زين الحمد لله
و لا تطلعين ثاني مرة
اذا المطلقة تقعد في بيتها فكيف بالزعلانة.

ادري بتفكرون هذي مالها كرامه وهذي وهذي ... بس والله لما فكرت عرفت اني غلطت وقلت لكم هو لو انه متأكد انه غلطان كان منعني اطلع مثل مره لما كنت حامل صار موقف وغلط هو وكنت لابسه عباتي لان بزور اهلي وتهاوشنا قبل نطلع و قلت انا رايحه قال ان وصلتي الباب ياويلك و رحت وصلت ونزلت الدرج قال تكملين خطوه بعد بيكوووون هو طلاقك والله .. وقتها رجعت فوق وجلست ابكي < هو قال كذا لان خاف ان مارجع وكان غلط بحقي بوقت عصبيه > المهم لما روق قلت ليه ماخليتني اروح لاهلي قال خفت ماترجعين قلت بس امي سافرت قال ليه ومتى و وين وليه ماقلتي لي قلت امي قالت لاتعلمون احد وكنت حابه اشوفها قال انا اسف < اوووول مره يقولها > وقال لو يعطوني اجازة باخذك لها والخ ... و مرات اكون ماخذه موقف لسبب تافه يجي يعتذر بطريقه غير مباشره يسولف يمدح او يتحرش فيني او يغيضني بس مستحيل يعتذر لسبب تافه مهما كان .. و المشكله هذي الاغلب لامو علي وحطوا الحق علي حتى اهلي وفكرت لقيت معهم حق

مبروووك حبيبتي تستاهلين كل خير
ولو زوجك مو مستاهل كان مابادرتي واحترقتي لين رجعتي..
الله يهنيكم ويبعد عنكم عيال الحرام

سبحان الله تغيرت اقوالك عنه بعد الرضا
مالمناك على رجعتك بل لمناك على طلعتك كانت غلط و تضعف موقفك 🙂

ههههههههههه لاتواخذني ع الضحك بسس زوجي اكثر شخص شبعان عاطفيا .. دايم ابين له و دايم اتغزل فيه و دايم اقوله اغار عليك و مرات بالصدفه يفتح سناب يلقى اهداء له و دايم اهتم فيه والخ .. ويمكن هذي غلطتي ان بينت له حبي له .. وفعلا هو كل فترة يسوي شي يثير غيرتي

سيدتي الكريمة

الله يديم ظحكتك ان شاء الله

في حال ضمانك لعدم احتياجة العاطفي فعليكي بعدم الانفعال في حال ما اقدم على مثل هذي الافعال المثيرة للغيرتك حينها سيتوقف عن اللجوء لمثل هذة الوسيلة وسيشعر بانه يقوم بعمل مراهق غير مجدي.

الله يوفقكم

مب معقول يطالبونج ترجعين وبعدين يقولون هذي ما عندها كرامة.

لكنج انتي اللي تفكرين جذي .. لأن رغم اعترافج بتسرعج في الخروج من بيتج .. إلا إنج كنتي معاندة في البداية عشان كرامتج.


على كل حال .. الحمدلله أن الموقف انتهى على خير.

لكن نصيحة .. إنتي أكثر إنسانة مسؤولة عن كرامتج .. ففكري عدل قبل أي تصرف أو رد فعل .. لأن أحياناً إحنا اللي نهدر كرامتنا بتصرفات غير محسوبة.

__________________


اللهم طِيبَ الأثر .. وحُسْنَ الرحيل.

الحمدلله إنها عدت على خير .. ربنا يسعدكم ويوفقكم
أختي الكريمة للتنبيه فقط
إطعام عشرة مساكين هي كفارة اليمين .. أما الصيام فهو آخر شيء إذا تعذر الإطعام أو الكسوة أو عتق الرقبة
طبعاً لا أفتي بذلك .. لكن هذا ما نسمعه من الشيوخ .. وأنصحك بالبحث أيضاً
بالتوفيق.

__________________

اي والله يستاهل لانه زين معي بس اذا صارت مشكله اكرهه لمدة يوم ههههههه
تسلمين ياقلبي الله يسعدك

اي طبعا وقت الزعل مستحيل اذكر له مواقف زينه لان همي مشكلتي الاساسيه اللي صارت .. بس الحين بما ان رضيت خلاص راح الكره المؤقت .. وعلى فكرة علقت ع موضوع الاستطلاع هل تختار نفس شريك حياتك < اخترت نعم وكتبت نععععععممم اكيد ومدحت فيه وقلت مع ان حاليا زعلانه ببيت اهلي والخ .. يعني وانا زعلانه مدحته .. وفيه موضوع اخر يقول ان البعض مايكتب المشكله بالتفصيل بل يخفي بعض الشغلات عشان الحق يكون معه وهذا اللي صار للأسف ومع هذا الكل طلعني غلطانه بس خلاص الحين تعلمت

بحاول اسيطر على انفعالي قد ما اقدر .. شكرا لنصائحك