[font=Arial]شوف اخوي حنون انا كنت انصحك انك تادبها وتخليها فترة عند اهلها لين تتادب بس كدا كفاية حرام خلاص خلك متسامح وروح رجعها صدقني انا متاكدة انها تادبت وعقلت يعني انت ماحبيتها اذا كنت حبيتها اصبر عليها يرضيك يعني تنضم لركب المطلقات في عوانس ماتزوجوا فما بالك بالمطلقة انت كدا تدمرها وممكن اذا اهلها منفتحين مرة ممكن انها تغلط في حياتها وتكون انت السبب ..:(
ياخوي في الله عقلها واتحملها واصبر عليها خلي في بالك انك تربيها من جديد ادبها اذا غلطت وكافئها اذا صلحت انا تزوجت وعمري 13 سنة والله العظيم احس ان زوجي هو اللي رباني صار لي متزوجة 18 سنة حتى لدرجة احس ان تربيتي تختلف عن تربية اخواني عند اهلي انا عشت معاه اكثر من عيشتي عند اهلي اللي كلها عندهم طفولة اصعب المراحل عشتها معاه ووالله العظيم انه صبر عليا صبر مافي احد في هذا الزمن يتحمله تصدق اني بالشهور كان ما اخليه يلمسني واكذب عليه في اشياء كثير هو يكون عارف:o بس كان صابر لانه كان حاط في باله اني صغيرة وهو يقدر يغيرني وعمره ماحرمني من شي اتمناه وكل مكان يوديني وعمره مامد يده عليا ابدا ومشت الايام وتعلقت فيه وصرت ما اقدر استغنى عنه هو كل شي في حياتي والحين بعد ماكبرت وعرفت امور الحياة الزوجية بالذات عاهدت نفسي اني اعوضه عن كل شي الله لايحرمني منه ..:14:
وانت خليك عاااااااااااقل وروح لزوجتك خذها لاي مكان مو البيت وتعشى وتمشى بعدين اجلس معاها واتفاهم على كل شي وقول لها كل شروطك وحدد لها المصروف عالاقل لين انت تشوف انها تعدلت وقول لها اذا اخليتي باي شرط انا راح اتزوج عليك واخليك تندمي:11: وكون جاد في تهديدك بس نصيحة لا تنطق كلمة طلاق مرة ثانية لاتنسى ان ماباقي الا طلقتين وتتحرم عليك لا تكون متسرع بكرة يصير عندكم اطفال حرام يتشحططوا بسبب طيشكم ..:15:
معليش تنازل المرة هذي وروح انت جيبها لانك طلقت صعبة عليها قدام اهلها واقاربها ترجع لوحدها كفاية انها اتصلت عليك هذا في حد ذاته يعتبر ندم ..:22:
خليك رجااااااااااااااااال وشااااااااااااااطر وسير امور حياتك بسياسة وتقول جناين قالت ..[/font]الله يسخر لك زوجتك ويسخرك لها ويجعل بينكم مودة ورحمة ..