النجوم قبلة الفيصلية
بس يا ملكة خلك من حرارة هالقلب شوي
هدي ولاحق على الروضة والمدارس

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

هلا والله سديم مشكوره ياقلبي الجمعه الحلوه منوره فيكم والله.

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

الله يسامحك مفروض تحثيني ادخله
كل الاستشاريين والاطباء حثوني بالاستعجال
مو اني ابيه يدرس
ابيه يختلط ويندمج ويكتسب مخزون لغوي
للاسف ولدي مخزونه صفر
مايمتلك ولا كلمه
بس بالبيت مااكتسب شي

لانه لحاله وانا عجزت فيه
حسيته يكتسب من الاطفال اكثر مني
اجلس معاه ساعه ساعتين باليوم تخصيص تخاطب
ولا استفدت شي ولا تطور واحد بالميه
وديته مره العاب مغلقه. واكتسب اشياء كثيره
منها الجراءه والاندماج
لانه لعب مع اطفال
فتخيلي لو يوميا بحضانه

عالعموم شاكره لك حبيبتي شوك

والله يحمي لك اطفالك من كل باس

بونجور يا سكاكر.


إن شاء الله أيامكن خير وسعادة وراحة.

__________________


اللهم طِيبَ الأثر .. وحُسْنَ الرحيل.

صباحكن سعادة

اوتروآ

__________________

صباحك ورد ام سلطان

طمنينا عن الاميره مهره ان شاء الله تحسنت وراحت المدرسه

وسلطان كيفه اليوم طبعا الضرب يكون واضح اكثر ثاني يوم

صباح الجوري يا ملكة.

مهرة مشكلتها بدأت أول أمس بعوار بطنها .. وأمس الصبح بدأ معها احتقان في الحلق واستفرغت حبيبتي حتى قبل ما تاكل شي.

بعد ما رجعنا أمس من المستشفى عطيتها أدويتها .. بس بطنها كان بعده يعورها شوي .. وما قدرت تتغدا أو تتعشا عدل.

الدكتورة تقول إن عوار البطن شائع بين بعض الأطفال وما يقلق (وهذا كلام دكتور ثاني كنت عرضتها عليه من حوالي ثلاث شهور) .. ووصتني أوقف لها الكاكاو بالحليب باعتباره أكثر شي تشربه هالأيام .. فاحتمال يكون هو السبب.

والحين بعدها نايمة .. ما قوّمتها عشان المدرسة.



سلطان الحمدلله ما فيه إلا العافية.

الضربة ما كانت قوية والاحمرار تحت عينه خفيف .. وبإذن الله ما يطوّل.
.
.
.
ملكة كم عمره ولدج؟

__________________


اللهم طِيبَ الأثر .. وحُسْنَ الرحيل.

سلامتهم مايشوفون شر الله يحفظهم من كل باس

عمر ولدي سنتين

حبيبي باسم الله .. بعده صغير.

أنا أذكر إن الطبيب قال لج الولد ما فيه شي ولله الحمد .. لأنج كنتي خايفة من التوحد وإنه ما يكون ولد طبيعي.


ولدي تأخر بالكلام .. مع إن البيت ما كان خالي لا مني ولا من جدته ولا من عمّاته .. أذكر كان يقول ماما وبابا وباقي الكلمات كلها خرابيط محد يفهمها غيري .. واستغربت وقتها لأني طول وقتي معاه كنت أثرثر .. وكنت حريصة على نطق الكلمات بطريقة صحيحة وسليمة بعيداً عن المصطلحات اللي يستخدمونها الكبار في التخاطب مع الأطفال يا زعم إنها أسهل والأطفال يفهمونها أكثر .. وتوقعت أن هالشي بيخليه يتعلم الكلام بشكل أسرع.

لكن اللي حصل إن سلطان ما تعلم يتكلم عدل إلا بعد ما دخل الحضانة بعمر الثلاث سنوات ونص .. لذلك أنا أعتبر نفسي من أنصار الحضانات .. وأشجعج عليها.

لكن في نفس الوقت حطي في بالج إن مسألة التأخر في الكلام واردة يا ملكة .. فلا توترين نفسج وتشيلين هم وطولي بالج شوي.


وبخصوص الحضانات .. إذا عندكم حضانة ملحقة بمدرسة بتكون أفضل.

__________________


اللهم طِيبَ الأثر .. وحُسْنَ الرحيل.

صباح الخيييير

كيفكم؟



ملكة

كونه مايعرف يعبر او يتكلم بالعكس المفروض هالشي يخليك تتخوفين تدخلينه

لانه في حالة احد اذاه مايقدر يعبر ولا يفهم اصلا!

لا تودينه الا بعد سنة على الاقل.. واذا اعتمد على نفسه وصار يروح الحمام لحاله

والروضات عندنا حتى الغالي منها الله بالخير

خليه يختلط بس تحت مراقبتك

اعزمي عيال اخوانك مرة مرتين اسبوعيا

طلعيه سوي معه نشاطات

جيبي العاب تعليمية وخليه يشوف تلفزيون شغلي له عالايباد الاشياء اللي يحبها

ولدك طبيعي دام فحوصاته كلها سليمة مافيه الا العافية لا تبالغين من خوفك يابنت الحلال 💜

واحد من اخوالي كذا عياله كلهم يتكلمون متاخر.. الحين ماشاء الله متعلمين مثقفين ومن احسن الناس

عامل وراثي طبيعي باذن الله