حبيبتي شقر55دية -
هذا رابط موضوعي =( http://www.66n.com/forums/showthread.php?t=211690 انا "اعتقد" ان الخيانه وصلت للفاحشه, يعني في ادلة مسكتله عليها .. لكن ما شفته بعيني .. يمكن ما ابي اصدق ... |
مشكورة ع الموضوع
كنت انثى قالت اللي في خاطري الله يجزاكم خير |
مشكوره يالغالية ..
اهو الحمدالله صلواته من قبل الزواج كانت في المسجد و بانتظام .. ياليت يرضى يتعالج .. اهو مرات يقول ساعيدني و مادري شو , لكن يعيدها مرة .. تعبت .. ما صار فيني حيل .. تعبــــت .. حاسه انه معي اسم بس .. عشاني انا من اكون .. او شكلي .. مادري .. لكن هاي مو تصرفات طبيعيه و فعلا يبالها علاج .. راح احاول بشتى الطرق .. |
الله يعطيك العافيه ياشقرديه علا مواضيعك الحلوه إللي ماتجي إلا من الحلوين أمثالك والله يا أختي ما أتوقع إن مافيه زوج بيكون كامل والكمال لله عز وجل وحتى وإن كان فيه إيجابيات في صفات الزوج كثيره وحلوه لابد أن يحصل وأن يقصر فيها إذاماتركهاأو نساها مع زحمة الحياة و كبر مسؤليته إللي على عاتقه من زوجه وأولادوبيت وشغل فهاذي كلها تأثر على بعض المواصفات القياسيه لدى الزوج وحتى الزوجه لم تسلم هي الأخرى من التقصير فلابد أن تقصر في شئ وسيفتقده زوجها ولاكن الحياة هي كذا تحتاج صبر وإذا جلس الزوجين كل واحد يلوم الثاني على تقصيره فستنقلب حياتهم رأسا على عقب
ولاكن لابد للأزواج أن يلتمسوا الأعذار لبعضهم البعض وكل واحد منهم يقدر المسؤليات التي على عاتق الآخرطبعا بإمكان الأزواج أن يعوضوا بعض عن مافقدوه في حياتهم خلال عطلة الأسبوع أو أثناء الإجازة وبإمكانهم تجديد حياتهم الزوجيه وإدخال السعاده إلى أنفسهم أنا بالنسبه لي أفتقد في زوجي الحزم مع عياله الطفل لوغلط مايحاسبه يعني أحر ماعندي أبرد ماعنده ولاعمره حاسب أحد في عياله حتى لوصارت خناقه بين الإخوان وهو أبوهم جالس مستحيل يسوي شئ إلا شئ واحد تعالي فكي بين عيالك تذابحواوهو جالس يضحك ويشجع بعد أنا صراحة أموت قهر من هاذي الحركه وهاذي الصفه أفتقدها فيه أبغاه يكون حازم معهم في تربيتهم ويكون له هيبه عندهم ويخافون منه لاكن مستحيل لو صار وتناقش هو وأحد من عياله تلاقينهم كأنهم إخوان مو أب وإبنه كل ماقال كلمه أبنه يردعليه أنا عيالي يخافون مني ويهابون وما يراجعوني بشئ أبد أقول كلمه تمشي بدون نقاش حتى لوصار بينهم شئ يحتكمون عندي مايروحوا لأبوهم وبصراحه ما أنكر إنهم يحبوه أكثر مني لو مرض أو غاب عنا ماشافوه حتى بنتي الصغيره عمرها سنتين تسأل عنه وين بابا أحط الغداء تجلس تلف الغرف وتدور وراه ماتلقاه تجيب الجوال تقول دق على بابا خليه يجي يتغدى معنا طبعا تفتقد له علشان دايم وقت الأكل تجلس جنبه وهو يأكلها ماترضي تجلس معي ويجلسون يقولون والله يا أمي نحس البيت ناقص بدون أبونا وأحس إنه يدللهم بزياده عن اللزوم وأنا ما أحب عيالي يكبرون وكل رغباتهم مجابه لأنه بكذا ماراح يعتمدوا على أنفسهم أبد أحب أتعامل وسط معاهم لاكن أنا أصلح وهو بطريقة تعامله معهم يخرب عليه بالنسبه لباقي صفاته ما أفتقد شئ فيها ولله الحمد لولاحظت إنه قصر بشئ على طول أخذ ورقه وقلم وأكتب لهارساله وأذكره بما أفتقدته فيه طبعا مع بعض البهارات والملح الثناء والمدح والغزل وأغلفها وأرش عليها عطروأحطها في جيبه أو محفظته على طول لما يقراها يعتذر عن تقصير وعاد تعرفين الرجاله دايم أعذارهم جاهزه ولاكن فيه أشياء بسيطه كان نسويها أول ماتزوجنا ولحد الآن زوجي مستحيل يتركها أو ينساها هي في نظرنا بسيطه لاكنهافي الأساس هي سر السعادة الزوجية ووصفة الحب الخالد في قلوبنا . أختي الحبيبه أحبك في الله أطلت عليك وأنا هاذا طبعي في كل مشاركاتي لا أحب أن أجيب عن السؤال إلا بلكامل الموجز والتفاصيل أسأل الله أن يجعلك أنت وأخواتي اللي بالمنتدى من الزوجات السعيدات بحياتهن وأزواجهن وأسأل الله أن يصلح بيوت المسلمين والمسلمات من المفاسد والفتن ماظهر منها وما بطن . |
لا اله الا انت سبحانك اني كنت من الظالمين
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|