المفروض يا اخت بحرينية مايكون في مجال للمساومه او التخيير.. هو خيرها يا تروحي العرس يا تروحي الخطبة!! ليش يخيّرها بدل ماهو اللي يشجعها تروح وقبلها بكم يوم عشان تساعدهم في المناسبة وبدل ما يعرض هو خدماته ويروح يوقف مع الناس يقعد يخيّر بنتهم يا تروحي هذا يا تروحي ذاك؟ كانها رايحة زواج صاحبتها مو خطبة وزواج اختها!

__________________

شوفي يا أختي..
أنا عايشة ببلد غير عن بلد أهلي..
وإذا كان ودي أروح مناسبة كبيرة..
لازم أضحي بالمناسبات الصغيرة عشان المناسبات الأكبر..
يعني أضحي بالمهم عشان الأهم..
و إذا تمنيت أكون بكل مناسبة بديرتي..
معناها إني أروح عند هلي أكثر من قعدتي مع زوجي..

تدرين..
إذا تتوقعين إن كلام الناس غير مهم في هالحالة أقول لك غلطانة..
أنا مرة بعد ماربيت رحت ديرتي..
وزوجي نسق معاي وأخذ إجازته السنوية بنفس الفترة شهرين ونص..
وكان معاي بديرتي طول الوقت..
بس الناس مارحموني..
على بالهم أنا تاركته وقاعدة عند هلي..
وطبعا ألفوا قصص وطلعوا إشاعات..
قالوا أكيد متهاوشين.. منفصلين.. طلقها..
مع إنه معااااااااي..

والزوج تزوج عشان الاستقرار..
إذا إنتي مش متزوجة.. ماراح تفهمين.
الزوج تجيه فترة يشعر بحاجة ملحة لزوجته...
مايقدر ينتظر يومين او ثلاثة.. يبغي يعف نفسه..

والأخ قال.. إنها من شهر كانت عند أهلها وإن بيته صار استراحة من كثر ماتروح لأهلها..
عيب .. والله عيب الزوجة تحسس زوجها بهالشي..

لو إنها ماتروح لأهلها كثير أنا متأكدة مليون بالمية إنه راح يخليها تحضر للمناسبتين..
بس شاف إنها تروح لهم كثير..
وأصلا.. هو رفض إنها تروح بسبب إنه كان مضغوط بالعمل بتلك الفترة..
يعني كان محتاج لها..
والزوجة إذا حست إن زوجها محتاج لها لأي سبب.. تترك كل الدنيا عشانه
مش العكس..

يا اخواني والله اني اشوف ان بعض الردود فيها خراب لبيت الرجال والله حرااااااااام

اتمنى منك يا اخي الفاضل انك تحل مشكلتك بعيييييييد عن ارائهم

وماتدخل اي شخص في مشكلتك لاني اشوف البعض قاعد يشيشك على زوجتك

احترامي للجميع

كما قالوا فى الأمثال (( اذا أردت أن تطاع فأمر بما يستطاع ))

ماذا بكم يا رجال هل ملأكم الغرور وحب التملك الى الحد الذى تطلبون فيه من زوجاتكم أن يقطعوا صلة رحمهم؟

والله برافو على زوجتك فيما فعلته وأظنك ستفكر ألف مرة فى المستقبل قبل أن تتحداها وتجبرها على مالا يصح.

__________________

يارب لك الحمد كما ينبغى لجلال وجهك وعظيم سلطانك

انا وضعي زي وضعك عايشين انا وزوجي بديرته اللي هي غير ديرة اهلي وفاهمه الكلام وحاطه نفسي مكانها وهذا اللي مضايقنيي اكثر يعني ما اتخيل زوجي يجي يساومني يقولي يا تروحي زواج اختك يا تروحي خطبتها!!!
هذي اختي يا عالم وهذي امي اللي رايحه اساعدها في مناسبة كبيرة زي هذي..بدل ما يرسلها قبل الخطبة بكم يوم عشان تشرف على العزيمة وتشيل عن كتف امها وتساعد اختها ( خصوصا اذا مالها اخت ثانيه)! بدل ما يقول اقعدي يومين بعد الزواج او الخطبة عشان تساعدي اهل البيت في التنظيف والترتيب وغيره؟؟

الله يحفظلنا اياك يا (زوج اختي) خلى اختي 10 ايام بعد ما تزوجت انا عشان تقعد تونّس امي مش عشان تساعدها فقط عشان تونّسها لا يضيق صدرها بعد ما انا رحت.. اشخاص من هذا النوع الله رح يباركلهم في عيالهم لانه آثروا سعادة غيرهم على سعادتهم اضيفي الى ذلك انه واجب..

هذي ماهي اي مناسبة مش حفلة عشاء او حفلة تخرج اختي او حفلة ولادة مولود هذي خطبة وزواج يعني فيه فرق.. اذا ما رحت لاهلي في مناسبة زي هذي او في حالات (اللهم ابعدها عنا) المرض والوفاة ،، متى اجل بروحلهم؟؟
هذا اقل شي ممكن يقدّمه زوج بنتهم لاهلها عرفان وشكر لانهم وافقوا يعطوه بنتهم ووافقوا انها تتغرب معه ووافقوا ووافقوا ووافقوا لمجرد انهم اتوسموا في وجهه الخير..هذا جزاءهم؟ يبغى يحرم بنتهم من حضور زواج او خطبة اختها(ويساوم بعد)..


واذا كان تعبان يا اختي؟ هو رح يشيلها على اكتافه ويوصلها على اهلها؟اقرب تذكره على اقرب طياره وانتهينا..واذا محتاجها ما يستغنى عنها من الناحيه الجنسيه يرسلها 3ايام ويرجعها مارح يصيرله شي لو صبر في سبيل واجب عائلي له فيه اجر وثواب..

انا ما انكر انها اخطأت بتصرفها (جدا اخطأت) بس لا يجي يعمل نفسه الضعيف ويبغى يتفنن بتعذيبها وعقابها متناسي انه هو اللي دفعها الى هذا الشي..في مثل يقول (طبخ طبختيه يالرفله كليه) هو اللي حدّها تعمل كذا هو الان يتحمل العواقب والنتايج..

__________________

الأخ المحترم /
عفى الله عما سلف
وسامح زوجتك
وانسى ما بدر منها وأكيد هى عرفت خطأها
ولاتعقد الأمور مع زوجتك وتمنعها عن عرس أختها
وعالج الأمور بحكمة اكثر
كي تسير المركب بكم ولاتعكر صفو حياتكم الزوجية
بالعناد

__________________
الأهم من أن تتقدم بسرعة هو أن تتقدم في الإتجاه الصحيح
**** ****

حب وكره....
لا تزعل مني بس الحمد لله الف انك منتب زوجي ولا زوج وحده من خواتي....
كنت ابكتب مشكله عن زوجي وعناده...بس بطلت....

حب وكره...من حقك تامر وتنهىبس تاصل الامور انك تمنعها من خطوبة اختها وتحدديازواج ياخطبه ...ليه؟ بس عشان تثبت انك الراجل..والله انت الراجل وسيد الرجال مهما قالوا الناس...والخطبه والزواج مو بيد الواحد عشان يحدده متى مايبي ...يعني حط نفسك مكان ام البنت..بنأخره عشان زوج ساره عنده دوام وبتاخره عشان زوج نوره مو مناسبه الموعد ..ياخي الطيارات يسرت كل شي يوم رايحه ويوم جايه ماتسوى تتعب راسك وتدوخ نفسك وتضيق صدر زوجتك واهلها...طيب الحين صار اللي صار وش الحل...؟

واحد رجع زوجتك وازعل عليها زعل جامد خليك بارد واهجرها الحريم اصعب شي عليهم الهجر...











بعدين اذا راضتك كم مرررره ارض...





بعدين لا تعيدها....تراها تهج ثانيه....امزح...خلك حبيب وبالتفاهم...كل شي يجي...

عـــــاشروهن بالمعروف

تحذير: الكلام طويل..و مجرد كلام جاء في بالي..يعني هذا رأيي و مثل ما قلت قبل أنا عمري 21 سنه و مو متزوجه (مملكه بس) يعني خبرتي مهما كانت قليلة...فاللي يحب يقرأ حياه الله لا يقول ما حذرته و اللي ما يحب براحته...و اللي يحب يعلق أو يناقش حياه الله
---------------------------------------------------


تعرفون شي؟؟؟

أنا تعلمت شغلة مهمة من كل هالسالفة
الحياة ما هي أبيض و أسود و الناس ماهي أشخاص طيبين و أشخاص شريرين و الخلافات موب ضروري طرف صح و طرف غلط
أنا لاحظت أغلب الردود إما تختلف معاه و بقوه (يعني في نظهرهم هو الغلط و هي الصح) و ردود تتفق معاه و بقوه (يعني هو الصح و هي الغلط) كلا طبعا حسب الناحية اللي يطالعها

أنا في البداية كنت معها يمكن لأني مثل ما قلت من قبل ممكن في لحظه أقول إني ما راح أسوي شي..لكن بعد فتره أطالع الشي من منظور ثاني و أغير رايي...و أنا أعتقد إن هذا شي من حقي....يعني موب ضروري أسوي شي أنا موب مقتنعة فيه حتى ولو أنا مثلا من قبل قلت راح أسويه...و أنا أحب إني أعرف إن زوجي فاهم هالشي..يعني فاهم إن أنا مره أفكر بعقلي مره بعواطفي...و مره ممكن بس أطالع الموضوع من منظور ثاني و أشوف شي أنا ما كنت شايفته قبل
أنا حطيت نفسي في مكانها و تخيلت نفسي إن زوجي موب راضي أروح خطوبة أختي...أكيد راح أترجاه و أحاول أقنعه بأي شكل ممكن أقول له تكفى خلني أروح هالمره و مره ثانية اذا قلت أبي أروح امنعني...ممكن أقول بأروح الحين و ما راح أروح العرس...و هذا غلط طبعا ان أوعد شي ما راح أقدر أنفذه...بس ما معناه ان هو يحلفني و يجيب لي شهود...
قرب وقت العرس و أنا أسمع أمي و أختي يتكلمون عن الترتيبات و التخطيطات غصبا عني راح أتمنى أكون معهم..أجي لزوجي أقول له أبي أروح..يقول لي انتي قلتي و انتي ما قلتي...(طبعا أنا مثلا بطبيعتي راح أفكر حتى لو اني قلت لك كذا انت ما كان المفروض تصدق)..بيقول لي حلفتي بأقول له ايه علي كفارة..اذا ما اقتنع راح أجرب أساليب مختلفه ممكن أتهاوش معاه..أجيه بالطيب..أتدلع عليه..أبكي..أضرب عن الطعام...أتمسكن عليه (يعني طول الوقت شكلي مكتئب و كل شوي تجيني الصيحه)...أكلم أبوي ولا أحد من اخواني يقنعه...أطلب منه يجي معي (مع ان هو المفروض يعني من أصل يجي معه كونه عرس عديله (؟؟))...أسويله فلم مصري و أقول "ألبي ألبي...لو مت يبئى زنبي في رئبتك يا آسي"...أهدد بالانتحار........بس بصراحه ما راح يجي في بالي اني أروح من وراه...أقصاها أقول له عاد أنا بأروح برضاك خير و بركه بعدم رضاك عاد بكيفك...طبعا هذا عصيان و علي في هالحالة ذنب...بس اني اروح أحجز و أخطط و أخون ثقته ما أتصور نفسي أسويها...حتى ولو سويتها ما راح أقدر أعيش وياه كل يوم و انا مخبيه عنه شي زي كذا...أتخيل نفسي يوم بالليل كذا ما يجيني نوم و أصحيه و أقول له كل شي (و طبعا بما اني أنا جالسه أتخيل فممكن أسوي السيناريو اللي أبيه :14: فيعني لما أقول له هو ما راح يزعل ولا يعصب ولا شي هو راح يطالعني بحنان و يحط يده على خدي و يقول لي حبيبتي لهالدرجه تبين تروحين؟؟ أنا تنزل مني دمعتين و أقول له ايه..يقوم هو يقول لي خلاص روحي أنا راضي..لا يكون لغيتي الحجز؟؟...فأنا أحضنه و أقول له تسلم لي حبيبي عسى ربي ما يحرمني منك ...احم قلبت السالفه فلم )

المهم اللي قصدته إن أنا يوم وصلت لهالمرحله تلخبطت أفكاري (حتى كتبت كذا في ردي اللي قبل هذا) حسيت أنا في جانبها و مقتنعه انها سوت هالشي كرد فعل لاسلوبه معها..بس في نفس الوقت حسيت أنا معاه في انها خانت ثقته
لما فكرت مين صح و مين غلط ما عرفت أحدد
هي صح لأن هو اللي دفعها لهالشي
بس هي غلط لأنها خانت ثقته
هو صح لأنها خانت ثقته
بس هو غلط لأن هو اللي دفعها لهالشي
يعني اثنينهم صح و اثنينهم غلط
في النهايه فكرت ما فيه انسان معصوم..بالتالي ما فيه انسان غلط بمعنى ان كل الناس تغلط فمو معقوله نقول عن كلهم انهم ناس غلط
و جل من لا يخطأ..بالتالي ما فيه انسان صح

اللي كنت أبي أوصل له....الاثنين غلطانين...و لما أرجع للأساس أعيد و أزيد...التواصل بينهم موب مضبوط...من البدايه..هي حست انه ما راح يرضى لها الا اذا وعدته...و هو مو فاهم طبيعتها فصدقها...و بناء على كذا كبرت السالفه
لو هي حسبتها صح من الأول و اتفقت معاه..بدل ما تروح من قبل شهر...تروح اسبوعين و وقت الخطبه تروح اسبوع و وقت العرس تروح اسبوع
هو كان عارف انها موب مره صادقه يوم قالت له بتروح الخطبه و ما بتروح العرس و الدليل انه تفاجئ...بس أنا حاسه ان وقت العرس هو ما كان رافض الفكره لأنه رافض روحتها العرس كثر ما هو رافضها لأن هي تراجعت عن كلامها و غيرت رايها

بس عاد هذا كله كلام أمس
نجي لكلام اليوم
الاثنين لازم يعرفون ان اللي سووه فيه نوع من الغلط
لازم يتعلمون ان يكون بينهم كوميونيكيشن أكثر من كذا

هو لازم يفهم طبيعتها و شخصيتها و يعاملها على أساسها...يعني فيه بنات عادي وين ما تمشيها تروح...فيه بنات تمشيها يمين تروح يسار..و فيه بنات لاهي كذا ولا كذا....و كل وحده لها طريقة تعامل

هي لازم تفهم ان اللي سوته ما هو هين..لازم تنقرص علشان ما تعيد هالشي...

بعد ما يتم كل هذا خلاص تنفتح صفحه جديده و الموضوع عذا ينسى....بس بدون ما تنسى العبره منه