اسمحيلي زوجك عقله مش ولا بد،،يعني مايدري انو الحياة يوم سعاده ويوم نكد هذي هي الدنيا والحريم لابد يغارون من بعض وتبدا المشاكل بينهم حتى لو ثنيناتهم بيرفكت..دايم الاحظ المعددين بنفس الفكر ..عشان كذا ماتنجح حياتهم تخلص حياته وهو يدوّر على امرأه خياليه وينصدم بالواقع..المشكله يجيك مليااان عيوب..بس مايشوف نفسه..بينما الرجل الذكي والذكي فقط هو اللي يحسبها صح..

زين
أنا مع كلام اشراقة
لا تزيدي على الأساسيات أبدا
اتركيه يفقدك وانت أمام عينه
ويحس بالنعيم اللي تقدمينه له ويراجع نفسه وأنت قدام عينه
مش معقول تقدمي له كل هالأشياء وهو يظلمك
صح تعلقك به غلط
ولكنه مش ذنب يعاقبك عليه بالطلاق والتهديد به

زين لازم يكون لك كيان بحياته
مش امرأة رهن اشارته
والجارية اللي يبيها أنت اللي خلقتيها بمخيلته
انسحبي من هالدور بشويش

كلام أنليمتد صحيح
أنت مغرمة بصورة الرجل المتدين
وانشغلتي عن الله سبحانه وتعالى بالبذل لهذا الرجل
وهذا بحد ذاته عبودية نتيجتها اللي تعيشينه الان

الله يسخره لك

__________________
الحمدلله الذي بنعمته تتم الصالحات

مشكورين حبايبي ممتنة لكم وايد ..
القرآن مهون علي وايد ، والحمدلله ان احنا في شهر الله الكريم
والحمدلله الذي ادعوه فيجيبني وان كنت بطيئاً حين يدعوني
والحمدلله الذي اسأله فيعطيني وإن كنت بخيلاً حين يستقرضني

آنه فعلاً مو معطيه نفسي حقها
رغم ان خذيت بنصايحكم السابقة واشغلت نفسي قدر المتاح
وتقربت من ربي أكثر..
زوجي يبي الحياة مثالية جداً
ممنوع اغلط ..
ولو غلطت معناته صارت الحياة بالنسبة له كارثة
زوجي مشغول بأمور المجتمع والناس ومليان بمشاكلهم
فيبي يرجع البيت ما يبي ولا غلطة
معقولة فيه بيت يخلو من المشاكل ؟!
إذا فيه خبروني ودلوني عليهم خل يعلموني شلون!!!
زوجي بإختصار ما يصلح له لا التعدد ولا الزواج من اساسه
يبي وحده فقط حق الوناسة والراحة .. لأنه مكتفي بهموم ومشاكل الناس و راسه مليان

اللي اقترحوا ان اروح بيت اهلي
ودي والله العظيم ودي
بس ما يصير ، لأن سالفتنا بتنتشر
ولو لاجال غير زوجي ممكن اهلي يوقفون معاي
بس لأن فلان زوجي محد بيقول انه غلط حتى من غير ما يسمعون السالفة حتى
فالأمر مو من صالحي رغم ان محتاجة عالاقل اكلم امي.... بس صعبة جداً

اتذكر السنة اللي فاتت بمثل هالايام قاعدين نحضر حق زواجنا
والسنة اللي قبلها بمثل هالايام كنت على سجادتي ادعي ربي ان يكون من نصيبي
أما السنة هذي في هم بسببه والحمدلله على كل حال

بالنسبة حق اللي قالت ان ابتعد عن زوجته وعياله
انه ابتعدت وخلصت .. صحيح بنفس البيت بس لكل وحدة قسم
وحتى بناته قننت علاقتي فيهم بسبب انهم يكذبون علي أحياناً رغم ان ما اسألهم عن شيء
والمح واصرح ان ما يجيبون طاري امهم بخير ولا بشر
بس مصرين على الكذب
عموماً مهما كان هذي امهم ويجوز اي احد مكانهم بيحاول يجمل صورتها

اما بخصوص التقسيم يا ملاذ بسوي اللي قلتيه بإذن الله
بثقل عليه ..

كل جمعه اسوي حق بيت اهله طبق وهو يوديه هالمرة ما بتصل فيه عشان الطبق
يا انه بروح اوديه بنفسي
او بحطه في مكتبه ان شافه زين ان ما شافه براحته


امانة ادعوا لي خصوصا وقت الاذان

طاح في نعمه ..!!!
ولن يعرف قيمة هذه النعمه حتى يفقدك ..!
وأنتي بذكائك افقديه هذه النعمه والاهتمام قبل ان يفقدها بنفسه ..

__________________
كن ثرياً بأخلاقك , غنياً بقناعتك , كبيراً بتواضعك ..

معاج بكل حرف كتبتيه

دامي فضيت برجع اشرح لك هالجزئيه انك تطيعين احساسك ..
مثلا تقولين زوجي اعرفه مستحيل ينفع معه الاسلوب هذا
ماينفع معه الا اسلوب الطيب والخضوع و و

طول عمرك مستخدمه معه اسلوب اللين والخضوع
ومع ذلك بباله الطلاق وتدور براسه
واؤيد الاخت كوكي بكلامها ..
فكرة الطلاق تدور براسه وكل فتره تطفو على السطح وهذاه هي تطلع من لسانه على شكل تهديد


طيب زوجته الاولى انسانه مهمله ومقصره وسوت النون ومايعلمون و و ....ولا طلقها
ولاتقولين علشان عيالها
والله ثم والله الرجل لاحط براسه الطلاق مافي عذر يمنعه
واذا بغى طلق ولاهمه .. واذا على على عياله قدر يدبر حالهم ويعيشهم معه
.

زوجك يازين يحب المراه القويه اللي تحب نفسها اكثر من احد ..
انت يازين واقولك بكل صراحه انت حبيتي زوجك اكثر من حبك لنفسك ..
ماخلتيه يدور بفلك ويدور على زين ويبحث عنها ويستكشفها ..كله انت اللي تدورين عليه وتستكشفين وتدورين على اللي يحبه ويرضيه ..

متى ماقدرت نفسك ومتى ماحترمتيها وعطيتها حقها
اكالساعه زوجك قدرك وعرفت قيمتك ..

ترا انا كنت مثلك والحمدلله عرفت اخطائي وعدلت من نفسي

الاصلاح يبدا داخل نفسك ..داخل قلبك
ولاتقولين ماقدر ..الا تقدرين وتقدرين وتقدرين
بس هالشئ يحتاج شهور وتدريب لحد ماتنجحين ..

حبيبتي افهمي
انت قاعدة تخسرين نفسك وتخسرين راحتها النفسيه والان وصلتيها للتعب جسديا
الا زين و الا راحتها النفسيه
ابحثي عن راحتها وين ماتكون ..
ولاتربطين سعادتك وراحتك بالاخرين ..

الافضل ماتسوين طبق اهله واذا سألك ليش ماسويتي قولي نسيت او اي عذر
اسحبي كلل الخدمات الا الاساسيه فقط

السلام عليكم

بالمختصر رغم مكانة زوجك وإنشغاله بهموم الناس والدعوة إلا أنه إنسان أنااااااااااااااااااااني
يريد ان يضعك في قالب محدد لا يحق لك الإيتعاد عنه قليلاً
قد يكون تعلقك به يسبب القليل من الإزعاج ولكنه لا يعطيه الحق للتلويح بالطلاق كلما شاء
أنت تعيشين معه في قلق مستمر وعدم استقرار نفسي
لست ارى في الموقف الأخير ما يدفعه لتهديدك بالطلاق
مع الأسف رغم صفاته المعروفة عنه مجتمعياً فهو أنسان غير مسؤول اسرياً
حبيبتي لا تذلي نفسك لمخلوق الله خلقه
عزي نفسك وأحفظي كرامتك
عندما يلوح بالطلاق أجيبي بحزم: حان الوقت لإنهاء هذه المهزلة
لا يحق له أن يلغي شخصيتك ويحرمك من الإنجاب حتى لو مؤقتاً ولا يحق له ان يزعزع نفسيتك بتلويحه بالطلاق كلما إبتعدت قليلاٌ عن المسار الذي رسمه لك
على فكرة أغلب المواقف التي تحدث بينكما هي نتيجة مبالغته هو في محاسبتك
هو غير قادر على إحتوائك
آسفة على ردي ولكنني أحزن عندما اراك تتحملين مسؤولية انانيته ومزاجيته

دعواتي لك
بالتوفيق ان شاء الله

سأسعى لذلك إن شاء الله

اعرف ان زوجي تعجبه المرأة قوية الشخصية
بس ما تعجبه طويلة وبذيئة اللسان ..
اعرف انه يحب ان يبحث عني لا ان ابحث عنه
هذا الشيء كنت اعرفه سابقاً واستوعبته مؤخراً

قاعده ادعي ربي الا يعلقني بسواه
ذبحت نفسي عشانه ... بس ما يستاهل اللي سويته له

بسعى ان اكون انانية واحب نفسي

الله يفرج كربتج يا زين...


حبيبتي لا تخافين من الطلاق ابدا !
و عرفي ان الله ما يرضى بالظلم ولو حتى اهلج انعموا عنه 💔

هالأشياء اللي مالج أيد فيها طنشيها ... اللي عليج نفسج تروفين فيها خلاص .. كفاية جلد ذات و تخطيطات و بسوي و بثقل الخ...

لو انشوف اللي سويتيه بنظرة اخرى ما هو الا حسن تبعل الله امرنا و رسوله عليه الصلاة والسلام .. بس الغلط في رجال هالزمن ....



قل لن يصيبنا الا ما كتبه الله لنا ... هالايه ما تريحج؟
انزين ... لا يكلف الله نفسا الا وسعها... وهاي ؟!


خلاص يا اختي في درجات في الجنة محتاجة فيها من هالهم اللي تجازينه بالصبر و الدعاء و الله يشله عنج ❤️

__________________