سبحان الله .. أنا عاد كنت أتمنى ذريتي كلها بنات.

يعجبني لقب أم البنات .. أعتبره ميزة وكنت بانبسط لو انقال لي.

ولما حملت أول مرة .. تعاملت مع الجنين على أساس إنه بنت.

وأذكر زوجة خال زوجي كانت أول وحدة تستنكر عليّ أمنيتي إن بكري يكون بنت .. وكانت تقول: أحسن أول ياهل يكون ولد.

ما استوعبت هالكلام يومها .. يمكن لأن البيئة اللي تربيت فيها ما تعتمد كثير على حكاية إن الولد أو الرجل هو السند .. أو إن الاعتماد عليه يكون أساسي .... إحنا البنات وأمي الله يرحمها كنا معتمدين على نفسنا في أشياء وايدة .. حتى اللي تعتبر من بديهيات مسؤوليات الرجل بالنسبة لباقي المجتمعات.


لكن في كل الأحوال أحمد ربي على رزقه .. والله يحفظ لي سلطان وخواته.

__________________


اللهم طِيبَ الأثر .. وحُسْنَ الرحيل.

لمعشر الحريم

مع العلم فيه ناس يتعبون نفسياً لما يشوفوني كريمة على نفسي

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

من جبت هالولد ناس كثيييييير زعلت وتعبت نفسيتها واستكثرت علي الفرحه
والله ثم والله ثم والله ما عمري فكرت بهالشكل او توقعت الناس نظرتها لي على اساس عندي بنات او خلفتي اولاد
وبالفعل انا الحين غير ونظرتي للدنيا والناس والحياة غير
من حملت ما قلت لمخلوق اني حامل بولد او بنت حتى ابو بناتي!!!!
كنت احس اني يجب ان اتادب مع الله وارضى باللي قسمه لي
ايه اتمنى الولد لكن ما اتذمر او ازعل من البنت
اهمزشي ان ربي ما حرمني الذرية
فرحتي فيه لانه جا بعد تعب وعداب
اذكر الدكتورة كانت تقول سميه يا شوك متعب
من كثر ما شفت من التعب
هذرت كثيييير
فسامحوني

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ما عليج من حد يا شوك.

المهم إنتي بخير .. وأميرج بخير .. وقموراتج بخير.


كلام الناس وأذيتها ما تخلص.

__________________


اللهم طِيبَ الأثر .. وحُسْنَ الرحيل.

افرحي فيه ضناج ومن حقج تفرحين .. الله يخليه لج ويرزقج بره وتبلغين فيه معرس وتشوفين اولاده يارب ..

بس شوك لا تظنين اللي ماعندهم اولاد ماعرفوا الفرحة ..
الفرحة اللي ربي زرعها في قلبج قبل شهر .. ربي زرعها فيني قبل 12 سنة لما يبت بنتي .. ومرة ثانية اكرمني بالفرحة قبل 9 سنين .. وربي كريم زرع في قلبي فرحة ثالثة قبل 3 سنين ..

بتضحكين من موقف صارلي قبل 12 سنة .. لما يبت بنتي كنت طايرة فيها من الفرحة .. قبلي باسبوعين بنت خالتي يابت ولد .. لما ذقت الفرحة ببنتي كنت اقول بخاطري مسكينة بنت خالتي ماعتقد شافت الفرحة اللي انا فرحتها لانها جابت ولد .. بس عشان تعرفين شدة فرحتي بالبنات ..
انا بس انكسر خاطري على بناتج وانا كوني ام البنات تأثرت وزعلت عليهم ..
تأكدي اني ماحسدتج ولا استخسرت فيج الفرحة بالعكس والله فرحانة لفرحج وقلت ربي عوضج بخالولد عن كل الامور اللي زعلتج في حياتج وان شاء الله يكون هو باب فرج لج وفرح باقي عمرج الباقي ويعوضج عن الايام اللي راحت ..

* انا مب زعلانة اني ماعندي ولد .. انا زعلانة ان حملي يتأخر.. ان شاء الله اجيب 10 بنات .. بس ادعي ربي يكرمني واحمل وارزق بهم صاحيين سليمين يارب ..

بناتيت

عندي سؤال سريع

انا واسئلتي اللي ماتخلص 😂


ليه الرجال لما يتكلمون عن نسب العنوسة.. "مع اني لا اؤمن بشي اسمه عنوسة"

يحسسون البنت العانس انها طايحة بكبودهم؟ :/

البنات يدخلون الجنة.. 🌹

ذكرتوني بصاحبتي واخواتها

6 بنات ماشاء الله

كلهم حافظات للقران و ثنتين منهم معاي يدرسون

الناس كل ماشافوهم يلعبون مع ولد صغير تكلموا

ونظرات شفقة والله يرزقتس بالولد

نرفزة وقلة حيا

وإنتي على بالج خايفين عليها والا حاملين همها مثلاً.

هم يشوفون المصلحة وين!

وإشعار البنت إن وضعها مأساوي يسهّل على البعض تنفيذ مصلحته.

__________________


اللهم طِيبَ الأثر .. وحُسْنَ الرحيل.

فعلا فكرت بهذا..

بس ليش البنت تاكل على دماغها وتصدق؟ شدعوة 😶

صحيح 100%

والله إني أغبط أم البنات أو اللي أكثر ذريتها بنات عشان هالسبب.

ولو كانت عندي نية للحمل مرة ثانية فكنت بادعي ربي يرزقني ببنت ثالثة.



البنات نعمة وأجر.

ولو إني ما أحب أمشط شعورهن.

__________________


اللهم طِيبَ الأثر .. وحُسْنَ الرحيل.