ماذابحك الا تحليل كلشي لو فكرتِ كثير قبل تنفجري كانت مساحة التصرف عندك أكبر...من رايي اتركي مناقشته في موضوعها واشتغلي ع أمه وأخته

وليه انشر غسيلي عند العالم
زوجي يتبسم لها وياخذ ويعطي معها
يقفل فمه ويغض نظره وتنتهي القصه
البلا في اللي عندي مو بالناس

يا يتسنع ويحترم وجودي كزوجه
والا مابيني وبينه كلام
انا شخصيا ما احب الرجال اللي عيونهم طويله
ويدعدعون مع حريم اجنبيات


قبل سنه زعل مني اسبوعين
لان واحد كتب لي بتويتر صباح الخير
رديت: صباح الورد
ومابردت ناره الا لما حظرت هالانسان
اللي ماعمري شفته
ولا ادري هو بأي دوله


فما بالك بأجنبيه يصبح ويمسي عليها
وياخذ ويعطي معها
وفاتحه له قلبها عالبحري
قلة ادب
وهو عارف هالشي ومدركه زين
بس يحاول يلتف حول الموضوع

إهدأي لتعالجي الموضوع بصوره صحيحه

روان هدي
على طول دليل وجرم واتهمتيه بالزنا بس ناطره الدليل
وحرب
شفيك ماتركدين
طبعا بنشد عليك
اجل نخليك تتخبطين وتخربطين بالحكي
هذا ابو عيالك تتهمينه بسواد الوجه كذا بس من موقف
صار قدامك وقدام اهله
اقدر غيرتك
لكن ما يمنع ان البلا بالخدم
فيه واحد من الاخوان هنا حبته الشغاله من راسه
وهو مابينه وبينها شي وابتسم من الصدمه وزوجته تشوف
وهو مابينهم علاقه
يمكن زوجك مظلوم
لو بينهم شي مابينت الشغاله علني
دايم الي نيتهم عاطله سوالفهم من تحت لتحت
وخير هالمستشاره تقول لك اهدي لها
مدري ضحكت وش هالنصيحه
فعلا لاتزنين على خراب بيتك
ولا تخلي احد يخرب بينكم
واضبطي ردات فعل وتعاملي بذكاء وعقل

انا هدأت ورحت بيت اهلي ارتاح الليله
بالطريق مد لي 500 ريال
قلت شكرا معي اللي يكفيني
وما اخذتها
نزلني وقال بكرا باخذكم
سلمي لي على اهلك
قلت ان شاء الله ودخلت


بنتي انبسطت
تغير جو بهالاجازة
وقالوا خواتي بنسهر بالحديقة الليله


والحمدلله على كل حال

ان شاء الله بحاول
دعواتكم
ويارب اطلع غلطانه

ما أظن بينهم علاقه لكن هي تحاول تستفزك بحركاتها لوبينهم شي فعلا مافضحت نفسها بهالحركات وخلتك نايمه على ودانك وأتوقع دافعها الغيره منك , وهو مرتاح على حركاتها لأنها تشبع حاجاته الرجل بحاجه للإعجاب وبحاجه للآحساس بأنه مرغوب وهالجنسيه صحيح مافيهن جمال لكن فيهن أنوثه موطبيعيه ويعرفن شلون يجذبن الرجال وبصراحه أنتي تفتقدين للأنوثه بأفعالك وكلامك روضي نفسك ياأختي النفس تحتاج للترويض لو أنتي مشبعه إحتياجاته مازعلتي بهالشكل خلي هالمشكله دافع لك إنك تغيرين من نفسك للأفضل وهي حاولي تتخلصين منها بأي طريقه .
الله يعينك الموضوع موسهل على اي زوجه لكن حاولي تسخرينه لصالحك مو ضدك وإدعي الله يهديك للتصرف السليم.

__________________
الحمدلله حمدا جزيلا ...

صحيح لو بينهم شي بتحاول تغطي...انتبهي اختي هذي تهمه كبيره وقذف وممكن زوجك مستمتع بغيرتك خصوصاً من كلامك مو متعود تغاري لذلك حابب يعيشك جو الشك

صدقيني الوفاء
انا مو منزعجه من تصرفاتها
انزعاجي من ارتياح زوجي وقبوله
محملته المسؤوليه 100‎%‎
معطيها وجه وقبووول
هالشي يزعج اي امرأه بالعالم
ويخلي هالاشكال تتمادى


انا هديت شوي لما رحت لاهلي
ما يعني هالشي ان حرقه الموضوع راحت
بس صراحه اشتقت له
وحزنت ان بينا زعل
حتى صور سناب واتس مو قادره ارسل له
ترى انا احبه احبه من صدق
وهذا اللي يقهرني
لو ما احبه ما اهتميت
كل شيء متوفر عندي الحمدلله
بس حبي له هو اللي مخليني انقهر
يمكن هو مايحبني ويجاملني
ما اعرف.. بس انا مشاعري صادقه تجاهه
مهما كابرت

اذا اهتزت الثقه
قولي على العلاقه السلام

مو من صالحه اني اكره بيت اهله
هذا يعني اني بقاطعهم
لو هو فكر فيها مضبوط