يالطيف طلاق مره وحده تعوذي من ابليس يا بنت الحلال
والله ما فيه شي بيستاهل
زوجك شاريكي وبيحبك ومستحيل يتركك حتى لو تزوج ميه وحده انت الاولى انت الاساس انت الحب الاول بحياته
انت مصدر قوه بالنسبه له
ما راح يقدر يستغني عنك
الا اذا كنتي حابه تتدلعي هههه
وتشوفي غلاتك عنده
الموقف ما بيستاهل كل هذا
ولا تنسي للشيطان مداخل << شوف مين بينصح خخخ
تعوذي من ابليس
كنت بدي اسئلك عن طريقه الصالونه
المخفي اليوم مو عنا وجاي على بالي اعمل صالونه دجاج على طريقتك ممكن تكتبيها الحين لو سمحتي << وبتتشرط كمان

__________________
انا لله وانا اليه راجعون

من عيوني يا متفائلة بس اصبري علي شوي.

__________________


اللهم طِيبَ الأثر .. وحُسْنَ الرحيل.

متابعة يا مهرة ..

ترى انصحك نصيحة المستشارة
لا تمرضي نفسك نفسيا لانها بتضر صحتك و لا سمح الله تسبب لك القولون و يتبعه امراض عديدة ..

قال لي ما في شي في حياتنا بيتغير.

حد يفهمني شو معنى هالعبارة؟

__________________


اللهم طِيبَ الأثر .. وحُسْنَ الرحيل.

السلام عليكم ورحمة الله وبركاته

عزيزتي مهرة قلتها سابفا واعيدها

زوجك معتاد على ردود فعلك الهادئة والمنطقية

هو يعلم ما هو سقف رد فعلك

انت بحاجة ان تزلزي ثقته بقدرته على احتواء اﻻمور

هو تمادى بزيجاته واصراره على السعي وراء رغباته اﻻنانية ﻻنه لم يكن لك ولا حتى مرة واحدة موقف بجعله يقلق من نتائج افعاله

لم يقلق ابدا من خسارة مهرة ﻻنه يعلم ان اقصى ما تفعله لن يتجاوز مجرد تسجيل موقف

رغم ان زوجك قائم بواجباته هذا لا ينفي ان اناني

لست اراك شخصا يتقبل الطلاق ولا اشجعك عليه

ولكن اشجعك وبقوة على اتخاذ مواقف قوية بعيدة عن شخصيتك تضمنين بها حقوقك وتدخلين القلق الى قلبه فيعيد حساباته قبل اﻻستمرار بمنهجه

بالتوفيق ان شاء الله

السلام عليكم ورحمة الله وبركاته،

أدري انك ما تحب الحوار الطويل والكلام الكثير .. وادري اني ما بقدر امسك نفسي وانا اكلمك .. وفي النهاية انت بتتضايق وما راح تسمع مني .. فالكتابة يمكن تكون أفضل.

قبل كل شي اعترف انك ريال والنعم فيك .. ما عمري شفت منك شي .. وما عمرك قصرت معاي .. عيّشتني عيشة حلوة وعززتني وأكرمتني .. جزاك الله خير.

ويمكن هذا كان أهم سبب .. مع عيالي طبعاً.

طول السنة ونص اللي طافت وأنا أحاول أصبر .. وأتعوذ من ابليس .. وأقول بلاش غيرة حريم وقلة عقل.

طول السنة ونص وأنا اسوي نفسي مب شايفة أي شي يقول ان بالك مع غيري .. وان مشاعرك مع غيري .. وان جزء من حياتك مع غيري.

طول السنة ونص وانا ادعي ربي ان يرفع عني هذا هالهم

كان ممكن أستمر في الصبر ما دام كل شي بعيد .. لكن تييبها لين هني؟! هذا وايد علي ... والله وايد.

ما راح اقدر اعترض .. ولا راح اقدر اقول لك ليش سويت جذي .. لكن واضح انك تباها تدخل حياتنا .. من حقك بس أنا ما أقدر اتحمل هالشي.

اللي صار البارحة معناه انك تحبها وايد .. وما راح اقدر اعاتبك على هالشي لان الحب بيد رب العالمين .. لكن وجودي خلاص ماله داعي والأفضل انك تطلقني وتعيش حياتك معاها بشكل طبيعي .. وتحصل الحب والسعادة اللي انت محتاجهم معاها.

بخصوص اليهال .. انا أكيد ابا عيالي معاي .. ومب حابة انهم يطلعون من الشارقة .. فإذا حبيت تخليني معاهم هني في البيت فكثر الله خيرك .. وإذا كان لك راي ثاني وشفت انك انت وحرمتك تقدرون تراعونهم وتديرون بالكم منهم فما راح اقدر اقول شي .. بس أمانة عليك تخليهم في مدرستهم .. وشما تدخلها حضانة الويس جرين.

لكن اذا سألتني عن اللي انا اباه .. فأنا اتمنى ان عيالي يكونون معاي .. على الأقل وهم معاي باقدر اطلب لي بيت من الحكومة يشيلني ويشيلهم .. لاني ما ابا اعيش مع حد من اخواني لأسباب خاصة فيني .. بس اذا ممكن يكون كل هذا عقب الصيف لاني ابا اعلم شما الحمام.


وسامحني اذا كان مني قصور .. مع اني والله العظيم ما ادري لين الحين انا في شو قصرت بالضبط .. وسامحني إن ما قدرت اخليك تحبني مثل ما كنت أتمنى.
.
.
.
هذه رسالتي له.

__________________


اللهم طِيبَ الأثر .. وحُسْنَ الرحيل.

غريبة بعد اكثر من سنة وانتي غير متقبله واقع زواجه

كأنك حاسه عمرك بحلم وتنتظرين بأي وقت تصحين منه

لازم تصحين من الحلم وتتصرفين كأنك اول مره تسمعين خبر زواجه وتمحين ما فات من وقت من ذاكرتك بدل ما يلعب زوجك على نفس العامل .. الوقت

رساله راقيه وجميله وواضحه ومحدده طلباتك وفيها استعطاف
بتوقع انه راح ينهز من الداخل لما يقرئها
في الاول راح ينصدم
معقول هذي مهره
طيب ليش كانت ساكته على كل تصرفاتي
لكن بعدين راح يبدء التوازن عنده بمشاعره
وراح يقبل عليك بكل ندم ويترجاك ما تتركيه
انت خساره كبيره له
انت اللي عامله توازن بحياته
انت الاساس اللي هو عايش علشانه
بدونك ما بيقدر يتحرك ولا خطوة
استبعدي نهائي انه يبعد عنك
وراح يرجعلك احسن من الاول
وبقوة ان شاء الله
مهره بس بدي اخبرك شي
الرجل طريقه تفكيره عقلاني اكثر من عاطفي
وبيقدر يوازن مشاعره ويحب اكثر من وحده بنفس الوقت
قصدي بيحبها مو لشكلها لا
ولكن لصفه مميزه فيها
انت مثلا
جميله
راقيه
ذووق
ثقافه
فيكي كثير صفات حلوة فيك
فهو بيعشق شخصيتك انت بيحب صفاتك انت اللي مش موجوده بغيرك
علشان هيك ارتاحي ولا تضلي تحكي بيحب الثانيه او الثالثه اكثر مني
حبيبتي الرجل اناني وين سعادته بتلاقيه راكض عليها
اذا الاولى نكدت عليه ماعندوش مشكله لانه الثانيه موجوده واذا الثانيه تعبانه او مشكلجيه ماعندوش مشكله لان الاولى موجوده وهكذا
ما بيعرفوا حب ولا بطيخ
اهم شي وناستهم وسعادتهم
علشان هيك حكيتلك زمان
استغلي الوقت اللي بيكون فيه عندك وانسي الثانيه والثالثه
حاولي استمتعي انت
بالوقت اللي بيكون فيه معاك
لا تفكري انه بيراسل الثانيه او بيضحك مع الثالثه انه مبسوط لا
بيجامل فيهن لانه له مصلحه معاهن
لكن لو نرجع للعقل والمنطق
انت المفضله عنده انت الحبيبه
انت الجميله
انت اللي ما بيقدر يستغني عنك
لا تحاولي تهدديه انك راح تتركيه
خلص انسي الموضوع
المفروض سيره الطلاق ما فتحتيها نهائيا وعاتبتيه برساله على جيتها عند ام زوجك
المصارحه افضل حل وجلسات الصراحه
شو الطلاق يعني دمار بيت كامل صارله 11 سنه بيتاسس
وعلشان شو
علشان شهوة ولا نزوه راح تنتهي باي وقت
وحتى لو استمر معها
مادام قايم الرجل بكل حقوقه وواجباتك
الحمد لله
بيضل بس كيف تفكري تسعدي نفسك وهو موجود معك

__________________
انا لله وانا اليه راجعون

طيب وشو رد يا مهره ؟

رسالتك عاطفية وتتكلم عن حبه لها وبأنك ما قدرتي تخليه يحبك مثلها ... هذا جزء من المشكلة لكن انتبهي يصير التركيز هنا وتنسي كلامه لك ووعوده لك لما تزوج بأن حياتكم ما راح تتغير .

النقطة الأساسية واللي ضايقتك هي تأثيرها على حياتك من خلال دخولها المكان الوحيد المريح لك بمدينتكم . بيت ماما

__________________