المشاركة الأصلية كتبت بواسطة ابو فراس النمري
مرحباً اختي ..
اسف للتأخير بسبب ظروف الله يعلم بها .. ايه نعم ..انا معاك بموضوع التجميد ولاتنسي اني اقترحت هذا عليكي بعد مااقتربت من فهم نفسياتكم الاثنين.. افضل حل الحين انك تتركيه يطحن الحبة السوداء اللي في راسه ولا تسألين عن شي علماً بأنكم الاثنين غلطانين بالعناد ونسبة الخطأ عندك اكبر لأنك تركتي بيتك وفيه مشكلة بينكم واذا رجعتي بيتك يااختي انصحك من قلب لاتتركين بيتك اذا فيه مشكلة بينكم لأي سبب من الاسباب.. وشوفي الشيطان الله يلعنه ايش سوى الآن بينكم.. الله يوفق حالك ويصلح بالك ويهدي زوجك لك ويجعله قرة عين يااختي ترى زوجك مستحيل يفكر بطلاقك طالما فيه بينكم طفلة واعتقد انك سويتي اللي عليكي الى الآن بتوسيط الناس وبالاتصال عليه.. خلاص انتي من وجهة نظري معذورة والكرة الآن في ملعبه ... وانا احترم ردود بعض الاخوة .. لكن ودي بس يشرحلي احد منهم كيف ترجعين الى بيتك وانتي معززة مكرمة ؟؟؟؟ يعني ترضون انها تركب تاكسي ومعاها بنتها وحقيبتها وتروح لرجل اصلاً مايكلمها بالتليفون ؟؟؟؟؟ خليكم واقعيين .. هذي بنت ناس مثل اخواتكم ومااعتقد ان احد يرضى على اخته كذا ياعالم !!!! واللي بينصح لازم يترفق بالنصيحة ويسدد ويقارب والا ترى الرسول صلى الله عليه وسلم اوصى بأن نقل خيراً او نصمت .. وشكراً للجميع |
المشاركة الأصلية كتبت بواسطة ابو فراس النمري
صباح الخير للجميع
أسأل الله في هذا اليوم التوفيق والنجاح لجميع المسلمين والمسلمات .. انتي لسه مارحتي بيتك ؟؟ المهم مالك بالطويلة .. ترى موضوعك محل اهتمام وتقدير من جميع من شارك معك ولاحظي انهم جميعاً نصحوكي بلسان واحد بأنك ( ترجعين بيتك الآن وتعالجي مشكلة التدخين بعدين ) .. هذي النقطة الاولى .. النقطة الثانية : (طريقة رجوعك للبيت بصيغة مناسبة ) وهذا اللي قاعد معاكي من امس اعيد وازيد فيه ..ز مرة اقولك اتصلي عليه ..وتقولين مايرد .. ومرة اقولك ارسليله رسالة ..اذا ماكان بيرد على الاتصالات اكيد بيطنش الرسالة !!!!! يابنت الحلال هذي رسالة رح يقراها غصب ..ايش دراكي انه بيطنشها ؟؟ ..انتي ماتعلمين الغيب .. ومرة اقولك دخلي اقارب بينكم ..تقولين مايبي واسطة ايه اكيد مايبي واسطة ..هذا يبيكي انتي فقط !! ومرة اقولك طنشيييييه ..واحس في كلامك خوف وتردد من هذي الخطوة وكأنك حاسة بأن زوجك من النوع اللي مايتطنش وخايفة لو طنشتيه انه يزيد من المشكلة .. طيب ايش تشوفي الحل برأيك ؟؟ ترى جلوسك عند اهلك الفترة الماضية والقادمة ماهوب حل ابداً .. وانا ملاحظ انك تحبين اهلك جداً بدليل معرفك (حياتي فدوة اهلي) .. وهذا يعطيني انطباع بأنهم يدللونك وواقفين بصفك حتى لو كنتي مخطئة .. وانا استغرب موقف اهلك من المشكلة .. يعني المفروض انهم على الاقل يتكلمون مع زوجك .. بس الظاهر ان مشكلتكم خرجت خلاص عن السيطرة وصرتم جميعاً تحت مقصلة الكرامة .. عارفة زوجك يفكر كيف ؟؟ اكيد عارفة .. وانا بأقولك كيف ..ولكن بصوت عالي علشان تستفيقي .. زوجك يفكر بأنك امرأة متمردة ومدللة وتحتاجين موقف مثل هذا علشان تصحين فيه .. اكيد انه يحبك ويبي يعيش معاكي ولكن فكر بأنه لو رضخ لك الآن بأنه مارح يقدر يسيطر عليكي مستقبلاً اذا حصلت مشكلة اخرى .. زوجك يرى ان التدخين حق من حقوقه ...واذا تبين تناقشيه في هذا لازم يكون بأدب وبهدوء ماهو بزعل والتفكير بالطلاق .. زوجك حاقد عليكي بسبب انك تستخدمين الطفلة الصغيرة وسيلة ضغط عليه لما تحرمينه منها بسبب هذا الزعل .. وموقفه الآن منك متشدد وكأنه يقول ( انا مايهمني مشاعري تجاهكم بعد الآن لأنك بعتيني وبالتالي انا مااشتري ) زوجك يقول لنفسه ويمكن للآخرين انك انتي المخطئة .. وطبعاً طيلة شهرين (وكل يوم) يقول لنفسه هذي العبارة ..فخلاص ترسخت بذهنه .. ماتقدرين الآن انك تغيرين هذي القناعة بين يوم وليلة ... فكري زين لكن برجوعك الى بيتك باختيارك وبارادتك رح تكوني سويتي امور كثيرة .. اولاً رح تكوني كسرتي حاجز الكرامة واعطيتي زوجك درسة بأن الحب اقوى من الكرامة ..وصدقيني هذا الشيء بصالحك ثانياً رح تعالجين مشكلة التدخين بحكمة وهدوء ...وترى التدخين ابتلاء ومرض ...يعني مو معقول اذا كان زوجك مريض وبحاجة لرعايتك انك تتركيه .. اعتبريه بحاجة لمساعدتك في هذا الامر وتوكلي على الله .. ثالثاً ..مدام ان اهلك موقفهم سلبي من الموضوع (بدليل عدم تدخلهم) ...فأنا انصحك بأنك ماتدخلينهم مستقبلاً بأي شيء.. شوفي الميزات اللي يقدمها لك رجوعك لبيتك واستعيذي بالله من الشيطان الرجيم وتوكلي على الله |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|