لى عتب عليك

بما ان هذه صفحتك

كان الواجب عليك
ان تعتبى على هذه
الاخت اسلوبها فى
الكلام معى


الا لو انت ايضا موافقه
على كلامها واسلوبها


ووقتها سيكون لى
موقف آخر

__________________

صارت احداث كثيرة خلال امس
كلها بإذن الله الى خير برجع اكتبها
بكرة بروح الإمارة اتابع موضوعي باذن الله

__________________

الحمدلله على قضاء يقربني من الله عز و جل.

قبل أمس جانا عمي كبير العيلة
دخلت عليه و كلمته بحضور اخواني
قلت له انا قدمت في ابوي بناتي ترحيل
لكن ودي اتنازل لان عندي منه بنتين و بيفقدونه
و انت تعرف وجود الاب مهم حتى لو صورياً
قال انا بكلم ابو البنات
احاول آخذه باللين و بقوله انت مستفيد هنا
انقل كفالتك و عيش زي ما تبي و و ..

اخواني الاثنين كانوا يأشرون لي طول ما انا اتكلم
انو غلط تصرفك

بعد ما خلصت كلامي
اثنينهم تكلموا قدام عمي
انو احنا نشوف الافضل يترحل و و

تفاجئت
من اخوي بالذات اللي يتواصل مع ابو البنات
كان يوجه كلامه لعمي:
يقول لازم تستعجل بهالاجراء و يترحل
لانه ارسل رسايل يتكلم فيها عن اختي و يهددها

!!

انا تفاجئت

انا اعرف عن رسالة وحدة فقط تافهه فعلا و فيها تهديد

حسيت اخوي يخبي عني

..
اخذت انا دفة الحوار
و عمي يسالني عن زواجي
في النهاية حتى عمي اعتذر عن التدخل
قال اشوف تخلين الامور تاخذ مجراها
اشعر انه مو عاجبك الموضوع
يقول لانك تتصرفين بحكمة و تفكرين في بناتك
لكن صدقيني الله عز و جل رتب لك الاحداث بطريقة
تجعلها الافضل لك في كل الاحوال ..

__________________

الحمدلله على قضاء يقربني من الله عز و جل.

طلعنا من عند عمي
ألحيت على اخوي يوريني الرسايل الجديدة
قال لا بتنهارين

قلت لا والله بس ابغى اقرر صح

قريتها و انصدمت

اخوي كاتب له بنروح الامارة نشتكي عليك
كاتب كلام كثير و طويل فحواه :
- ما تهددوني انا ما اتهدد ماتعرفون انا مين وراي صدقوني بتتفاجئون
- انا الدكتور فلان الفلاني انا افضل منك حتى لو كنت سعودي لاتظن لك قيمة
- يطعن ب رجولة اخوي
- اخيرا اختك ( كاتب عني )
صعبة المراس
سيئة الظن
زنانة حنانة منانة
( هذي الصفات اللي رماني فيها يشهد الله ان كان يقول عني عكسها طوال زواجنا )

بعدين كاتب:
مستحيل ارجعها حتى لو بدون مهر او بدون شروط
الحمدلله ان احنا تطلقنا من بعض

__________________

الحمدلله على قضاء يقربني من الله عز و جل.

حسيت هذي الرسايل عطتني دفعة قوية تجاه قرار الترحيل
سهرت امس ارتب اوراق و مرفقات اضافية تدينه عشان يترحل .

__________________

الحمدلله على قضاء يقربني من الله عز و جل.

صحيت الصباح اليوم
داومت بالمعهد اليوم
و استاذنت قبل نهاية الدوام عشان اروح الامارة
و انا بالطريق معاي بناتي و اخوي احس بكدر و حزن غير طبيعي يقطع قلبي
اخذت كتاب اقرا معي و انا بالطريق اسمه ( الحقيقة حول الاطفال و الطلاق )
قرأت اول 10 صفحات تكدر خاطري اكثر
سكرته صرت افكر بيني و بين نفسي
ليش اقرر قرار بناء على غضب اللي يحبوني من حولي
هالقرار مش نابع من ذاتي ولا من شخصيتي
ولا يصب في مصلحة بناتي ..

استخرت الله عز و جل و دخلت الامارة
و صار العكس
ما اعطيتهم المرفقات الجديدة
سالتهم عن معاملتي قالوا وصلت للشرطة
طيب هل فيه اجراء اخف انا عندي منه بنتين

قالوا لا
طلعت و انا ابكي ..

__________________

الحمدلله على قضاء يقربني من الله عز و جل.

سبحان الله خفت معظم مشاعري لما كتبتها ..

شفت فيه حلم قبل اسبوع تقريبا اظنه رؤيا

__________________

الحمدلله على قضاء يقربني من الله عز و جل.

شفت اني دخلت مسجد
كنت واقفة
و امي و ابوي وراي " حسيت كأنهم مسانديني"

و شفت مجموعة عمال ملابسهم رثة
هنود و باكستان وهو معاهم بالمسجد يشرب شوربة

كنت أأشر له و اقول بخاطري يارب امي و ابوي ما ينتبهون
ودي اتفاهم معاه


لكن كمل يشرب شوربة و شافني و تجاهلني .

__________________

الحمدلله على قضاء يقربني من الله عز و جل.

كل رمضان و انتم الى الله اقرب اعاده الله علينا و عليكم أعواماً مديدة
لا تنسونا من دعواتكم في هذا الشهر الفضيل و المسلمين جميعاً ..

__________________

الحمدلله على قضاء يقربني من الله عز و جل.

جا عمي عندنا و كلمني ..
قال لو اقولك عندي رجل محترم يخاف الله توافقين تتزوجين ؟
انا ارى انك تتزوجين

قلت وانا ما ارى نفسي غير ك زوجة
لكن مو الحين
انا لسه ما تجاوزت اللي صار لي و اخاف اظلم الشخص اللي معاي .

__________________

الحمدلله على قضاء يقربني من الله عز و جل.