الشقة والخساير يمكن مؤثرة فيك اكتر من سالفة انك حبيتيه..

احراجك امام القاصي والداني هو سبب حالتك النفسية..

وسبب هالاحراج وسخريتهم ماهو حبك له وتراجعه بين يوم وليله لانها تصير كثير..

تشتري شقة وتأثثيها بفرش غالي فقط لانه قال أحبك وانشالله نتزوج؟! 75% تدفعيه في الاقساط ؟ انتي فقط مين تتحملي المسؤولية ولا قد سمعت عن وحدة انخطبت (انتي حتى ما انخطبتي من اهلك) ، وراحت اشترت شقة بالدَّين،، اسمحيلي لكن لولا الشقة ماكنتي اتأثرتي بهذا الانفصال أو هذه السحبة لكن الديون و 25% تصرفي منها على نفسك وابنك.. كيف كنتي متصورة الموضوع ولا هو مليونير بيجي يصرف عليكم أضعاف بعد الزواج؟؟

الخلاصة حبك له مانك ملومة عليه بس الشقة انتي وحدك السبب فياريت تنظري لهداك التافه أنه وعدك بالزواج وانسحب فقط.. لانه مااااله علاقة بخسائرك المادية!!!!!!! اذا شفتي الموضوع هكذا راح تفهمي انو الي صارلك (تراجع الخاطب) مو مستاهل كل هالمشاعر وكل هالنفسية..

البيت برأي انا لو مكانك ببيعه ولو بشوية خسارة المهم افتك من الديون وامحي كل شي يذكرني فيه وارجع ما امكن لحياتي قبل ما يتسلط علي التافه..

لو البيت اشتريتيه من مدخراتك ومافي اقساط كان قلنالك احمدي الله طلعتي ببيت بس انتي فقط طلعتي بديون . ترا الفلوس تتعوض مو شرط تربحي بالبيع المهم افتكي وابدي من جديد.



ولا تتقولي انتو مو حاسين فيني انا زي كل الاعضاء كتبتلك رد من قبل بس انتي معطية سحبته عليك اكبر من حجمها فحبيت اذكرك ان انتي تتحملين جزء كبير من المسؤولية.. حتى لو ماسحب عليك يمكن كان اختفى بسبب آخر (موت، مرض..)

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

في الحقيقة أنا أيضاً لم أفهم هذه الجزئية!


أنا غير..

لماذا اشتريت الشقة أساساً؟

__________________


اللهم طِيبَ الأثر .. وحُسْنَ الرحيل.

لاسباب
اولا انا بعد طلاقي الاول واجهت مشاكل
العوده لامي او لابي
فكان احد مافكرت فيه بيت ان خاب الزمن فهذا بيتي
ثانيا
ابني
لازم محد يتمنن عليه انت فبيتنا
ومو لازم احكي لك كم سمعتها وانا صغيره
ثالثا
كنت اتوقع انه زوجي العمر كله
يعني خطوبه وملكه وزواج ولانعذب احد بامورنا

يشهد الله كانت نواياي معه طيبه

اسفه ع الاخطاء الإملائيه

والله فاتحه من الجوال وأكتب منه .. دوبي مروحه من دوامي وشفت موضوعك قلت أرد عليك ..

ياشيخه انبسطي ..

تعرفي لو أنا محلك كيف بفكر ..
بقول ياستي أنا موظفه .. عندي ولد ربي يحفظه .. شريت لي شقه .. واقدر اشتري لي سيارة ان شاءالله ..

الحمدلله عندي المادة وعندي سعادة عمري اللي هو ولدي أفرغ حناني فيه

شوفي أحيان العاطفه ماتستحق نضحي بوقتنا ونتعب نفسياتنا عشان نحصل ع شي يشبعها ..

خلاص يابنتي نتصرف وفق المعطيات اللي ربي عطانا اياها ..

صدقيني العاطفه مو كل شي وصعب تلاقي اللي يداريها طول الدهر .. هالايام الواحد يالله يسعد نفسه فما بالك بزوجته والا عياله ..

عشان كذا عيشي لولدك والحمدلله معاك وظيفتك ..

والله ثم والله ثم والله وكل اللي حولي يعرفون ردي هذا اللي بقوله لك في موضوع الزواج

انا لو معاي ولد والا بنت ماعمري راح أفكر اتزوج لاني اشوف العيال خير استثمار في الحياة واذا كانت معاي القدرة المادية اللي تعيشهم ملوك خير وبركه الحمدلله

بالله محتاجه رجال جنبي يساعدني قي التربيه ؟؟
لا والله ماني محتاجه .. انا محتاجه اكون أم بس .. لأني تعودت اعطي واضحي واتعب في اي شي يخصني

ولو كاه معاي عيال اذاً هم ممتلكاتي ولازم احافظ عليهم واربيهم احسن تربيه واعلمهم احسن تعليم ..

اذاً حالك احسن من حالي .. افرحي وانبسطي وانسي هذا المخلوق .. وربي مايستحق ياخذك من ولدك الغالي ..

عزيزتي والله لو معاي ولد زي ولدك
ما افكر في لحظه اتزوج واعطي اهتمامي لزوج نهائياً


والله يشهد ع صدقي في كلامي كله اللي ذكرته لك ..

__________________

(( لا شيء يجعلنا عظماء سوى ألم عظيم ))

وانا مصدقتك


والله اعرف ان كل كلمه كتبتيها من قلبك


كنت كذا

وكملت دراستي وخلصت ماستر
وكان لي عالمي
ومقفله عالزواج


الين ظهر
اسال الله لايبلاك بمثله

انا ودي ارجع بس عجزت ي زوتا

عزيزتي...
وعسى ان تكرهو شيء وهو خير لكم ...

لازم تعرفي ان كل مايحدث للانسان فهو خير

الحمدلله ماتزوجتي وحملتي وتركك

الحياة قدامك والله ماخلق دابة والا عنده رزقها،كيف احنا بني ادم وبنات حواء..

لاتضيعي الوقت في الحزن والندب
من توكل على الله كفاه

__________________

هل وجوده من اول في حياتي خير

ابتلاء
بس والله ثقيل

اسال الله يجبرني

مااعرف ليه لساتك بتقولي خطيبي ؟

هل بعد كل الي سواه وفكر يرجع لك بتوافقي؟؟ بتظمني حياتك معاه؟؟

بصراحه هو ماله تفسير إلا إنه شافك وانفتن فيك حتى لو انك محجبه دخلتي مزاجه وترك خياله وهواه يمشيه ع كيفه وتعلق الهوى فيك وحلف وقسم إنه مايتخلى عنك وسوى الي ماتسوى عشانك

ولما عرفت زوجته رجعته للواقع وخياله الي رسمه فيك طيرته الرياح وانتهيتي من حياته ببساطه لأنه الي زيه ماعندن ضمير مصلحته أهم من كل شي حتى لو جيتي في باله بتكوني مجرد ذكرى جميله وانتهيتي ربما يعود لك اذا وافق رجوعك مصلحته لكن يكافح ويتخلى عن مصلحته من اجلك مستحيل

في موضوع في قسم المطلقات مشابه جداً لموضوعك لكن تصرف العضوه كان رائع جداً ولا نقول تأثرت لكن ماوصلت لدرجة ماوصلتي له


واكون صريحه معاك ماتو الي يمرضو من أجل الحب فأحييك أنتي نادره

وهذا درس لك تتعلمي منه مجموعة اشياء
- لا تخسري مادياً من أجل الرجل بل أجعليه هو الي يخسر من أجلك ( بيت ، مهر ، نفقه) لانه ربي خلقهم كذا
- لا تفكري إلا في مصلحتك ومصلحة إبنك فقط
- لا تحزني وتتعبي من أجل شخص باعك

واخيراً اذا تقدري بيعي الشقه وسددي القرض واستمتعي ودلعي نفسك وولدك
لانه ضغط القرض بيتعبك ويذكرك بالي كان خطيبك

كلامك وغيره لاجله جئت وكتبت

بعض الردود جعلتني اعيد حساباتي
اسعدتني وابكتني
وجعلتني اسجد

يارب خفف عني


وبعضها يجعلني بائسه لاحق لي
كان الوفاء عيبا في زمن بلا رجال
واقصد زمني انا
نعم احببته لكن والله الذنب ذنبي


ذنبي انني صدقته
فهل يكون جلادي


ماعرف ان كنت باقدر اطلعه من قلبي

لكن ادعو الله ان ياخذ بيدي

احاول احيان اتسامى عالوجع
لكن اوقات
يخونني التعبير واجيكم بهمي
انا بنظر اهلي تجاوزت
لكن يعلم الله اني اتسامى
ولاالاقي عبرتي الا هنا


شكرا لان كلمه قلتيها قالتها زوجه اخي
هذا ليس زمن تكرمين فيه اي رجل
ذهب زمن الاوفياء
والمؤلم انني وجدت من يبرر سقوطه من عيني وقلبي
ليتني ماعرفته
وليت كل طريق اتى به اغلقته

هو قضاء الله
ولله حكمه


ماعرف هالالم اي حكمه فيه


حسبي الله ونعم الوكيل

اللي كلنا مستغربين منه ومستنكرينه ان الموضزع صار له سنة وانتي للحين مصدومة كأن ما مر عليه شهر ..
لو توك من شهر شهرين قولي ثلاثة نعذرك ونقول جرحك كبير واخذي وقتك بالحزن . بس عاد سنة كاملة منغمسة بالحزن وحياتك تأثرت وصحتك تدهورت ..
ارحمي نفسك مب زين اللي تسوينه ..
وجالسة تبررين لنفسك ولنا مشاعرك وكأنك تبين تقنعينا ان الموضوع يستاهل الحزن حتى الموت وخلاص لا يجب ان تعيشي باقي حياتك بشكل طبيعي ..