميل جداً وساعه سودا فخمه أخذ البطاقة الصغيره وركبها في جواله سجل رقم جدي وعطاني الجوال : خذي كلميه وسلمي عليه وانا بنزل اشوف وش في المطبخ ينوكل .
خذت الجوال وبقمة سعادتي انتظر صوته ووصلني : الوو
أنا : ي هلا بريحة هلي وناسي طمني عنك ي الغالي
الجد : بعد هالصوت أكيد حالي بخير الحمدلله متى وصلتوا
انا : لنا نص ساعه واصلين قلت أكلمك وأطمنك وأطمنك طمني حبيبي خذتوا العلاج مرتاحين وأحوالكم تمام
هههههههههه شوي شوي عليّ حنا بخير كلنا بصحه وعافيه والعلاج أخذناه وأكلنا ومرتاحين ومبسوطين ها باقي شي تبين تعرفينه ههههههه
الحمدلله لا كذا تطمنت ههههه
وين فيصل حولك عطيني أكلمه
لا فيصل نزل يشوف لنا أكل تبيه ضروري انت
لا بس ابي أتطمن عليكم وأوصيه ع نفسكم والأمانة
بُح صوتي: إشتقت لك
وانا مير الصبر باللقا قريب ي نور عيوني .. إنت إستانسي وعيشي حياتك وإنبسطي والرجعي لي هديل اللي كلها حياه وسعاده
مسحت دمعتي : أحبببك
الجد : وأنا بعد أحبك ي بعد روحي انت .. يلا ي بنتي روحي لزوجك ولا يكلف عليك ذَا التيلفون
وسلمي على فيصل
إن شاءالله وانت بعد سلم ع جدتي ومن يعز عليك وانتبهوا ع صحتكم ماابي ارجع واشوف شي مايسرني أزعل ترا
ههههههه إن شاءالله يلا في أمان الله
أستودعتك الله ي الغالي
سكرت منهم : يالله طلبتك لاتفجعني فيهم واحفظهم لي << جيت بقوم انزل واعطيه الجوال لكن صابني الفضول بالعلبه فتحتها وتأملت الخاتم والساعه الخاتم كان مكتوب فيه << أحبك >> عقدت حواجبي وخذت الساعه ومنقوش عليها << ستبقى أول حب وأخر حب حياتي >> عقدت حواجبي مستغربه فيصل يحب !!
من وراي : وش تناظرية ؟! << ناظر يدي وسحب العلبه مني بسرعه >>
إرتبكت : ولا شيء .. حصلت شي ينوكل
دخل العلبه الدولاب : لا ماحصلت غير خفايف وش رايك نطلع نتعشا برا
لا مافيني حدي تعبانه وابي أنام إذا إنت جيعان إطلع تعشا
عقد حواجبه : وإتركك لوحدك
بسخريه وانا أفضي شنطتي: وش الجديد يعني
سحب شنطته يفرغها : لجديد انه مالك حد هنا غيري مضطر اخاف عليك.. عموماً ماله داعي أنا بعد بنام
بعدم إهتمام : كيفك ، صح نسيت جدي يسلم عليك وكان يبي يكلمك ع الأمانة لكن كنت بعيد
الله يسلمك ويسلمه
وش يقصد بالإمانه
رافع حاجب ومبتسم: مادريت انك ملقوفه
اذا الأمر يخصك مايهمني أعرفه لكن اذا يخص جدي أكيد ولازم أعرفه
اهاا لا ارتاحي الأمر يخصني
رتبنا ملابسنا وخلصنا خذت لي بيجاما وجيت بنزل : ع وين ؟
الحمام الأرضي أبدل ملابسي
طيب ليش هذا حمام تقدرين تبدلين فيه
ذه تسميه حمام ذه فضيحه
ههههههههه ي الخبله والله لاكتمتي الزجاج مايبين شي
ماابي اريح لي اللي تحت
مسك ايدي : لا مافيه بدلي هنا << أخذ الريموت وكتم الزجاج >>
ليش مصر يعني انا اخاف من أصرارك
هههههههههه يعني بكذب عليك مثلاً ابيك ترتاحين وتتطمنين .
طلع وانا ظليت مكاني خايفه ومتردده جلست أسوي حركات أتأكد اذا يشوف ولا << هههههههه
ارتحت وخلعت ملابسي وبدلتها وطلعت : الشامه اللي بأسفل ظهرك زادتك جمال
إنصرعت وجف ريقي وتشنجت مكاني وهو طاح فاطس ضحك ع شكلي : ههههههههههههههههههههههههههههههههه قسم بالله إنك توحفه
رميته بأقرب شي قدامي : وققح سخيف يعني شفتني ي قليل الحيا << معصبه حدي >>
يحاول يصد اللي أرميه : والله ماشفت أكذب عليك والله ي المجنونه اهدي
ظليت أرميه وهو يحاول الين وصلني وضمني من وراي ويضحك : هههههههههه والله ماشفت أكذب عليك
يالله أتنفس من العصبيه وارافس: كذذذاب اجل كيف عرفت بالشامه ي الكذذاب
وانا عند ربي صادق إني ماشفتك اليوم لكن شفتك من قبل
شهقت : هاااااااااأ
هههههههههه لايروح بالك بعيد شفتها من يوم حملتك أرتفع قميصك وانتبهت عليها
ذبت في ملابسي وأبعدته عني وهو كاتم ضحكته وانا حدي متوتره وخجلانه فتحت الدولاب وخذت بطانية ووساده : ع وين ماخذتهم
منقهره منه : وين يعني بنام تحت
خذهم مني : لا ماله داعي نامي انتي هنا اريح لك وانا اللي بنام تحت
بعناد: لا مااابي انا اللي قلت قبل بنام تحت
ي بنت الحلال انت جايه من سفر والصوفايه مش مريحة لك وبعدين أصوات تحت تطلع وبتخافين
ناظرت في عيونه بكذب: كذاب
عيونه ونظراته جديه : تبين تجربين الليله تفضلي
هاا لا خلاص أصلاً حدي تعبانه والصوفايه شكلها مش مريحه << حذفت عليه الوساده والبطانية وهو ابتسم وأخذ بيجامته ونزل >>
توسدت ع السرير يااااه وش كثر مريييح قررت انا اللي بنام هنا ع طول خخخخ ينقلع ينام تحت طول عمره متهني لوحده هنا 😜
وانتهى ليلنا وأشرقت شمسنا بيوم جديد وأحداث جديده وخفايا لايعلم بها حد سواه جل جلاله ..
هدوله هدوله قومي صلي الفجر ي عمري
همممم
وشو هممم أقولك صلاه قومي
أغطي وجهي بالوسايد مثل الأطفال : تعبانه ابي انام
ههههههه سحبني وبعد شعري عن وجهي وانا مغمضه عيوني ماابي تفتحهم لكن الحركه منه صدمتني وفتحتهم << باسني من عيوني >> مرر أصابعه ع خدودي : أنتي طفلتي طفلتي انا وبس فاهمه انتي لي ولوحدي..
مصروعه بمكاني متشنجه من الحركات الجريئة الغريبه ولا الكلام المريب والمخيف
جا بيقرب أكثر واستوعبت وانقز من حضنه : اا كم الساعه
مبتسم : ست الصباح قومي صلي وجهازي انتظرك تحت لاتتأخرين علي
نزل وانا ارتأيت وأفكر بأخر الدقيقتين وقلبي يصعد وينزل حطيت ايدي ع صدري اهديه غمضت عيوني وفتحتها وتذكرت صلاتي ودخلت خذت شور وصليت وجهزت ونزلت ..
ماحصلته تحت : وين راح قال انه بينتظرني هنا
الصوت من وراي : خذت شور وجهزت نفسي ولا بس انت
إلتفت له : وين بنروح
أخذ اغراضه : أولا شي لازم نفطر ميت جوع من أمس واكيد انت بعد
حطيت ايدي ع بطني : يعني مو حيل
مبتسم ع جنب : خير إن شاءالله سمعت بالبنات اللي يستحون من أزواجهم في بداية حياتهم بس ف حالتك أظن عديتي المرحلة ذي
تقدمت عنه كم خطوه : عديتها بفضلك
طلعنا من الشقه ونفس مادخلناها ماإلتقيت بالجيران
تبين نمشي ولا ناخذ اجره
اممم نتمشى أفضل
اوك .. لندن شوارعها حياه عاااااالم تمشينا وهو ظل يعرفني ع اللي نتصادفه ووصلنا المطعم وطلبت منه نفطر خارجي الجو كان خيالي وبعد ماأفطرنا وكان طول الوقت يسولف لي عن مغماراته ووحكايات لندن 😏
خذنا تاكسي وبعده نزلنا عند برج بج بن وكملناها تفرجه وتمشي انبسطت بالجولة جداً والأجواء رهييييبه خياليه صادفنا فتاة إنجليزيه سلمت عليه بحماس وواضح عليه انه سعيد بشوفته وانا مثل الأطرش بالزفه مع مياعتها معه وهو يناظرني ويبتسم ويرد يندمج معها خذو لهم ربع ساعه بعده سلم عليها وخذ منها موعد يلتقون مره ثانيه ..
ماشاءالله شكلكم معرفه قويه << نظرة إستهزاء>>
مبتسم : راح تتستغربين كثير باللي راح نتصادف معهم قلت لك اغلب حياتي هنا وعاشرت اَهلها وكونت علاقات كثيره من " غمز " من الجنسيتين
بعدم مبالاه: خير إن شاءالله
ههههه الهديه اللي شفتيها أمس من أحد المعجبات
اللهم زِد وبارك
رفع حاجبه وضحك : هههههه يعني إني ماأغار
بجديه : وليش أغار الله يسعدك ويهنيك
شد ع يدي وعقد حواجبه : نشوف ي ام راس يابس
ومر الوقت وجا الليل ولندن في الليل حكاية غزل وحنا نتعشى وكان يراقب في أكلي : انت ليش أكلك أكل عصفور
امّم يمكن لأنه ماأشتهي
ليش ماعجبك تبين نغير
لا لا مو كذا بس << سكت >>
وش فيك سكتي كملي
أبد أفكر بجداني وش يسون خذوا علاجهم ولا بعد أخاف ينسونه وجدي صحته مو زينه اليومين هاذي خايفه .. << نزلت راسي >>
كملي لاتسكتين ..
رفعت راسي وأبتسمت : شبعت وين نروح اللحين
بأخذك لمكان بتحبينه
متحمسة : يلا قم مابي انتظر
هههه محروقه بصلتك دائماً كذا
ابتسمت له ..
خذني امكان يدعى نايتسبردج المباني كانت عباره عن مباني فكتوريه ممتد من زارا الى محطه النايتسبردج جلسنا بمقهى : نجحت من جد حبيته
فيصل بغرور : فيصل مايقول شي الا ومتأكد منه
اووف لو الله يفكك من هالغرور حنا بخير
هههههه مو غرور لكن ثقة عاليه
طيب ي الواثق عطني جوالك
عقد حواجبه : وش تبين فيه
ابي أكلم جدي
بس كلمتيه أمس ماله داعي
وشو ماله داعي لا انا لازم تكلمه يومياً ولو عندي خط ماأزعجتك وطلبت منك
هوب هوب أكلتيني مو قصدي كذا انا وجوالي تحت أمرك أكيد بس انت شايفه الوقت جدي أكيد نايم حرام نزعجهم
انا بتصل وإذا مارد بسكر
جدي نومته خفيف من اول رنه بيرد عليك حرام نزعجه خليها بكره أوعدك نتصل فيهم بدري
فكرت في كلامه معه حق ..
تعشينا وطلعنا الشقه وصلنا ودخلنا : تبي قهوه
لا بأخذ شور حدي هلكان وبنام
سويت لي قهوه وجلست أتأمل لندن من النافذه وماحسيت ع نفسي الا وانا غفيانه ع الصوفايه فجأه حسيت بقطرات ماي ازعجتني فتحت عيوني بنعس : هذا انت
حملني : ايه نايمه بمكاني حضرتي
طوقت رقبته وريحت راسي ع صدره : نعست ومازلت نعسانه
ههههه قلت لك انت طفلتي وانا أبوك لاتنسين كلامي هذا
بنعس ومافتحت عيوني مابي النومه تطير : أهممم
نزلني ع السرير وعطيته ظهري شلحني الجزم أكرمكم الله وغطاني وباسني من جبيني وطفى الأنوار شديت ع نفسي بالغطا ودخلت بالنووم ..


جزء اليوم قصير أدري 😆 يمكن أدخل مره ثانيه واكتب ..

ومضه :
الأشياء الجميله لاتدوم لكنها تترك جمالاً لايمحى .. 🌷

فاتتنيي القصة ما انتبهتلها لساتني في الصفحة التاسعة

__________________
ربنا هب لنا من ازواجنا وذرياتنا قرة اعين واجعلنا للمتقين اماما

إذا ودك ننتظرك آمري إنت بس 😂
عطينا رآيك مثل البقيه لو لحقتينا 😆

نفس الحلم نفس الكابوس يتكرر مرات ومرات نفس الهم والألم نفس الوجع والقهر نفس الجرح كل ليله يتجدد النزف بح صوتي وانا انادي من دون رد دم بكل مكان وريحته ممزوجه بريحة النار والدخان أشلاء متناثره بكل مكان ريحة الموت خنقت روحي << ضربات خفيفه ع خدي >>
قمت مثل كل ليله مفزوعه وشفته وحضنته وبكييت وأشد في حضنه أكثر وأبكي بحرقه : ماااتو .. كلهم ماااتو وأتركوني مااحد فيهم بقى كلهم راحو وخلوني
يمسح ع شعري ويسمي: بِسْم الله عليك .. أهدي ي قلبي .. الله يرحمهم ويصبرك ويمسح ع قلبك اذكري الله ي غناتي وادعي لهم
ومازلت في حضنه واشد أكثر : ماأحد يبيني انا كلهم أتركوني ماما وبابا وخواتي واخوي وجدي اللي أغليه أكثر واحد فيهم راح وتركني حتى جدي سالم تركني وراح بيت ولده وانت بعد ماتبيني قلتها لي بيوم زواجنا انك مغصوب وماتبيني حرام عليكم انا وش الذنب اللي اذنبته لأجل تعاقبوني بالفراق والله ماسويت لكم شي
ضمني لصدره أكثر : ماأحد تركك برغبته هذا يومهم إنت مالك يد فيه ، إرضي بقسمته ولاتكفرين.
بعدت عنه ومازلت ع حالي ابكي بحرقه ولو الصخر يشوف حالتي بيومها ان يتفتت حطيت ايدي ع صدري : هنا ألم هنا وجع ابي أنسى وأرتاح كل يوم أغمض عيوني فيها يتجدد الوجع والألم كل يوم أشوفهم فيه أحصى ع خوف رهيب كلّ في بالي انهم جايين يأخذون مابقى لي من أحباب.. صرت أكره النوم من الكابوس ودي أحلم فيهم بغير يوم الحادث 😭 << مسكت كفوفه >> تكفى ساعدني أبي ارتاح وأنسى اليوم المرعب هذا خلاص تعبت ماعاد فيني حيييل .
سحبني لحضنه: أووش خلاص أهدي ي قلبي أهدي وأذكري الله << وبدأ يقرأ بصوته اللي ترتاح له النفس صوت وقراءه رائعه تخشع له القلوب وتصغي له الأذان سكنت روحي وإرتخيت وانا في حضنه اأبتعد عني شوي : نومتي ؟
بهدوء : لا
يمسح ع راسي : إرتحتي ؟
بهدوء: إيه
إبتعد عني : أتركك تكملين نومتك باقي ع الفجر ساعتين
مسكت ايده امنعه: خليك معي مافيني نوم
ناظر عيوني الخايفه : أمم بس ورآنا مشاوير كثيره ولازم ننام ولا بنتعب
نزلت راسي وأعقد بالفراش: بس أنا ماابي انام خلك معي تكفى
جلس جنبي : زيحي لي مكان أشوف
إستغربت: ليش؟!
دفني ودخل تحت الغطا وبتهديد مزح : شوفي لو تهدمين الغرفه هاذي كلها ع راسي مانيب متحرك من مكاني بنام هنيا معك وانت بعد بتنامين قربي
هديل : بس اا..
قاطعني وسحبني لحضنه وراسي ع صدره وشدني وهمس في أذني : أووووووش مانيب متعدي حدودي طالما انك رافضه نامي وإرتاحي أنا جنبك وماراح أتركك أبد تطمني << حسيت بالأمان وإرتخيت بعد ماكنت مشدوده من الخوف والتوتر ابتسم : ايه خلك طفله مطيعه
قرصت خصره: لاقول طفله الكلمه ذي أكرهها
ههههه طيب بطلي حركاتك ماظمن نفسي انا ترا مع الحركات ذي
جيت ببعد وضحك وشدني أكثر : ههههههه أمزح ي الخبله يلا عاد نامي والله تعبان ..
ونمنا براحه ، وبعد ماطلعت شمسي وإرتفعت فتحت عيوني وماحصلته ناظرت الغرفه وماكان فيه خذت الساعه وكانت ثمان الصبح قمت من فراشي ورتبته ودخلت أخذ شور وصليت الفجر ونزلت أدور فيه وماحصلته لكن حصلت ورقة صغيره مع ورد جوري ابيض( صباح الخير ي طفلتي .. ساعه بالكثير وانا عندك لاتحاتين إضطريت أطلع لشغل مهم ، جهزي نفسك لأنه بنطلع لما ارجع )
شميت الورده تجذبني جمالها وتكسرني ذبولها !!
دخلت المطبخ اصلح لي قهوه وبعده جلست أتأمل مناظر لندن من ورا نافذتي الين مرّت نص ساعه ومارجع فيصل بعد طلعت فوق أجهز نفسي وخلصت تجهيز ونزلت وانا عند السلم كان مريح ع القنفه ومغمض عيونه وأول ماحطيت رجولي ع السلم إلتفت لي وإبتسم : صباح الخير
رديت له الإبتسامه: صباح النور .. خلصت شغلك
وقف وجا عند اول سلم : ايه كان ضروري أقابل شخص لأمر مستعجل
اهاا
مد ايده ومسك ايدي وبإهتمام : نومتي زين .
تذكرت حدث أمس وضاق صدري : إييه
لاحظ علي : أوعدك إني راح أنهي معاناتك ذي بس لازم تكون عندك عزيمه للنسيان ..
دمعت عيوني : وانا ابي أنسى
مسح دموعي وابتسم: لا لا اليوم بالذات مابي دمووع اليوم حاااافل جداً وراح اترك في ذاكرتك سعادده وضحك بس
ابتسمت له : وعد !
شد ع ايدي وابتسم : وعد الفيصل
طلعنا من الشقه وفتح لي باب السياره : تفضلي
ركبت وركب بعدي : من سيارته ذي
ابتسم لي : سيارتي كانت في الصيانه وخذتها اليوم .، أكيد ماأفطرتي لأنه البيت فاضي
إيه .. وإنت ؟
أكيد لا من دونك مايصير
إبتسمت له وردها لي : ها وش جاي ع بالك تفطرين ؟
هههههههه والفطور فيه خيارات كلها واحد
هههههه ايه فيه ملكي وفيه أميري وفيه مواطن عادي
فطست : ههههههههههههه حلوه لاتعيدها
ضحك : ههههههههههههه
إنت منتهي ع فكره
ماشفتي شيء
ناظرته وهله وانا ابتسم ثم صديت عنه وكان هو يبادلني النظرات وكأنه نتبادل الكلام اللي امتنعت عنه شفاهنا لاتنطقها وبعد سكوت فتره وقال : وصلنا حياك .
نزلنا المطعم كان رايق جداً والأهم المنظر ارتاحت فيه نفسي وبعد الفطور وتبادل الحديث الروتيني طلعنا نتمشى ع رجولنا وكان طول الوقت يناظر الساعه ولا الجوال بعده خذني لمقهى وطلبنا ورجع يناظر ساعته مره ومره جواله
وش فيك اذا مشغول عادي نقوم نرجع الشقه
إبتسم لي : لا ، بس أنتظر أشخاص متواعدين نلتقي هنا
مين ؟!
رفع عيونه للمقبلين وابتسم لهم : هذا هم وصلوا !! << وقف لهم وإلتفت !!!
فيصل يعرف : هاذي مادلين اللي حكيت لك عنها بنت الجيران
إبتسمت لها : أهلا وسهلاً
ناظرتني من فوق لتحت نظرات تفحص 😒: أهلا وسهلا فيك حكى عنك كتير بس ننسى يقول إنك آية من الجمال
بخجل : تسلمي
فيصل : هاذي الصديقه توأم السنين فيك تقولين غثا عمري وغلطتها سمر لكن أضمن لك راح تحبينها بس الله يعينك أحياناً ترفع الضغط
ضربته ع صدره : برفع الضغط وغثا سنينك وغلطتك ي الخوان إلك انا الغلطانه اللي مرافقه واحد متلك مغرور وبيحب نفسه كتير
ابتسمت لها : تشرفنا
يضحك : هههههههههه زعلت ي حبك للزعل ي شيخه .. حياكم تفضلوا
مادلين جلست جنبه وانا قباله وسمر جنبي : لك شو عاجبك فيه هيدا شخص مابينحب
فيصل : أرد عليك ولا خلاص رحمتك عارفه ردي بيزعلك مني سنه قولي وش تشربون
سمر ضحكت : هههههه بنشرب متل اللي بتشربوه
ناظرني : تبين أطلب لك فنجان ثاني
أكتفيت بهز راسي إييه
سمر تناظرني: تصدق ي صديقي ماعم بلومك ع رفضك للزواج وصبرك للسنين نلت أجمل البنات وأنعمهم البنت كيوووته حبيتها
أحرجتني مره : عيونك الجميله تسلمي لي
بجديه منها : إعرف بس بقول الحقيقه الإستاذ كان مزعجنا كتيير مابده يتزوج بُح صوتنا وحنا بنقول متى تتزوج وتفكنا كان يقول مابتزوج قاعد ع ألبكون وإذا تزوجتي انت بتزوج لأنه هو إحتياط لي حتى يكسب ثواب فيني لو كبرت وظليت عانس بس المغرور خوّن ولا وفى بكلامه معي تزوج قبلي
هههههههههههه عاد إنتي ناويه تخمرين وانا بصراحة ماقدرت أكثر من كذا خصوصاً مثل ماإنت شايفه حد يشوف الجمال هذا ومايغير عهده
إستحيت وضحكت عليّ : هههههه وانت صادق لازم يخون
توترت من كلامهم وخذت الماي وشربت منه وضحكوا عليّ سمر وفيصل
غيرت سيرتهم عني وقلت : إنت بعد مقيمه هنا مثل مادلين
سمر : أنا ماما لبنانيه لكن بابا تركي الجنسيه انا جيت هون للدراسة قبل لكن عجبتني الحياه كتير وأسست شغلي هون لكن عّم روح تركيا بالإجازات بدك تشرفينا هونيك
إبتسمت لها : إن شاءالله .. ابوك تركي وتتكلمين لغة أمك ليش ؟
هههههههه انا بتكلم لبناني مع العرب ولأنه بشتاق للماما كتير لما بحكي لبناني
الله يخليها لك
ويخليك يارب ، أنا حبيتك كتير مثل فيصل وأكثر وحابه نكون أصدقاء شو رأيك
ابتسمت لها : لي الشرف حبيبتي
تحمست وصرخت : ي سلااااام .. << باستني ع خدي وتحمرت خدودي من تصرفها المفاجىء طلعت البنت مجنونه حبتين 😂>>
فيصل : إنت ع حيلك حبيبتي مش متعوده ع جنونك
فتحت عيونها ع وسعها : وأنا عملت لها حاجه كلها بوسه بريئه ههههه ماتقارنها باللي << غمزت له وانا هنا ضعت طلعت البنت من عملته وهو كتم ضحكته لما شاف ردة فعلي خذت الماي وشفطته كله حسيت حلقي جف جفاف مو طبيعي ..
هديل : ههههههههه طيب انا بتركون هلأ بس إلي طلب عندك هدوله ممكن
آمري حبيبتي
أنا ساكنه قريب من شقة فيصل بالشارع اللي بعديه وحابه تشرفيني بكره ناخذ راحتنا أكثر وأتقرب منك بعيد عن هالنحيس مابدي يزعجنا مثل هلأ
بغرور سحب ايدي وضمه ع صدره: آسف هديل ماتروح مكان من غيري
سمر سحبتني من يدي الثانيه: إنت إطلع منها البنت حرّه مو ملك لإلك
رد خذني : إنت اللي إطلعي منها
خذت ايدي منه : أكتبي لي عنوانك وإن شاءالله أجيك
صفقت بحماس : واااو .. عطيني رقمك أرسل العنوان
ماعندي رقم دولي
شوووو .. ماطلعت إلا رقم كيف هيك
نسيت إن شاءالله يكون معها الليله
سمر طلعت ورقة وقلم وكتبت العنوان فيه : هذا هو العنوان وإذا منعك النحيس او رفض يجيبك عندك العنوان تعالي بتكسي
إبتسمت لها : إن شاءالله حبيبتي بكره الليل انا عندك لاتحاتين
سلمنا ع بعض ومادلين بس صافحتني استغربت تصرفها وطول الجلسه كانت ساكته وبس تتفحصني!!
بعد مامشوا فيصل : وش رايك بصديقاتي
سمر عسل سبحانه تدخل القلب بسرعه بس مادلين مدري أحس متحفظه فيها شي ماأقدر أحكم عليها كذا
يغير السالفه ؟ نكمل سياحتنا
إلا إنت ماعندك أصدقاء غير الإناث
هههههههههه ومن قال عندي سمر ومادلين وإلين وكارولين وماري امممم بعد من نسيت
تركت ايده : وجع كل هالبنات في حياتك ليش مافيه بالدنيا ذكووور ولا مايعجبك غير رفقة البنات
كاتم ضحكته: وش أسوي في زيني اللي جمع كل هالبنات حولي وأسس علاقاتي
مااالت ولا مالت وع زينك << مشيت عنه >> وهو ظل واقف يضحك بصوت عالي ولحقني ولما قرب مني همس لي : يعني نستبشر خير ع بداية الغيره
حذفته؛ لاتحلم
صار يضحك بصوت عالي ويتوعد والكل صار يناظر فينا وتلفت وانا تفشلت ي حب الإنجليز للمواقف ذي 😬
قضيناها تفسح وبعد المغرب تعشينا وبعده رحنا السوق حبيت أخذ هديه لزيارتي بكره ومرينا السوبر ماركت قضينا للشقه وبعده خذ لي رقم وإنبسطت عليه لأنه أخيراً بكلم جدي وأول ماركبنا السياره إتصلت عليه من دون ماأقول لفيصل او أعطيه مجال للنقاش بالأمر هذا لأنه متوقعه بيطلع لي اعذار مثل قبل وصلني الصوت اللي رد للجسد روحها : السلام عليكم
وعليكم السلام حي هالصوت وراعيه
وانا بعد هالصوت حييت ي بعد حيّي كيفك طمني عليك
طيب ولله الحمد إنت بشريني عنكم وع سفرتكم مبسوطين ومرتاحين ولا
اضم جوالي وكأنه أضمه هو : حنا بخير ومبسوطين الحمدلله ناقصنا وجودكم معنا
السفره الجايه معكم إن شاءالله
إن شاءالله جدتي جنبك ودي أسمع صوتها ولهت عليه
إيه خذيها
وصلني صوتها: ي بري حالك ي بعد كل غالي شلونك يمه
تبكي: ي جعلني فدا هالصوت وراعيته يمه انا بخير ي جعلك بخير إنت طمنيني عنك وكيف فيصل معك يعاملك زين ولا
ناظرته وابتسمت : أنا طيبه وفيصل زين جزاه الجنه مو مقصر معي بشي ويعاملني زين الحمدلله
الجده : الحمدلله ، الله يسعدكم ويهنيكم
يمه .. سألتك بالله إنتوا بخير مرتاحين علاجاتكم تاخذونها بالوقت
آفا عليك بيت ولدي ومانرتاح فيه وعلاجاتنا ناخذها بوقت لاتحاتين ولاتفكرين فينا عليك بنفسك يمه إنبسطي مع زوجك ولاتفكرين كثير
إن شاءالله ، الله يحفظكم لي ولا يحرمني منكم
يمه عطي جوالك لزوجك جدك يباه .
مديت الجوال له وكان وجهه مكتم مدري وش فيه كان قبل وش زينه : هلا والله بالغالي كيف حالك وكيف صحتك ..<< ناظرني >> تطمن هديل بعيوني لاتوصي حريص .. صوتها لا والله ماصار شي يمكن صوتها من التعب لا لا لاتحاتي والله انها بعيوني تطمن .. هاا أكيد لا مو ناسي الأمانة انا وعدتك أجيبها لك ماراح أنسى ها .. << عض ع شفته وضغط ع الدريكسون>> أعتذر ولو فيه أكبر من العذر ي جدي سبقته لك .. بتثبت لك الأيام صدق كلامي ونيتها وانه خوفك هذا ماله داعي وانا عند كلامي ووعدي .. في حفظ الله سلم ع اللي يعز عليك ي الغالي ..
مد لي الجوال من دون مايناظرني واستغربت تصرفه سكت لكن ماقدرت أكثر من كذا : وش فيك ؟
يناظر في الطريق وهدوء عكس ملامحه : مافيني شي
إلتفت له كلي : إلا فيك ، وضعك غريب
نفس وضعه : عادي
لا مو عادي قبل شوي غير واللحين غير
مارد علي لكن لاحظ شد بقبضة يده وانا ظليت ع عنادي الا اعرف : ليش ساكت تكلم وش فيك متغير جدي فيه شي قال لك شي ولا صح انت متغير من قبل اعطيك جدي تكلم قل وش فيك
ضرب بريك قوي إرتعت من قو الصوت والتفت لي بغضب مكبوت : وش تبيني أقول
اللي غير حالك لحال ثاني
غمض عيونه استغفر ثم نزل من السياره نزلت وراه ومن دون مايلتفت وراه : هديل أنا ماابي أضايقك ولا أخلف بوعدي لجدي << إلتفت لي >> وتكلمت قبل يكمل كلامه : وانا وش سويت حتى خايف تخلف بوعدك
عَصّب : أدري إنك رافضه السفره من البدايه وإنك جيتي غصب عنك ولو الخيار لك أبتعدتي للأبد عني وأدري انه ماهمك حد كثر جدي بس كذبي عليّ وع اللي يهمك أمرهم إنك ع الأقل مهتمه بالزواج هذا ليش ماتبين تساعديني ليش كل همك جدي وجدتي وصحتهم ليش كل ماسويت شي قابلتيه بالصد أنا ..
قاطعته بعصبيه مماثلة : إنت إيييش ها إنت إيش ايه انت ولا شي أنا جيت هنا غصب عني والسبب انت وأنانيتك مسكتني باليد اللي توجعني ولعبت بعقل جدي وتركته يرسلني معك ويبعد عني ويتركني لك جاي تقول لي أكذب وأمثل ليه وش نستفيد ماأنا كنت أمثل وأكتب ست شهور بحالها وكنا بخير ومرتاحين ومتفقين وش تغير؟ اللي تغير انه انت استكثرت علي راحتي وقلت لا ذي لازم أقهرها مايصير هي ترتاح وانا أعيش بقهر لانه غصبوني عليها آخذها وأبعدها عن اللي تحبهم << دمعت عيوني ومسحتها بسرعه من القهر >> ماأنكر انك تحاول تسعدني حالياً لكن دائماً أفكر وش المقابل وماتتكلم فرحتي من خوفي أنتظر صدمتك مقابل السعاده اللي تعطيني آياها .. أنا أكرهك وأكره دموعي اللي دايم تضعفني قدامك وأكره وجودي معك وأكره خوفي وحاجة الأمان أكرهك فيصل انت ماتركت لك داخلي الا هالشعور للأسف << حسبت نفسي وصلت حدها ببكي خلاص ورجعت السياره وضميت وجهي بين كفوفي وبكيت >>


ومضه :
" سيبردُ كلّ جرحٍ.. فاطمئنّي 💔"

هديل الله يبارك لك و يسعد ...
متابعة لك من اول كلمة لاخرها...
بس سؤالي أكرره دوم و ما جاوبتيني ، أحس ان جزء من القصة واقعي مخلوط بإبداع فكري فهل كلامي في محله ؟؟!!

__________________
أشهد أن لا إله إلا الله و أشهد أن محمدا رسول الله صلى الله عليه و سلم