-أتمنى أن يكون رد والدها إيجابياً مع نصحي لك بعدم الأمل كثيراً في جواب والدها خصوصاً بعد مضي هذه الفترة.
-رسالة أمها واضحة لا تحتاج لأي تفسير.
-إنما أنت وهواك ورغباتك تفسر بما يحلو لك من أجل أقناع نفسك بما هو خلاف الواقع.
-جهودك في الإصلاح ولم الشمل تشكر عليها.
-أختصر لك اقتراحي في عبارة واحدة بغض النظر عن انتظارك لرد والدها من عدمه:
(ابدأ البحث عن زوجة أخرى، وتزوج، ولا تضيع وقتك).
-وفقك الله.

لست متأمل كثيرا اخي الجواب واضح والرد معلوم مسبقا
ولكن ذكرت من باب الاحترام لوالدها انتظر الرده منه
لاتقلق اخي البليغ سأبحث بإذن الله عن زوجة في الوقت المناسب ولن اضيع عمري في الجري خلف السراب .

الله يفرج همك اخي الفاضل
اخي افتح موضوع جديد واشرح فيه مشكلتك وتأكد بأن الجميع سيكون بجانبك لمساعدتك في حل مشكلتك . ننتظر موضوعك الجديد اخي

بيض الله وجهك أخوي انت ماقصرت سويت أكثر من اللي المفروض تسويه عشان ترجعها
ان أبغض الحلال عند الله الطلاق ونعرف اللي تطلب الطلاق من غير أسباب مقنعه ولا يمكن تعديلها جزائه من رب العالمين
والدليل ان اللي تسويه كله دلع وتبي تثبت النفسه والاهلك واهلها وقبل هذا انت انك باهمالك خسرتها
وتبين أنها مرغوبة والدليل مرمطتها لك حتى بعد اجتماع الأهل
قالت ارد بعدين ابي وقت كله عشان نفسها فقط وأنها بتهملك وتذوقك مرارة الإهمال منها مثل ماذاقته
بس مسكينه ماتدري أنها هي الخسرانه
انت رجال مايعيبك واذا انت على خلق ودين تقدر تأخذ غيرها
ولا تقول ماقدر أتزوج وأظلم غيرها
لاأخوي الحياة ما توقف على مره خلك قدها وانا اختك ومن باعك عشان سبب تافه بيعه
ولله في بنات أزواجهم زنو وشربو خمر ويترك صلاته وعشان طفلها أو طفلتها أصبرت ودعت ربي لين الله عدل حاله والله عوض صبرها بدون طلاق ولنا في مجتمعنا الكثير خير مثال
سترت على زوجها أبوعيالها وأصلحت حاله بعد الله لانها ببنت ارجال
ولله ياخوي أنها ماتستاهلك
انت تستأهل افضل منها واللي تخلت عنك بسبب تافه هذي ماتحبك
ان رجعت لك هي زوجتك وحبيبتك وأم ولدك عوضها وعطها قدر ماتعطيك
وان رفضت الرجعه هي الغلطانه والخسرانه ونظرت المجتمع لها بتكون سيئة خاصه انه خسرت رجل مثلك مايشهد عليه بالشين والحرام
واعترافك بغلطك ياخوي واللي أشوفه انا انه تافه
لو كان اللي سواه غيرك مايعترف وقلب الطاوله عليها
وهذا بحد ذاته يدل على انك شخص رائع خسرتك هي مهوب انت
ولله أني ارئف بحالها هي وين تلقاء بمثل مواصفاتك
ولله الرجل الصالح في الوقت هذا مربح
والبنت السنعه هي اللي تقدر تجذب زوجها لها والبيتها وعيالها
شخصيتك ياخوي مثل زوجي يحبني ويعزني بس مهمل للبيت وعياله حتى مايعرف عياله في اي صف في المدرسه يطلع مايرجع الا في الليل واوفر له الراحه ولله ماضايقه ولا اكدر عليه يكفيني حنانه وطيب عشرته واحترامه وحبه
الحرمه منا لازم تعرف ان الحياة مهيب كلها صافيه اذا زوجها كويس في اشياء تتغضاء عن الاشياء الثانيه ومهوب لازم الدنيا تصفو لها الحمدالله اذا خاف الله وحافظ على دينه ونفسه أكيد بيخاف الله فيها
والدليل انها على غلط امها وأبوها ماعجبهم سألفة الطلاق
اذا كان قرارهم الطلاق خلك صارم ياخوي معهم وطالب في ولدك انت أحق فيه منها هي اللي هدمت حياتها معك هي اللي تتحمل
انت ماسعيت انك ماتفترق عن ولدك المفروض مهوب انت اللي تحرم منه هي اللي تحرم منه تشوفه في الويكند
أخوي اسمحلي أقولها وانا صادقه لو زوجتك تحبك صدقني ماسوت اللي سوته انت تحبها وسويت اللي يثبت لها حبك ماقصرت رايتك بيضاء واذا هي تحبك صدقني راح ترجعك وماراح تقدر على بعدك اكثر واذا رفضت الرجعه فياخوي ولله أنها ماتستاهلك اصلن وشلون تحملت الفراق طول ذا المده
انت ماسمعت عن المثل اللي يقول ( الحريم عزامات ندامات ) هذا ينطبق على ام ولدك اذا عزمت على الطلاق تبشر بالند امه
وصدقني الله بيعوضك اذا رفضت بمنه أخير منها
الله يصلح شأنكم يارب ويخزي شيطان زوجتك ويهديها

والله أنك طلعتي كل الي فخاطري وكاتمنه طوال هالشهور فقلبي طلعتي كل الكلام الي يدور فبالي ليل نهار طوال ثمان شهور كاتمنه بس عشان متمسك بأمل انها ترجع وما اريد اضيع واقول هالكلام واقطع هالأمل لكن للاسف كله هالكلام طلع صحيح
الحمدلله رب العالمين ولا امدح نفسي معروف باخلاقي فكل مكان اروح له ومحافظ على صلاتي ولاعمري فكرت اسلك طريق مب زين والله الشاهد علي في هذا الشهر الكريم انه جاني شخص وعرض علي الزواج بأخته ومافيه احد بيرمي اخته على شخص مطلق إلا اذا عارف هذا الشخص وعارف دينه واخلاقه بس انا الي تحججت بأني غير قادر ماديا على عرس جديد فالوقت الحالي وفالحقيقة انا كنت بعدني احاول في ارجاع طليقتي بطول هذيك الفترة اكتشفت اني اضحك على نفسي اقول فخاطري اكيد انه العشرة ما بتهون وبترجع بس كله طلع وهم والعشرة هانت والحب هذاك كله طلع شي ماله معنى ولا قيمة . للأسف كل صفات الطيبة والحميدة ومعاملتي الطيبة لها والاحترام والتقدير كله نسفته ولم تنظر له ولم تكلف على نفسها حتى الموازنة بين سلبياتي وايجابياتي . حتى ابنها لم تفكر فيه ولم تهتم لأمره بأنه سيعيش بعيداً عن والده وللاسف القانون يقول بأن الحضانة للأم حتى تتزوج الطلاق اهي الي اصرت عليه وماخلت اي مجال للصلح اهلها ما يبون الطلاق عشان ما اظلمهم ما اريد اشل على رقبتي
جزاك الله خيرا اختي على ردك الطيب بارك الله فيك وفي زوجك وابناءك

شوف نفسك ياخوي اذا هي بترجع وتلم شملكم زين على زين انت وعدت انك راح تهتم فيها وتبدأ صفحه جديده
واذا بغت الطلاق هي اللي اختارت وصدقني اللي خلقها خلق غيرها
وعشان ترتاح اول ماطلق تزوج ولله مايخليك راح ان شاء الله تنساها ويرزقك الله بعيال وزوجه محبه مضحية وسبحان الله يمكن بعد ماترفص وتطلب الطلاق الله يمحي حبها من قلبك وعقدت تأنيب الضمير اللي حاطه على نفسك وتكرره انك الغلطان تنتهي لاني بصراحه مأشوفك غلطان وحالك حال الرجال يعني كل الرجال اللي حياتهم حلوه مع حريمهم معطينهم اهتمام المفروض صبرت وبتعاون بينك وبينها يتغير الوضع
لعل في كل أمر خيره من رب العالمين
ولله انك منتب الخاسر الأكبر في الموضوع ولدك سوء عندك أو عند أمه انت تقدر تشوفه والوقت اللي تبي
هي بتتحمل مسؤليته وتعب تربيته
وانت اهم شي خل الولد يشوفك باستمرار وعلمه انك أبوه خله يحس بحبك لان الطفل ماله ذنب في عنادها
هي الخاسر الأكبر للاسف وراح تندم وراح تجي هنا تكتب موضوع برغبتها في الرجوع لك وانت اللي رافض
الله يكتب لك الخير وين ماكان

وصلتني هذه الرسالة من والدها
هلا أبو فلان اعذرني يا ولدي على تأخر ردي عليك بسبب ظروف العمل ودخول الشهر الفضيل علينا
انا كلمت فلانه ( طليقتي ) وعطيتها مهلة تفكر وانتظر ردها عشان ارد عليك الرد النهائي ومتفائل خير إن شاء الله .

ماعرف احس ان ابوها ما يعرف عن موضوع طلبها لورقة الطلاق والاغراض أو انه اخر الموضوع وهي طلبت الورقة والاغراض قبل لا يكلمها ابوها فالموضوع . احس فيه شي ما طبيعي فالموضوع

عطاها مهله اتفكر؟ اتخذت القرار وابوها للحين ما يدري
طيب وقت لما عطاها فرصه ما بلغته ان طلبت منك ورقة الطلاق
ياخوي الجواب يالك كااااااش

هذا الي صار اخوي عبدالله والله يعلم اني لا زيدت ولا نقصت شي من الي صار
ترا قلت فرد سابق لي الجواب باين ومعلوم مسبقاً بس من باب الاحترام والتقدير بانتظر الرد من ابوها لا منها ولا من امها .

اذا صارحك ب رفضها صارحه بطلب امها للورقة


الله يوفقك يارب لخيرتك عسى

__________________