كنت شايله زوجي على كفوف الراحة ..اهتم فيه آخر اهتمام وبأدق ادق التفاصيل ...دلعتو دلع ماشافة ولا راح يشوفو مع واحدة غيري ...احب اسعدو واسعدو واسعدو ...بعمل هدا كلو مو لانو زوجي وله علي حقوق وواجبات ...بعمل هدا لاني اعشقه ..
لكن بالاخير طلقني على سبب تافه جدا ...
وتغير كل شي ...سرت اخاف ارجع معاه زي ماكنت ...وفي النهاية يبعد بسهولة ...مع اني متأكدة انو يحبني ويموت فيا ومستحيل يبعد تاني....لكن ابغاه هوا يرجع يعمل الي كنت اعملو ...وبعدها ارجع زي ماكنت حبة حبه ...لكن للاسف رجعت بسرعة زي ماكنت (بس ان شاءالله يستاهل )

الطلاق مو سهل يوجع ويجرح ويعذب كثير ....

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

مع هذا الرد وبقوه

اليوم المغرب شفت ان الوضع زين وجالسه فاضيه ماتشتغل قلت هذاالوقت المناسب عشان اناديها ونتفاهم على كل شي
مع اني كنت مقرر انه بكره لكن شفت الوقت مناسب قلت خير البر عاجله
المهم ناديتها وجلسنا بالغرفه وباسلوب هادي فتحت الموضوع وايش الحاصل وطلبت منها تقولي ايش الموضوع بالضبط وش اللي شافته مني هو انا مسوي شي غلط وانا مدري
المهم ماتكلمت العاده قالت مافيه شي انت اللي مبعد
وعطيتها ورقه وقلم قلت اكتبي اللي بقلبك اي شي مهما كان قاسي ويمكن تستحين تقوليه اكتبيه وانا عادي راح اقبل منك اي شي خلينا نمسك الاسباب حبه حبه ونحاول نحلها
قالت لا ماني كاتبه قلت خلاص اكتب انا قولي انتي وانا اكتب وماراح اناقشك باللي تقوليه حتى تخلصي نمسكها حبه حبه واوعدك اني اغيرها ان شاءالله
قالت انت متكبر قلت طيب وكتبت وغيره قالت بس المهم قلت ايش التصرف اللي تصرفته وعطاك هالاحساس قالت مدري بس احس انك متكبر طيب ليه مدري!!

المهم قلت وغير اني متكبر قالت السفر ماتسفرنا وفهمتها انه ظروفي الماديه ماتسمح لكن اوعدك بهالعطله راح نسافر غيره قالت بس
قلت طيب الايجابيات قالت مافيك ايجابيات صفر
قلت طيب انا عمري دخلت عليك سكران مثلا قالت لا اعوذبالله قلت طيب هذه ايجايبه اني ماني راعي خرابيط فروضي الدينيه اصلي والا لا قالت ايه هذي ايجايبه المهم تكلمت معها شوي
ولما تفاهمنا قلت الحمدلله زانت الامور جابت العيد
قالت اسمع يابن الحلال قلت ايوه قالت تبينا نرجع سمن على عسل قلت ياليت وشلون
قالت عندي طلب واذا نفذته راح اصير خاتم باصبعك قلت اللي هو قالت تكتب البيت باسمي
المهم خليتها تعيد كلامها عشان استوعب لاني انصدمت بصراحه الى هالدرجه شايفتني سفيه
المهم قلت وغيره قالت بس وهذا اخر كلام عندي
حسيت ان دمي بدا يفور فـ اخذت بعضي وطلعت لاني حسيت اني لو جلست دقيقه بعد راح يصير طلاق
المهم اني ندمت اني كلمتها اساسا او عبرتها

غريب موقف زوجتك
طيب هي موظفه وماعليها قاصر ولا ساعدت في البيت على كلامك
انت سويت اللي عليك اخوي ورايتك بيضاء
اتوقع الحين وقت تستخدم الشدة شوي
او يوصلها كلام انك بتتزوج مثلا

الله يهديها

مو معقول من جد طلبت كيذا

مممم ما ادري اخوي لو تجرب الفكرة هذي وتشووف

تخليك حازم ورسمي معاها بدون تجريح او هواش
وبعدها تناديها وتجلسها قدامك وتسمعها هالكلمتين
يابنت الناس انا رجال ماقصرت معك وحاولت اصلح نفسي عشانك وانا ابغى حرمة تقوم فيني زي الناس
تعدلي وضعك معي وتنتبهي لبيتك وزوجك وعيالك وتخلي كلام الناس عنك
ولا الحرمة الجديدة بتسكن البيت الجديد

وخلها كم يوم وانت رسمي معاها

ما ادري اذا تحس ممكن ينفع اسلوب القرص معاها
انت ادرى بزوجتك
او اتركة وسوي اللي يناسبكم

وسيأتي أيضا من يقول لك المرأه مسكينه وضعيفه ورفقا بالقوارير والطلاق يكسرها ... الخ
وأكيد أنها مجروحة منك وأنت المخطئ وتذكر ماذا فعلت بها حتى قبل أن تتزوجها
أو قبل أن تلدها أمها .... الخ

أخي الكريم .. لا تضيع وقتك وآمل أن تفعل كما قلت لك بأول رد لي ولكن لا تطلق .

طبعا لا اقصد إنكار أحاديث الرسول صلى الله عليه وسلم أو الإستهزاء بها والعياذ بالله
ولكن قصدت من يستخدم هذه الجمل في غير موضعها , فأحببت التوضيح كي لا يساء فهم قصدي .

والله يااخوان ان كل اللي سويته لانه ماهانت علي العشره وعشان عيالي وعشان كان باقي لها بقلبي غلا
وسبق اني ذكرت انها جالسه تمسح اي شي حلو لها بقلبي بتصرفاتها وكل يوم يخف عن اليوم اللي قبله
الين بعد ماسمعت منها الكلام اللي قالته صارت ماتسوى عندي شي لدرجة اني لما طلعت حسيت بالغثيان
واني قرفان حتى من شوفتها
واكمل لكم اني بعد مارجعت للبيت دخلت عشان اللبس لبس العمل لان عملي هذاالاسبوع شفت الليل دخلت علي وقلت لها اني قررت راح اتزوج وطلعت
وانا فعلا بقرارة نفسي جاد مو تهديد لان الى متى هذاالوضع اختلف حتى نظرة الناس لي
صرت عصبي جدا واي كلمه ممكن اثور كل اللي حولي ملاحظين عصبيتي ابي ارتاح واتفرغ لعيالي ونفسي وعملي ابي ارجع مثل اول اللي كل اللي حولي كان يقولون لي ماشاءالله عليك مانشوفك الا مبتسم الابتسامه غابت عني وصرت سريع الانفعال مهمل بكل شي

أخي الكريم
لازلت أنصحك بعدم الزواج حالياً أو إستثارتها بهذا الأمر
ولا تقدم على الزواج إلا إذا كنت جاد في أمرك.

فليست مسألة زواجك القصد منها قهر الأولى وكسر رأسها
بل هي حياة جديدة ستبدأها وتعيش واقعها في حياتك سواء كانت الأولى تحت ذمتك أو فارقتك.

زوجتك ليست سيئة لحد كبير .. ولكن تحتاج لوضع حد لما هي عليه .
صبرت عليها 4 سنوات
فلا تأتي الآن وتتسرع بأفعال غير مدروسه
بل حاول أن تتدرج... وجميل مافعلت اليوم من المصارحة
وحاول أن تكررها مرة ومرتين إلى أن تصل لكشف معلومات تقنعك بإتخاذ قرارك بشكل سليم في المستقبل .
مسألة السفر مقدور عليها ويمكن حلها بوعدها بذلك
وكذلك مسألة كتابة البيت... يمكنك إستدراجها لمعرفة هدفها من ذلك.

أعانك الله