أختي خواطر أنا ما أبرر لولدي بس كيف مايحبها وهي الآمرة الناهية واللي تقوله يتم وهذا أسلوبه معها من لحظة زواجه منها مو متغير معها لأجل يبي زوجة ثانية..
كل طلباتها أوامر وباين الحب والتفاهم والرضا في عيونهم الإثنين.

مو معقولة أنا عديمة نظر لهالدرجة..

مافي رجل يفكر يتزوج على زوجته وتكون هي أول واحدة يصارحها..
طبيعي يفكر بينه وبين نفسه ويشاور أحد وهذا مو اسمه شغل من تحت تحت.. طبيعي ماراح يفاتحها غير لما يقرر تماما..

أنا بأدعي وتاركة الأمر لله

!!!!وبس

ام دان ليش ما تقولي له اغضب عليك لو تزوجت على حرمتك
وش المانع؟؟

__________________

ماشاءالله تبارك الله
تذكرت واحد الله يرحمه من أقاربنا
تزوج 9 من جنسيات مختلفه
بس الحلو في الموضوع صارت عائلة كبيرة وتنوع الجمال
بس نوعاً ما مافي تربية صالحه ، لعدم وجود الأب الي هو اساس الاستقرار .

بس كان المفروض ماتستعجل وتتزوج 7 ب 4 سنين
في حلول وفي صبر واحتساب اجر

موضوعك ام الدان
شدني كثير ومتابعه لك ، ودي أعرف وش السر والنهاية .
ولو اني مش ضد التعدد نهائياً إن كان في عدل ..
فوائده اجدها أكثر .

عموماً الله يكتب الي فيه خير

__________________

هذا اسمه حب عشره يعني مثل إلا يقول ما تهون على العشره ... لكن حب حقيقى مستحيل يحبها والا كان ما فكر ثانيه أنه يجرحها .... لا تدافعي عنه لأنه ولدك وبعدين انتي لك الظاهر والله أعلم ما في قلبه ....

وبعدين فعلا انا أسأل نفس سؤال مسز داني ليش ما تقولي له لا أنت ولدي ولا أعرفك لو تزوجت ...<< أنا ما احاسبك أنا أوضح لك وأسألك ... وخرجت بفائدة من موضوعك راح أقولها بعدين ...


بعدين قصدي شغل من تحت لتحت بيصير فعلا إذا خبرتوها بعد الخطبة وحطيتوها في الأمر الواقع <<< من حقها عليك إذا انفلتت الأمور من يدك تخبريها عن نية زوجها لأنه من حقها تدافع ع بيتها ممكن ترضى وومكن تخلى ولدك يتراجع ...

أنا مو قد الكلمة هذه ..الغضب يكون لما يسوي شي حرام أو يكون عاق
هو ماطلب منكر ولا حرام ولا عيب..زواجه الثاني حلال بالشرع.وهو أثبت لي قدرته المادية..
وأنا والله من يوم هم أطفال ربيتهم على الحوار والإقناع والتفاهم والتراضي..وهذا دأبي في الحياة معهم..كيف أغير أسلوبي وأغضب عليه..

حطي نفسك في مكاني
يمكن هو محتاج الزواج لأسباب خاصة جدا وأنا ما أعرفها
مو أكون ظلمته وحرمته من حق شرعي له؟؟

ياناس أنا أفكر من كافة الزوايا والجوانب لا أبغى أظلم ولدي ولا أبغى أظلم بنت الناس..

فعلا فعلا جالسه اشوف أن نظريتي عن أم الزوج صح سواء هنا و شوفتها كمان برا ... مهما تعامليها مثل أمك وتحبيها إلا في الأخير راح تصف مع ولدها وما بتكوني بغلاوة ولدها ...

والله بكل صراحه افكر اغير نفسي حركة اني أبدي أهل زوجي على نفسي واحب أمه مثل أمي بخليها ولا راح أساويها بأمي مهما سويت ما بتحبني كثر ولدها وهذي الحقيقة ... اعاملها بما يرضي الله وفقط ..

نظرة مني وكلمة لعيالي تكفي عشان يفهمون ان هالشي خط أحمر ممنوع الإقتراب

والصدق هم يحترمون كلمتي ...

لكن الإلحاح بهالشكل واللي عمره ماحصل ولا في أي موضوع جاب لي الوسواس الخناس. 😡

شوفي حبيبتي لو كان محتاج الزواج لأسباب خاصة جدا أجل إيش دراه أنه بيحصله عند هذي البنت بالذات ...السؤال ليش البنت هذي بالذات << الواضح من كلامك أنه نظرة اعجاب فقط ولا فيه اي سبب خاص والا كان خبرك عشان يدعم موقفه وأيضا كان ما أصر على هذي البنت بعينها ....

شوفي ياخواطر
عاملي أم زوجك وأهلك زوجك بأصلك وكله في موازينك..

كل حالة لها حكم..

ماتحكمين علي ولا على مرت ولدي من خلال موضوع..وتفاصيل الحياة كلها أنت تجهليها..

وبحكم إني أم فأنا أرى الأمور من زوايا كثيرة...وليس من زاوية واحدة ..