بقولك شغله اخت كنافه زوجك لما اتصل عليك مو مثل ماانتي متصوره لحاجته ولكرشته وانما هذا طبع النمط الجنوبي اذا شاف شخص مهموم يحس ان من واجبه ان يوسع صدره...وشي ثاني قلته قبل واكرره تعاملي ببساطه واتركي الوقوف عند كل كلمه هالوقفات تدخلك في دوامة سوء الظن...ومبروك الصلح

حبايبي الله يوفقكم ويبارك فيكم
ويارب تهدى النفوس وفعلا نفتح صفحة جديدة

وانا بحاول اتغير ان شاء الله
رغم اني اعرف نفسي الرومانسيه شرق وانا غرب
حتى زوجي فاهمني لماحاول يراضيني بشي مادي


اسأل الله في صباح اول رمضان ان يوفقني واياكم

اليوم اول ايام رمضان
وانا قلت اول فطور بسوي كل شي
بخرت البيت ورتبته
وسالت زوجي الصبح ايش يشتهي
قال ابي كذا وكذا وكذا.. قلت ابشر
وقال يمكن عمي يجي يفطر معنا
قلت علمني قبل العصر عشان اعمل حسابي
ولما اذن العصر مارد فسألته عالواتس بيجي؟
قال دامي قلت ما علمتك يعني ماهو جاي
قلت اوكي

وكملت طبخ كل شي على راسي طبعا
وهو جاء من دوامه ونام الى قبل المغرب بساعه
جلس عالفطور
اشوفه ماقال ولا حرف
بنتي قالت: وااااو مره اكل كثير وحلو
وجلست اغرف لهم
وقلت: سفرتنا عامره ليت عمك جاينا
هو هنا انفلت علي وعصصصب
انتي غبيه ماتفهمين قلنا مو جاي الخ الخ
مارديت عليه
بس دمعت عيوني
عصب زياده وجلس يدعي على نفسه
قمت من السفره
مسك يدي وباس راسي وقال خلاص اسف اجلسي كلي خلصينا

قلت وش فيك؟
قال: انفصام شخصيه خلاص اجلسي بس
جلست اكمل لبنتي اكلها
وقمت بدون ما اكمل فطوري
باختصار انسدت نفسي
جاني بعدها يقول تعالي اجلسي معي
قلت دايخه بنسدح عالسرير


مدري على نفسي اموت وافتك والا ايش
مافي اي تقدير ولا احترام للنعمه ولا الشهر
تهزيء وطوله لسان ونكد حتى بفطور رمضان


استحيت منكم اكتب موضوع مستقل
ادري غثيتكم بمشاكلي
دعواتكم اخواني

الله يعينج...
آنه تنرفزت من عصبيته اللي ما لها داعي
ما عندي نصيحة .. لاني الليلة متفطرة بهواء
من وراء عصبيته الغير مبررة ...
صادقة هاجر لما قالت الرجال كل بين فترة وفترة يحتاج له نفضه
عاد يا من تعرف تنفضه

__________________

حاجة الناس إليكم من نعم الله عليكم ، فـ لا تملوا النِعم ☁✨

كنافه ياعسل تغاضي أعد وأغلط من الانفصامات الي تحصل لزوجي ومكبره راسي ومطنشه

لا حول و لا قوة الا بالله

بس ما اقول الا الله يعينك

المعذرة كنافة

متفائلة شلون تقدرين تطنشين دايماً ؟!!
عطينا التكنيك

__________________

حاجة الناس إليكم من نعم الله عليكم ، فـ لا تملوا النِعم ☁✨

كنافه حبيبتي زوجك مدخن واول يوم صيام

حاولي ماتحتكون به ابد ولا تفتحون اي كلام عندن
لحد مايفطرون وياخذ البلا

الله يفكه منه

__________________
سبحان الله وبحمده

عاطينهم اكبر من حجمهم بكثييير طنشووو واستغلو كل دقيقه في الشهر الفضيل بالتسبيح والتهليل وذكر الله

وحده توها عروس اول رمضان بتقضيه مع زوجها

نبهها زوجها لاتحتك فيه ابدا الين بعد الفطور
تسألني قلت والله مدري ماعندي احد مدخن اعرف ايش يسوون

بس انا مدمنه كوفي تركي اليوم مرا تعبت من الصداع والغثيان
مع اني فطرت عليها واخدت معها بنادول ولسى الصداع ماسكني بعدها على خفيف
دام اعتذر خلاص عديها .. الله يعين

__________________