10-06-2009, 06:29 PM
|
المشاركة الأصلية كتبت بواسطة GREEN222
يا عيوني كلنا كنا مثلك
نبكي وننقهر ونكد على نفسنا وهو ولا على بالو عمل شي لذلك ننصحك لاننا مررنا بنفس التجربه 90 بالميه من الاعضاء مش هيك صبايا يقولون في الامثال لقمة الرجل مقمره ما تاكلها الا كل مشمره يعني لازم الوحده تستعد دايما مثل حارس المرمى حبيبتي بعد ما يقوى عظمك وتتقوي على الزعل رح يجي يوم وتقوي رح تضحكي على حالك مثلنا والله وقت اتذكر نفسي اضحك على حالي |
10-06-2009, 06:33 PM
|
المشاركة الأصلية كتبت بواسطة GREEN222
لا حبيبتي ما في تردد
مش شايفتينا عاملين مظاهره ونحمس فيكي تتكسري الشر وتسدي باب الشيطان انتي الشاطره وملكة البيت وبالدلع والذكاء الحياة تمشي ناطرينك يا حلوه بدنا وقت يرجع البيت يلاقي زوجه ثانيه اول مره يتعرف عليها شوفي شو تقدري تعملي زهر على الفراش وشموع وورد قصقصي ورق من البيت عادي ورتبيه كالقلب وارسمي عليه دموع وكلمة آسفه وكلمة اشتقتلك كل ورقه كلمه حلوه ووقت تلاقيه اندهش اعطيه قبله في المكان المشفر وقولي له من غير عتاب حب وبس واذا قال شي اواواا طنشي خلي فمك قريب من فمه كلما اراد ان يتكلم قبليه اذا تقدري توزعي العيال عند امك قولي لها عامله حفله لزوجي كلمه تفوت ولا حد يموت ابو النكد |
10-06-2009, 06:38 PM
|
المشاركة الأصلية كتبت بواسطة سهام
ياعيني عليك يالدمعة الزرقاء
كذا بديتي تفهميني انا مااقصد انه بخيل .. اقصد بكلمة الصرف بالقطارة مصروف شريكته الانثى الخاص شوفي اولويات الرجل في صرفه: 1-مصروف البيت 2-مصروف العيال(المدرسة وملابسهم والعابهم) 3-مصروف التمشية (لزوجته واولاده) ويتضمنها سفرهم 4-مصروف اهله(ممن لايجب عليهم نفقته) والهدايا وشايل شوي على جنب للطوارئ طيب وين مصروفه على نفسه؟؟ موب محطوط للقائمة لانه في باله يقول هذي فلوسي وكلها لي متى مابغيت اخذت (وترى يمكن تمر الايام مايشتري لنفسه شي) طيب ومصروف الانثى شريكته؟؟ حبيبته؟؟ الغالية؟؟ ام العيال يقول في باله مالي كــــــــــــله لها متى مابغت ابعطيها .. انا اتعب وأكدّ لمين اصلا إلا لها طـــــــــــــــــــيب وش المشكلة؟؟؟ المشكلة في التأجيــــــــــل.. التأجيل الي يقتل الأنثى ويشعرها بعدم اهميتها طيب ليش التأجيل؟؟ لان هذا البند موب محطوط في القائمة ... مع انه مهم جدا بالنسبة له -إلا الرجال الذين تعودوا على الهدايا من تربية اهاليهم او من نصائح اصدقائهم- حتى ان الرجل يفرح بعطائه لزوجته اذا كان يحبها ..أكثر من فرحتها هي بهذا العطاء كيف نقضي على مشكلة التأجيل؟؟ الأنثى اللبقة الرقيقة المحنكة هي الي تقدر تخلي فيه مكان بجدوله يذكره باستمرار |
10-06-2009, 06:41 PM
10-06-2009, 07:32 PM
|
المشاركة الأصلية كتبت بواسطة الدمعه الزرقاء
رجعت واستقبلنا في المطار ويوم جاني وش اشوف الشعر ما حلق وهو قبل ما اروح بسبوعين كل يوم بيروح يحلق ولا راح وحالته حاله اول مره بصراحه يستقبلني كذا
شفتي هذا دليل ثاني على التعب النفسي الي جلس يكابده من اجلكم ............ قام مد يده علي وصافحته قال كيف حالكم قلنا الحمدلله وسلم على اولاده قال هذي شنطتكم قلت ايه ومبين على نبرة صوتي اني متضايقه هو سكت وقلب ولا كلمني بعدها اللـــــــــــــــــه قد ايش كان ينتظر ذي اللحظة ويتمنى انك تشوفينه ويشكيلك كان محتاجك من جد يمر على الرجل اوقات يحتاج فيها للأنثى اكثر من اي شي ثاني واذا لقاها جنبه في ذاك الوقت يتضاعف حبها المدفون من احداث الحياة اليومية تأسره بحنانها واحتوائها .. وهي بعد تشعر بسعادة ماشعرت فيها من قبل .. لان الحنان والعطاء طبعها ............ قام اخذنا لمول وانا با العاده اذا جيت في يوم ويكند نروح لمطعم محترم خير ان شاء الله ها المره مسحبنا في مول وناكل فاست فود من قهري والله ما نطقت بكلمه وهذا دليل ثالث على ضيقة المسكين المادية لكن لان هالشي مرتب في جدوله مانساه ولا قدر يخيب املكم ويوديكم للبيت كله لعيونك انتي (ترى لعيونك انتي قبل عياله) .......... حطنا في البيت وطلع ما شرف الا الساعه 3 اعتقد الفجر إما لانه حزين جدا من جيبة امله فيك والرجل يعبر عن خيبة امله بالهروب (ولو بجلسة فلاوية مع الاصدقاء) او بالصمت القاتل او لانه كان عنده شغل مهم ذاك الوقت ........... المهم دخلت بنام والله انه ما سئلني وش فيني وليش متضايقه كني ما هميته لانه هو الي متضايق اكثر منك وهو في ذاك الوضع اولى بالسؤال شفتي كيف زعلتي انتي من الطناش مع انك بس كنتي عند اهلك مع وجود تراكمات سببها الشيطان وقلة المعرفة اما هو فعشانكم يعمل ويعمل -ساحبته هالمشاريع- وهو الي وقع في كربة ويتمنى ان يجد من يسانده فيها ..................... رحت انا وجا ينام انا بطرف السرير وهو با الطرف الثاني وبس يتقلب يبي الي بالي بالكم بس كرامته ما تسمح له يقرب تدرين... هو ذاك الوقت مايبي الجنس عشان الجنس هو يبي الجنس عشان محتاجك عشان تكلمينه ويكلمك زين .. عشان تضمينه عشان يشكيلك من الي فيه ............... المهم بعد 6 ايام الاخ بدا يقرب شوي شوي بالله رجل يخاف الله معك (وبشهادتك انتي) وهذا دليل انك ماتكفرين العشير -تشكرين بقوة على ذلك- والله والله قليل هم من يعملون من الرجال من سن مبكرة من اجل مستقبل زوجاتهم واولادهم فهل هذي مكافئته!!!!!!!!!! 6أيام خليتيه وانتي تسوين عيونه لالالالالالالالالا راجعي نفسك وعيدي حساباتك وبعدين لازم ترتبين الاولويات تحطين حقوقك في البداية ولاتتنازلين عنها .. يعني شي تاخذينه بالكلام عنه بصراحه ,, وشي بالحيله اللطيفة والتحايل لكن لما يكون حدث أمر عارض .. مثل مشكلة طاح فيها حبيبك .. او ضيقة .. أو تعب فهنا تأجلين الزعل وتصفية الحسابات وانا اقولك تاجلينها وليس تلغينها ............. وبنص الموضوع قال لي تكلمي فيه شي أهنئك انك بعد 6 أيام مازلت الغالية .......................... من بكرا حاول يحظني بس القلب صاد ومقفل تركته ونمت هذي المفروض ماتنسينها له يعني تعرفين ان اسلوب السكوت والرسمية وابداء الزعل بهــــــــــــــــدوء يمشي معه  هذا سلاح في يدك .. بس لعد تستعملينه في وقت الاحداث العارضة (نصيحة عظي عليها بالنواجذ) .................. من بكرا وهو نايم قرب يده شوي شوي بس على طول غيرت وضعي وكملت طبعا انتي احكمي بنفسك انسان محب ومهموم وجاي يراضيك صح انك مازلت غالية لكن هذي كانت آخر فرصة ضيعتيها من يدك ............... بعدها بيوم كنت تعبانه ورحت للمستشفى ولما رجعني راح يكمل السهره مع اصحابو شفتي كيف القهر ترى التعب الذهني والهم يفوق التعب الجسمي بكثيييييييييييير شفتي كيف انقهرتي من الطناش وقت الحاجة تلقينك تقولين في نفسك : حتى لو بيننا اكبر مشكلة المفروض يراعيني وقت المرض وهذا بالضبط الي كان يدور في راسه اول ماجيتوا من السفر ..................... وشافني والله ما سئلني وش فيني وشافني على النت لاني من جيت اذا شفته مسكت النت قال شي والله ما توقعته وهو الشعره الي قصمت ظهر البعير وخلتني من جد افكر با الانفصال طلع وقال وش ها الصراخ قلت شد شعرو وبكا الثاني و ما كملت كلامي قال يا اجلسي معهم والا انقلعي انتي وياهم اهناك كان قدامك اكثر من فرصة تلقين الكلام الحلو لكن انتي صديتيه |
10-06-2009, 07:37 PM
10-06-2009, 07:43 PM
|
المشاركة الأصلية كتبت بواسطة الدمعه الزرقاء
كنت متحمسه والحين حامت كبدي الاولاد طفشانين واتصلت عليه وقلت له يودبنا لمول لانهم طفشانين قال ما اعتقد لالا شفتي القهر اناني ما يهمه غير نفسه مدري ليه انا متحملته هو ونكده طيب عند اهلي انواع الوناسه ليش اضيع عمري معه واعيش في ها النكد حسبي الله ونعم الوكيل بس والله لو اني اسوق ويسمحون لنا با السواقه كان شغلت ومشيت لجده
|
10-06-2009, 07:53 PM
10-06-2009, 08:01 PM
10-06-2009, 08:40 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
