غاليتي ام وقاص00

قرأت موضوعك00 والله يرزقك الصبر00

زوجك مريض00 ويمكن يكون مدمن 00

قفي مع نفسك اخيتي وقفه واقعيه 00 ولا تتهربي00

زوجك مو طبيعي ويحتاج للعلاج00 ضروري تساعدينه ويساعد نفسه00

هو مبتلى 00ولكن ماهي درجة البلاء الله اعلم 00

حوارك معه بإحتواء ورويه وأن همك عافيته 00 يجعله يرتاح لمناقشتك للبحث عن حل00

لا بد للذهاب لدكتور نفسي 00 ليخبرك بالخطوات اللازمه لمحاورته وإقناعه

ثم المرحله الثانيه بعد الإقناع 00يكون هناك برنامج علاجي00

وانتي ايضا لك الحظ الاوفر في مساعدته ويمكن يدخلك الدكتور كجانب علاجي ذو فعاليه كبيره00

تكلمتي عن زوجك000 وقلتي أنه يقول 00أنه مريض !! هذي نقطه جدا مهمه تبين ندمه

وصلاته في المسجد كما شهدت له 00 يبينفطرته السليمه 00 وهؤلاء غالبا يكون علاجهم اسهل

الله يصلح لك زوجك00 وجعلك قرة عين له00

__________________

تسلم اخي الاسم المفقود00

وشاكره لك إطراءك ومرورك العطر

__________________

مشكورة ع الموضوع
كنت انثى قالت اللي في خاطري
الله يجزاكم خير

مشكوره يالغالية ..

اهو الحمدالله صلواته من قبل الزواج كانت في المسجد و بانتظام ..

ياليت يرضى يتعالج .. اهو مرات يقول ساعيدني و مادري شو , لكن يعيدها مرة .. تعبت .. ما صار فيني حيل .. تعبــــت ..

حاسه انه معي اسم بس .. عشاني انا من اكون .. او شكلي .. مادري .. لكن هاي مو تصرفات طبيعيه و فعلا يبالها علاج ..

راح احاول بشتى الطرق ..

الله يعطيك العافيه ياشقرديه علا مواضيعك الحلوه إللي ماتجي إلا من الحلوين أمثالك والله يا أختي ما أتوقع إن مافيه زوج بيكون كامل والكمال لله عز وجل وحتى وإن كان فيه إيجابيات في صفات الزوج كثيره وحلوه لابد أن يحصل وأن يقصر فيها إذاماتركهاأو نساها مع زحمة الحياة و كبر مسؤليته إللي على عاتقه من زوجه وأولادوبيت وشغل فهاذي كلها تأثر على بعض المواصفات القياسيه لدى الزوج وحتى الزوجه لم تسلم هي الأخرى من التقصير فلابد أن تقصر في شئ وسيفتقده زوجها ولاكن الحياة هي كذا تحتاج صبر وإذا جلس الزوجين كل واحد يلوم الثاني على تقصيره فستنقلب حياتهم رأسا على عقب
ولاكن لابد للأزواج أن يلتمسوا الأعذار لبعضهم البعض وكل واحد منهم يقدر المسؤليات التي على عاتق الآخرطبعا بإمكان الأزواج أن يعوضوا بعض عن مافقدوه في حياتهم خلال عطلة الأسبوع أو أثناء الإجازة وبإمكانهم تجديد حياتهم الزوجيه وإدخال السعاده إلى أنفسهم أنا بالنسبه لي أفتقد في زوجي الحزم مع عياله الطفل لوغلط مايحاسبه يعني أحر ماعندي أبرد ماعنده ولاعمره حاسب أحد في عياله حتى لوصارت خناقه بين الإخوان وهو أبوهم جالس مستحيل يسوي شئ إلا شئ واحد تعالي فكي بين عيالك تذابحواوهو جالس يضحك ويشجع بعد أنا صراحة أموت قهر من هاذي الحركه وهاذي الصفه أفتقدها فيه أبغاه يكون حازم معهم في تربيتهم ويكون له هيبه عندهم ويخافون منه لاكن مستحيل لو صار وتناقش هو وأحد من عياله تلاقينهم كأنهم إخوان مو أب وإبنه كل ماقال كلمه أبنه يردعليه أنا عيالي يخافون مني ويهابون وما يراجعوني بشئ أبد أقول كلمه تمشي بدون نقاش حتى لوصار بينهم شئ يحتكمون عندي مايروحوا لأبوهم وبصراحه ما أنكر إنهم يحبوه أكثر مني لو مرض أو غاب عنا ماشافوه حتى بنتي الصغيره عمرها سنتين تسأل عنه وين بابا
أحط الغداء تجلس تلف الغرف وتدور وراه ماتلقاه تجيب الجوال تقول دق على بابا خليه يجي يتغدى معنا طبعا تفتقد له علشان دايم وقت الأكل تجلس جنبه وهو يأكلها ماترضي تجلس معي ويجلسون يقولون والله يا أمي نحس البيت ناقص بدون أبونا وأحس إنه يدللهم
بزياده عن اللزوم وأنا ما أحب عيالي يكبرون وكل رغباتهم مجابه لأنه بكذا ماراح يعتمدوا على أنفسهم أبد أحب أتعامل وسط معاهم لاكن أنا أصلح وهو
بطريقة تعامله معهم يخرب عليه بالنسبه لباقي صفاته ما أفتقد شئ فيها ولله الحمد لولاحظت إنه قصر بشئ على طول أخذ ورقه وقلم وأكتب لهارساله وأذكره بما أفتقدته فيه طبعا مع بعض البهارات والملح الثناء والمدح والغزل وأغلفها وأرش عليها عطروأحطها في جيبه أو محفظته على طول لما يقراها يعتذر عن تقصير وعاد تعرفين الرجاله دايم أعذارهم جاهزه ولاكن فيه أشياء بسيطه كان نسويها أول ماتزوجنا ولحد الآن زوجي مستحيل يتركها أو ينساها هي في نظرنا بسيطه لاكنهافي الأساس هي سر السعادة الزوجية ووصفة الحب الخالد في قلوبنا . أختي الحبيبه أحبك في الله أطلت عليك وأنا هاذا طبعي في كل مشاركاتي لا أحب أن أجيب عن السؤال إلا بلكامل الموجز والتفاصيل أسأل الله أن يجعلك أنت وأخواتي اللي بالمنتدى
من الزوجات السعيدات بحياتهن وأزواجهن وأسأل الله أن يصلح بيوت المسلمين والمسلمات من المفاسد والفتن ماظهر منها وما بطن .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هلا فيك اختي00 سعوديه00

والله يكون بعونك00

ياليت تجربي الرقيه الشرعيه 00

واقرأي سورة البقره في بيتك 00 فإنها بركه 00

الله يصلح احوالك غاليتي00 وكل الشكر لك ولمرورك العطر

__________________

الله يقويك ويسر امرك وأعانك00

وفتح لك باب من ابواب رحمته وفضله00

وقر عينك بصلاح زوجك وعافيته غلاتي00

__________________

هلا فيك اختي بنت الحكمي 00

وحبك الله الذي احببتني قيه00

والله إن ردودك لها وقع جميل وتوسع الصدر 00

ما شاء الله على زوجك يا طووووول بااااله 00 الله يخليه لكم ولا يحرمكم 00

وفعلا دائما إذا كان الاب رحوم 00 تكون الام شديده شوي لضبط الامور 00 والا ضاع البيت 00

طيب لو تناقشينه في امر الحزم 0000 وأن الاولاد بحاجه لذلك 00 وهو قد يكون اساس للتربيه

السليمه 00وعشان ما تتعب معهم إذا كبروا بكره 00 وش يكون رده00

والا يكون معتمد عليك بعد الله في بعض هالامور 00 او أنه شايفك قايمه بواجب الحزم00 فتركه لك00

وامين 00 على دعواتك غلاتي 00

وشاكره لك مشاركتك الطيبه00

__________________

والله يا أختي أنا زوجي في هاذي الناحيه
ياما ناقشته وزعلت عليه لاكنه يقول خلاص أبشري بسوي إللي تبغينه ويلتزم بكلامه فترة يومين ويرجع لطبايعه بالنسبة للإعتماد أيوه فيه أشياء واجد معتمد علي فيها تصوري عندي أكبر عيالي أول متوسط والثاني صف سادس إبتدائي
والثالث صف ثاني إبتدائي طول فترة دراستهم ماعمره قال لأي واحد منهم ذاكر دروسك أوأنتبه لدراستك صح يسأل عنهم بالمدرسه دائما لاكن يحاسبهم مستحيل بالعكس إلا يخربهم عن دراستهم مثلا أنا عندي نظام عيالي ما يلعبو بلاي ستيشن إلا في أيام الأسبوع خميس وجمعه وفي ساعات محدده لهم أوقتها توقيت لهم إذا ماكان عليهم إختبارات أو حفظ الدروس طبعا أيام الدراسه أحيانا يحلوا الواجبات ويذاكروا وبعدها يروحوا لأبوهم يتوسط عندي أعطيهم ساعة واحده بس يلعبوا فيها بلاي ستيشن أحيانا قدام مطالباتهم والواسطات أضعف وأعطيهم يلعبوا وأحيانا لوصممت مافيه يعني مافيه بس أنا أرجع هاذا الطبع في زوجي علشان حنا ماجانا عيال إلا بعد ثمان سنوات كان زوجي متلهف على الأطفال وما رزقنا بعيال إلا متأخرين وسبحان الله بدون أسباب عملنا كل الفحوصات سليمه بس إرادة ربنا فوق كل شئ وأنا دائما أناقشه في مسألة التربيه والحزم والشده عليهم
يقول لي أنا أصلا ماصدقت جاني عيال وتبغيني أضربهم وأزعلهم وأجرح إحساسهم ذولي أطفال طيب أطفال حسسهم بقيمتك وهيبتك بكره يكبروا ماعاد تقدر عليهم مهتم في أشياء ثانيه مثل روحتهم لصلاة بالمسجد وفي الحلقه حقت تحفيظ القرآن إللي مسجلين فيها الحمدالله من ناحية الدين مايقصر فيهم يجلس يوعضهم عن الصلاة وكمان يسألهم في أي جزء الحين أنتم من القرآن وين وصلتوا هاذي ويسأل عنهم أستاذ الحلقه حقت التحفيظ ويكافئهم على حفظهم هاذي أشكره عليها أما إنه يرتكبوا غلط بالبيت أو إزعاج مايكلف نفسه ولو بالتهديد ما يهددهم بالضرب أو يتكلم عليهم بس لوشافني عصبت وانقلبت عليهم يقول لهم أمكم تعبانه لا تزعجوها خلوكم عاقلين وأنا أوديكم البحر أو الحديقه أو أطلعكم كشته البرتلعبون كوره مدري هو فعلا بيساعدني فيهم ولا خايف لا أضربهم يعني شفقان عليهم أنا عندي لو الطفل طلب شئ وقلت لا يعني لا حتى لوبكى أو ما أكل ولاشرب يعني قصده أعطيه إللي يبغاه أنا مستحيل أوفق على هذا الشئ أخليه لحاله يصيح يقاطع الأكل حتى يرضى من نفسه طبعا لومانفع معه الكلام بالتي هي أحسن أطنشه حتى يطيح الحطب إللي براسه مشكوره يا أختي على إهتمامك وسؤالك جزاك الله خير الجزاء على ماتقدمينه في المنتدى لإخوانك من مواضيع مفيدة ونافعه وجعلها الله في ميزان حسناتك.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اسمحي لي ادخل موضوعك مره ثانيه

مادري ليه

يمكن عشان انا بحاجته اكثر من قبل

افتقد اشياء قويه صعب على الانثى تفتقدها

افتقد شي كبيرررررررررررررررررررر

افتقد الاحساس بالانتماء

افتقد الشعور بالامان

افتقد انوثتي كزوجة

افتقد احاسيسي كأنثى

افتقد نفسي نعم

لقد نسيت نفسي واشغلتها بمن حولي


احاسيسي ومشاعري
مااااتت

__________________

لا اله الا انت سبحانك اني كنت من الظالمين