اولا قبل اي خطوة
الدعاء والاستغفار

وان شاء الله اللي حصل خيره لك ..

صدقيني هو ايضا متألم لفراقك بس تصرفك معه هو اللي خلاه يفور دمه ويطلق ..

فكري باحساسه
شي مؤلم ان الانسان اللي حبيته من قلب قاعد يكلم شخص ثاني نص ساعه وهو يتلقى كمية من الملاطفه وهالشخص بكل برود يرد ويقول هذي عاداتنا وطبايعنا

طيب شويه احساس ومراعاة شعور الشخص الاخر
اقل شي كلمة وتطييب خاطر
بس ماحصل ولا كلمة تراعي شعوره

حنا النساء اذا انجرحنا نبكي بينما الرجل اذا انجرح يعصب ويثور ..

ف اول خطوة من خطوات الحل
1. الدعاء والاستغفار
2. تعيشين الموقف باحساس زوجك ، علشان تقدري كمية الاندفاع والتصرف اللي اتصرفه زوجك ..

زوجك حس بكمية غضب وجرح من انسانه حبها وعلشانه غيور عليها ويحبها ماتحمل الموقف فتصرف بطيش وتهور لانه يغلي من جوا ،فالخطوة الثالثه

3. تكثفين اتصال ورسائل له علشان توضحين له مدى تمسكك به وحبك له

عطيه جرعة تقدير واحترام وان شاء الله يرجع لك

لو صحيح متعودين و عادي جدا و لا عيب و لا حرام

ليش خايفة من زعل اختك؟؟؟؟

إلا لو انه فعلا - عيب و غلط - تواصلك مع زوج اختك ؟

مو قلتي انه يتصل و يستشيرك في اي خلاف بينه و بين اختك ؟

أختي الغالية ..

لا تستعجلين في اتخاذ القرار ..
نعم الخطأ مشترك بينكما ..
لكن زوجك حقيقة متهور جداً ونسي أن الزواج ميثاق غليظ
وأن لك أهلك لهم شهور يستعدون لهذه المناسبة ثم يطلقك في الأيام الأولى
ويردك لهم بدون توضيح أسباب وبهالسرعة ويفتح باب للشكوك .. ولا يرد على اتصال والدك

تأكدي أنه أهل للمسؤولية والثقة .. مو بكرة ومعك طفل يطلق بعد لسبب تافة

الواحد مايرضاها لبناته .. بإمكانه يلغي السفر ..يهجرك .. يشتكي على والدك
مو طلاق على طول وفي الأسبوع الأول💔

هي خايفه اختها تزعل من موقف زوج عاشقه ... وخايفه اهلها يقولوا عنه معقد وتتغير نظرتهم له ..

معلش حبيبتي .. الناس تختلف بالاطباع والقناعات والحمد لله عندنا شرع ربنا ماحد يقدر يقول عنه معقد او يعترض عليه ... بكل بساطه قولي لهم سالت شيخ ولقيت انه زوجي معاه حق وانا حابه ابدا حياتي الزوجية بشرع ربنا اللي ما يزعل حد ..

طمنينا علشقة شو قررتي وشو عملتي

تصرفك خطأ لا يختلف عليه اثنين
وزوجك متهور وسريع الانفعال ومافعله لايستدعي الطلاق

انا بعد ملكتي كلمتني زوجة المستقبل وتقول فلان زوج اختي سوا وفلان زوج اختي قال وانا قلت له وهو رد علي وقال الخ الخ

سألتها اخت تقول لك ان زوجها قال قالت لا انا كنت جالسه مع اخواتي ببيتهم وجاء زوج اختي سلم وجالسه بعباتي ومتغطية بجلالي حق الصلاة ونتقهوى
انقهرت جداً وش هالكلام الفاضي قلت لها ما احب كذا قالت عادي من 17 سنة متزوج اختي وانا اشوفه من عمري 7 سنوات ومثل اخوي او ابوي بعد

غضبت جداً وللأمانة لو علمت ان هذي اطباعهم ومافيها شي قبل الملكة ماتناسبني ابداً لتراجعت عن الارتباط بها لكن الحمدلله انها مطيعه لينه هينة وتسمع الكلام
المهم قلت لها ما احب كذا وبعد الزواج كل شي بيتغير وهذا غلط مايرضيك اجلس مع زوجات اخواني ونسولف ونتقهوى حتى لو متغطيات

امتصت غضبي وقالت سم ابشر اللي تامر عليه يصير وكلمتك هي اللي تمشي وقلت لها الشرع هو اللي يمشي مو كلمتي ولا كلمتك واذا انا بتحكم فيك بس بمزاجي مو صح لكنها الغيرة وهالشي مايصير

واستشرت المستشارة الصائمة لله ووجهتني التوجيه الصحيح للتعامل معها والحمدلله مرت بسلام

الآن انا اشوف الموضوع لابد ان يظهر لاهلك طبعكم غلط وممكن هذا اللي صار يكون حجر الاساس لتعديل الوضع بمنزل اهلك

واذا هو رضي بالبداية ودخل عند الحريم ربما وضع بباله بعد الزواج سيغير هذا الطبع عندك

اشوف تكلمين اهلك واهلك يجتمعون بأهله وتصلحون الحال

على بالي ماتوا اللي يجلسون مع نسايبهم بجلال الصلاة!!😣

لكن الحمد لله ان زوجتك سمعت الكلام ولا دخلتك بمشاكل
حافظ عليها

حبيبتي غلطك كااااايد وبغض النظر عن الحكم الشرعي (رغم أهميته) والعادات والتقاليد.. أستغرب انك ماراعيتي جانب الغيرة عند زوجك!!!

أنا حطيت نفسي مكان زوجك وتخيلت ان سلفتي (زوجة أخو زوجي) دقت على زوجي تبي تتطمن عليه وجلست تسولف معه نص ساعة (في أمور غير مهمه).. حسيت انها مصيبه وممكن ذاك الوقت تطلع شياطيني كلها وأطربق الدنيا عليه وعليها

ترا تصرفات مثل هذي مو بس تثير الغيرة إلا بعد تخلي الواحد يشك في طبيعة العلاقة اللي بينك وبين زوج اختك (مهما كانت نيتكم زينه) .. وانتي المفروض راعيتي هالشي طالما انك توك متزوجة وباقي زوجك ماتعرف على عاداتكم وطباعكم

الحين تلقين زوجك يفكر على المدى البعيد: شلون أتعامل مع هالانسانة وعائلتها وكيف أقدر أتقبل هالوضع المنفتح؟! على فكرة انتي تشوفين زوجك معقد وأكيد هو يشوف انك انتي وعائلتك منفتحين بزيادة!

اذا بترجعين لزوجك.. لازم تضحين وتغيرين من نفسك وقناعاتك عشانه وإلا اتركيه ياخذ اللي تناسبه وانتي خذي اللي يناسبك ويتقبل الوضع المنفتح اللي صاير بعائلتكم

واسمحي لي اختي بنصيحة.. رغم ان الأعضاء وضحوا الحكم الشرعي (وهو ان زوج اختك ليس بمحرم ويعتبر أجنبي) إلا اني حابه أوضح لك خطورة الشي اللي تسوينه انتي وعائلتك بشكل عام.. احذري من خطوات الشيطان وتذكري دائما انه يزين الحرام

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

نقطة ثانية نسيت ما أذكرها

انتي الآن تدفعين ثمن مجاملتك لزوج اختك على حساب زوجك ومشاعره

غريب انك ماقدرتي تختلقين عذر لإنهاء المكالمة الأولى وغريب انك رديتي على المكالمة الثانية (وطولتي فيها بعد!!) رغم انزعاج زوجك من الموضوع!!!

وبعدين خير ان شاء الله!! زوج اختك كل يوم والثاني يدق عليك وبشهر العسل بعد!!!!

حبيبتي الوضع كلش غلط وما يترقع ابد

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

مرحباً أختي

يبدو أنك غير مستوعبة الناحية الدينية والعرفية وحاصرة الأمور فقط على عائلتك

لذلك سننظر من جهة الغيرة الطبيعية التي يجب أن تكون موجودة عند الزوجين

تخيلي جميع القصة التي ذكرتيها مع زوجة أخيك

بمعنى أن زوجة أخيه أتصلت عليه في نفس الوقت ونفس مدة المكالمة ونفس السوالف وغير ذلك

فما هو سيكون شعورك تجاه زوجك خصوصاً وانك حذرتيه بأن لا يتكلم معها مرة أخرى .. ؟؟


أعانك الله