أين انت ياصاحبة الموضوع؟؟!!

أتمنى أن تكوني صادقة..

وتذكري أن الله عليك رقيباً..


-أسألك بالله يادكتور المنتدى هل أنت مؤمن بقوله تعالى: ( إن يكونوا فقراء يغنهم الله من فضله)
-أسألك بالله يادكتور المنتدى كم تبلغ ميزانيتك السنوية لتتكلم بهذا المنطق المتعالى..
-الفقراء هم أول من يدخل الجنة..
-وأما أخلاق الناس فهي متفاوتة في الفقر والغنى..ومانراه أن الفقير قد يتمسك بزوجته لفقره أما الغني فيتلاعب ببنات الناس لأنه يملك المال..
-والعطالة التي تتحدث عنها سببها ليست كثرة الشباب بل جشع المسؤولين..
-هل أنت ممن توظف بواسطة أو أنك سعيت كثيراً للحصول على فرص وظيفية..وقُبل من يملك الواسطة ورد صاحب المؤهل العالي؟؟!!!
-وسارقي ثروات الشعوب والبلاد هم عالة على المجتمع وهم من سبب العبئ عليه لا الفقراء..
وحسبنا الله ونعم الوكيل..
بصراحة ردودك دائماً عكس التيار وهذا يشعرني حقاً بأنك من طبقة لا تشعر إلا بنفسها ومتطلباتها..


***********


عذراً لخروجي عن الموضوع ولكن رد هذا الأخ دفعني لذلك..

__________________
عندما أكتب فأنا أناقش الفكرة لا الشخص..

فلا ضير أن تختلف آراؤنا ولا تختلف قلوبنا..

هلا اخت ديمي اشكرك على التعليق لكن المنتدى وضع لكي تحلين مشكله صاحب اي موضوع لا انك تعليقين على كلام الاخرين هذا اولا
نحن مششكلتنا اننا نعيش في ظل حياة مزيفه .... لاغني ولا فقير ... لكن لدينا بالمجتمع مشاكل وليست لدينا حلول .... انتي جالسه بالبيت او اي بنت تجلس بالبيت ولا تعرف بالمحيط الخارجي مايدور .... انا ابتكلم لك من انسان راتبه عشر الاف ريال سعودي بالوقت الحالي وليس لديه اي طفل وانسان على قد الحال لديه اهل يصرف عليهم وزوجته دعيني نرتقي قليلا ونتكلم عن الحقيقه بشكل اوسع ربما تكون خارج الموضوع لكن انا اتكلم عن مشكلات قد تحدث
2200 اجار شقه شهريا مكونه من 3 غرف وصاله بالوقت الراهن اقل من كذا مااعتقد لكن هذا المتوسط وهذا ماالتمسه من اكثر الشباب سواء زملاء عمل او غيرهم
300 متوسط قيمة فاتورة الكهرباء
300 متوسط قيمة جوال الزوجه
300 متوسط قيمة جوال الزوج
1000 ريال مصاريف اكل وشرب لهم
1500 ريال مصاريف لااهله
2500ريال قيمة اقساط زواجه لمدة خمس سنوات
1650 ريال قيمة اقساط سياره لمدة خمس سنوات بااقل تقدير
1100 ريال للاشياء الطاريه مستشفى ملابس اعياد وغيرها
بعد خمس سنوات يبدأ هاجس التملك
شيلي 2300 قيمة الاجار + 1650 صارت ملك السياره + 1000 ريال بحكم ان راتبه زاد خلال خمس سنوات قيمة قسط تملك
وهذي حياته غير بطاقات الائتمان الي تبي تصير على ظهره غير وغير
تعالي ننزل شوي اذا كان راتبه 8 الاف
اذا كـــــــــــــــــــــــــــــــــــــــــــــــــ ــــــــــــــــــــــــــــــــــان راتبه 5 الاف
اذا كـــــــــــــــــــــــــــــــــــــــــــــــــ ــــــــــــــــــــــــان راتبه 3 الاف
كيف تبي تكون الاوضاع وكيف تبي تكون المعيشه وكيف راح تتصرف المرأه
عموما
انا لااريد ان اطيل ولكن كنت انصح البنات ولكن اعتقد بأن البنات او جميع النساء لاياخذن النصيحه
خلاص
اي وحده يجيها رجل يخطبها لاتقول لا حتى لو كان ماعنده راتب ولا عنده دخل ولا شي تتزوجه ان شاء الله وضعهم راح يتغير
الى الاحسن ماراح يكون هناك مشاكل ولاراح يكون شي بحياتهم راح تكون ملئيه بالرومانسيات مليئه بالحب اتمنى لك بنت التوفيق والزوج الصالح ...
تمنياتي لكم بالتوفيق
الآن آمنت بمقولة تعمل خيرا تلقى شرا
جزى الله لكل من تكلم علي والله يرزق الناس على قد نياتهم

أختي الغاليه:::: موضوعك أحدث فيني هزه عظيمه تعرفي لماذا؟ ليس لأنكم عايشين على قد حالكم ولكن لأنكم عظماااااااااااء بمعنى العظمه أنتي عظيمه لأنك تصبرين وهو عظيم لأنه إختارك شريكة حياته بصراحه أنتي نادره في هذا الزمان وأمثالكما قليل ووالله أني معجب بقوتكما على تحمل الصعاب

أما نصيحتي لك حاول بقدر ما تستطيعين ان تتفقي معه على عمل صندوقين الأول لتسديد ديونه والثانيه لمصاريف البيت يعني قسمو المرتب أما النصيحه الأهم فهو أن تقومي معه في الثلث الأخير وتوجهو إلى الكريم صاحب الفضل الله عز وجل ولن يخيب آمالكما وستعيشان بسعاده ماحييتم وفقكم ربي وأعانكم لكل خير أسأل الله أن يرزقكم من واسع رحمته إنه كريم مجيب الدعاء

__________________

خالي سعودي..بعد ماطلع للتقاعد قصوا من راتبه وصار بس 2000 أو 3000 ريال..!
عمره الله يرحمه 45 وعنده 5 عيال ومعاهم زوجته
المتقاعدين اللي ما معاهم إلا شهادة الإبتدائية منين ياكلون..!!
ظلم كبيييييييييييييييير ولاحول ولاقوة إلا بالله
توفي خالي بحادث سيارة..كان عقله مو معاه وقت الحادث من الهم والضيم مسرع في طريق بري
الله يرحمه ويغمد روحه الجنة

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

إلي راتبه 15 ألالف سهله يطلق اليوم عشانه ماحبها أو ماعجبته يتزوج بكره الفلوس ومتوفره ومايعيب الرجال إلا جيبه عادي جدا والبنات ماليات البيوت وأهم شي رجال يدفع هذا أنا حسبيتها بالطريقتك
وبالعقل كذا رجال دفع دم قلبه ويالله تزوج سهله ذي يطلق وبسكوت إلا بيطلق بطلعت الروح بتطلع عيونه ماطلق بصراحه ومتوهق يطلق بالعكس بيحاول يرتب الأمور عشانه لو طلق ماراح يقدر يتزوج
وعلي قولتهم عزوبية دهر ولا عزوبية شهر إلي جرب الزواج مو سهل يجلس بدون زوجه

أخوي والله أتكلم بكل صدق الرجال عندي أهم شي أخلاقه وإذا البنت معها شهاده ممكن تتوظف وتشيل نفسها وقناعتي الفلوس تتدبر أهم شي الرجال الطيب مايتعوض
والله هالوقت يااااااكثر الشباب إلي عندهم قدرة ماديه لكن ياقل الشباب الصالح
وهذا أهم شي الرجال الصالح وبعدين الرجال الصالح راح يعيش الحرمه علي إلي يقدر عليه وبركة رب العالمين لكن الحقير وراتبه عالي تتفل العافيه ماخذت منه شي وكل فلوسه له
أهم شي رجال طيب ويقدر العشره ووفئ ومستعده أصبر معه علي إلي أهي به
لكن أكثر مايخوف الوحده تصبر مع زوجها وبعد مايكدها الفقر وربي يغنيه يبيعها برخيص ويدور غيرها واهي صبرت عشان كذا فيه حريم ماتصبر مع زوجها وتضغط عليه
وياكثر إلي كذا بعد مايغينه الله يبيع الحرمه ويدور الثانيه ويدلعها والثانيه لو أهي ماصبرت معه في فقره يوم

__________________

نور الايمان..لا ماكنت اعرف ان هذا بيحصل ووالله ان ظروفه كانت ممتازة..حلم وتحقق سألتيني بالله ومن سأل بالله فاليجيب..والله يا اختي اني مادخلت ألعب او اضيع وقت او اكذب واقوم بتأليف قصص او اتفاول على نفسب بالشين..ووالله اني مادخلت الا بعد ماضاقت بي الدنيا ووالله ان ظروفي حقيقه..ارد عليك وانا صايمه بهذا اليوم الذي أسأل الله فيه ان يسخرني لزوجي وان يسخره لي ويفرج همنا ويكشف غمنا ويرزقنا من حيث لانحتسب....ردا على الاخت انا ماانقطعت عنكم لأن ماعندي نت لا والله للآن الشريحه تشتغل ولكن انقطعت لأني دخلت مره وانا متضايقه وقريت تكذيب البعض لي وضاقت فؤني الدنيا كثر ماهي ضايقه ..وقلت الله يسامحهم ..لكن بعد الردود الأخيره والسخريه أسأل الله ان يذيق من كذبني من الظروف ما أذاقني والله الدنيا دوارة .وانا ماطلبت الا مشورة او كلمات تزيد من صبري.. لكن فعلا الشكوى لغير.الله مذله..بعض الردود شككتني بزوجي لكن نفضت الشك عني لأني اعرفه اكثر منكم انسان يقوم الليل بالبقرة ويتوجه لله ويذكرني فيه وبتلدعاء

تابع...يذكرني بالدعاء وعادل تماما بيني وبين زوجته..والانسان حتى لووصل لدرجة الغباء بالذات المرأة تعرف ان كان زوجها يحبها او لا..يكرهها او لا..متمسك فيها او لا..وانا ارى انه.مازال على حبه..حتى يوم طلبت طلتقي بلحظة غضب وقال اجلسي 6 شهور عشان الناس ماتتكلم فيك..ماضايقني بشئ ونومه صار في المجلس وانا مثل ماقلت لكم انه اشترى اغراض للمطبخ والاربعاء على كلامه اهله بيجون وفعلا جاء ضيوفه وجهزت العشى ورسمت احلا ابتسامه ولاحسستهم بشئ مع اني تعبانه ومتظايقه

اسغه على الأخطاء الإملائيه لكن الكتابه من الجوال متعبه

مرحبا بعودتك
لا تلومي الاعضاء لشكهم بقصتك فانتي تكتمتي بشكل مبالغ فيه
حول الظرف الذي احال حال زوجك من قمة الغنا لقمة الفقر!
وايضا غبتي بنفس الوقت الذي طرح فيه التساؤل حول هذا
الظرف لذا فمن الطبيعي ان يساورنا الشك!
وهانتي عدتي دون ان تجيبي علا التساؤلاات