اتركهم مع نفسهم فتره
وبيطيح الحطب

وزوجتك مصييرها تبرد وتروح السكرة وتجي الفكرة , وتفكر بحياتها زين

بإمكانك كحل أخير ترسل رسالة جميلة فيها مشاعر وإني شاريك وأبيك وبدون شروط
أعاملك بالمعروف وأنتي كذلك
وأخاف الله فيك وتخافينه فيني

إذا رغبتي حياك البيت مفتوح , وراعيه

واتركها تفكر مع نفسها

لو ماردت يكفي تعرف أن فيه زوج فتح لها قلبه وبيته , اذا هي عاقله تعرف طريقه
واذا لا , عسى ربي يعوضك خير منها

اعرف انك سمعت شروطهم واحسست بوخزة وقرصك قلبك ان في امر شيء

انا احساسك في محله ولا تمنيك نفسك تتذلل لهم وهم يعاندون ويتكبرون ، هم يخططون لك بفخ يريدونك الوقوع فيه وتتورط بمحنة وهذه ليست الا شرنقة اذا نجحوا في وقوعك ستكون في محن ومصائب وتسب اليوم الذي تمنيت فيه رجوعك .

يا اخي اللحين الظاهر لي انهم ماشين على كلام الام
لو رحت لجنة اصلاح ذات البين راح يحطوا النقط على الحروف بمعنى لو طلباتهم مستحيلة الشيخ يفهمهم
وانت تقول اللي عندك من الاشياء اللي مضايقتك
وقتها يصير تبري ذمتك من هالادمية ياتحط عقلها في راسها ولا خليها تتحمل اللي يجيها
فهمت اللحين هم بيفكروا ومايدروا وش الصح من الغلط لانه ماشين بعقل الام
يا اخي جرب مادام شفت اللحين انه شروطهم تعجيزية
يمكن سبحان الله وقتها البنت تشوفك وتسمع من الشيخ وتحن يمكن الشيخ لمن يسمع كلام وشروط اهلها يحس انهم ظلموك فيبين للاب والبنت وتحن البنت عليك وتعقل وخذ تعهد من اهلها بعدم التدخل في حياتك
وبعدين بالنسبة لموضوع المؤخر
حسب وجهة نظري قلهم ياجماعة اللحين لو انا مت مابتورثني !!
تدري باين كيد حريم شيء ينرفز
وسواء اتفقتم ولا لأ يصير تحدد مواعيد شوفتك لعيالك ولا تاخدهم
وبعدها ربك يحلها يا تعقل يا تتزوج عليها الى ان ربك يصلح حالها ويصير جابت فوقها زوجة ثانية يعني مو شرط تطلقها سبحان الله في حريم ماتنعدل الا لمن تجي وحدة عليها وانت ادرى بظروفك
ويمكن اذا عرفت انك جدي بموضوع الزواج تنعدل
ما ادري شيء يجيب الهم الله يهديها لك
ولا اذا تقدر تصبر اصبر لين ماتعقل

لحد الحين عندي فضول عن سبب الخلاف
وما دخل اهلك بالموضوع لتشرطهم ان تبتعد عنهم؟؟؟؟

__________________

لايوجد تواصل بيننا وماراح اطلقها
راح اتزوج واخليها لين يجون لي
واذا جو لي يصير خير ذيك الساعه

بتركهم مع نفسهم شافوني اتردد عليهم كل بعد فتره
وحطوا يدينهم بمويه بارده وثقوا اني احبها
ولكن عسى ان تكرهوا شي وهو خير لكم
تعرف طيبه قلبي وتعرف اني ماروح بعيد
وتدري انها لو تدق علي اليوم جيت بكره
لكن القرار عند امها الله يحرق قلب امها مثل ماحرقت قلبي
بشوف حياتي وهي مصير الايام بتعلمها

لاحول ولاقوة الا بالله

الله يجمع شملكم ياااارب ...

ما اتوقع ان زوجتكك راضية باللي يصير مستحيل زوجة تبي تخرب بيتها وماتحن لزوجها ابو عيالها

السبب .... اهلها .... انت اصبر ولا تظلمها

وبعد ذولا ابوها وامها ... مابتقدر تقولهم انتم غلط او ترفع صوتها وتعارضهم يمكنها بعد بتموت من القهر

لكن هي ناقصه الجرأه والحكمة وانها تعرف تتصرف مع اهلها وتعارضهم .. بدون مايكون هناك قطيعه بينهم

كلامك منطقي في ردودك
قارصني قلبي من قبل اسمع الشروط
وبعد ماسمعتها تاكدت انهم ناوين لي على نيه
يريدون يعيشوني بجحيم واذا قررت اطلق قالوا جيب موخر
ناس الفلوس امهم وابوهم وكنت حاس من بدايه الزواج
انهم زوجوني عشان هالشي
صحيح فكره اني ماقدر اعيش مع غيرها ببالي ولكن الحمدالله على كل حال
قدر الله وماشاء فعل
اهلي غاسلين يدينهم من بعد ماسمعوا تبريراتها كذب في كذب
من اكبرهم الى اصغرهم ومصير الايام تخليها تحلف مابي مشاكل ولكن حدوني

اخوي رائد
شاكر لك وقفتك معاي الله يجزاك خير
راح اتجهه للمحكمه ولجنه اصلاح ذات البين
ولكن بعد ماارسم طريقي بالصوره الصحيحه
بكره راح اخطب وحده اشترطت فيها الدين فقط بغض النظر عن الاشياء الاخرى
وكان هالموضوع متداول بيني وبين اختي وحسب جس النبض السابق لموضوع الخطبه
انها احتمال توافق ولكن يكون موضوعي واضح عندي زوجه او طلقتها
بعد الموافقه المبدئيه واكون خطبت وانتهيت اروح للمحكمه واوضح لهم نفس كلامك
واللي ابيه انها تحلف في المحكمه انها تركت بيتها بسبب وامور ثانيه تحلف عليها
وراح يبين الكذب وقتها .. واذا تبي بيتها مامنعتها عنه ولكن التدخلات ضيعتها وضيعتنا
وزمام الامور ساعتها كلها بيدي اذا عزموا ع الطلاق اسبوع واتزوج واذا رجعت

سبب الخلاف لايوجد سبب يوم طلعت من بيتها
لاني كلمت ابوها قلت اذا انا غلطان قول في كذا وكذا
رجع سوالف قبل 3 سنوات قلت يابن الحلال هذي امور وحليناها
لاانها راحت لااهلها قبل فتره ورجعتها وجلست عندي راكزه خشمها
وشايفه نفسها لاني رجعتها والمره الثانيه بدون سبب
كلها من الام الله يشغلها في نفسهاااا