اختي ﻻاعارض كﻻمك
ولكن ع اﻻقل الشي اللي تتمناه يكون فيه
شعورها انا شخصيآ جربته جدآ صعب والله

بعض الردود قيمة ، احس لازم اجلس اقراهم فترة بدل ما اطارد المشاركات واحاول الحق اجاوب عليكم

بصراحة قصتك ذكرتني بشخصين انا و زوجي.
زمان كنت أتشكى عند زوجي بخصوص اقاربي و بحكم انه عايش في اسرة متماسكة ماشاء الله كان الوضع بالنسبة له غريب و كان يعتقدني سلبية و ناكرة عشرة و إني ما أحترم النسب! بصراحة فتح عيوني و خلاني أتقرب إلى أقاربي رغم المشاكل إلا إنه بفضل الله ثم بفضل زوجي تعلمت اشلون اكسبهم من غير ما اسمح لهم يتطاولون.صرت أبتسم في وجوههم و ادعي لهم بالخير دائما و اقول الله يغفر لي إن كان موضوع الفضفضة عن مواقفهم تعتبر غيبة.


و تذكريني بشخصيتي القديمة فيما يلي:
على فكرة أعتقد أن نمط شخصيتك تنفر من الاشخاص العاطفيين،و ما تؤمنين بالعفوية و التواضع!لأنك تفتقرين إلى العفوية. لكنك للحين ما توصلتي لهذي الفكرة و كل اعتقادك إنك واعية و إنك فاهمة الدنيا سطر سطر.و السبب؟ لأن الآخرين كانوا يعتقدون أنك شيء كبير و ناضج فأعتقد و الله أعلم صار عندك نفخة بحالك!

اسئلتك عميقة حسيتك بتقدر تساعدني بإذن الله ، راح اجاوبك بالتفصيل

1 حاولت لكن احس بعجزه لان اشياء ماتطابق شخصيته وتتعبه ، الشيء اللي لاحظت تغيره بقوة
ماصار يرفع صوته لمن يعصب ، احس اكتسب هالصفة مني من غير ما اتكلم

لمن اتعب مستحيل ابين له ، واذا حس فيني وسألني اقوله بسيطة بسيطة ، ابغاه يكتسب مني سلوك الصبر وعدم الشكوى ، لكن يشوفها اني اتكتم عليه مايشوفها صبر
عالشيء حسسني باختلاف التفكير وطريقة الحب بيني وبينه ولو مهما شرحت له مابيعرف كيف

2 شخصيته بالدرجة الاولى متساوية بالنسبة لقصره ، ومن ناحية اهله حالتهم المادة ضعيفة وبيتهم شعبي فرق عن معيشتي لكن قدرت اتلاشى هالشيء بما انه مو مقصر علي ومسكني بيت راضية فيه

3 احاول لكن اوقات احس بالعجز ، تفكيري بالانفصال ناتج عن اسباب كثيير منها اني جالسة اظلمه واتعبه واكسره بدون قصد ، ومنها انه يظغط علي ويلومني ومهما صبر الا انه يتكلم ويطالب وانتي ماتحبيني وو ، يمكن لو يصبر و يسكت بيخف الظغط علي وشوي شوي احبه ومنها اني اتعب من تأنيب الضمير ومحاولاته المستميته ماتزيدني غير الم ورحمة له والاخير انه خايفة و حاسه اني ربي يعاقبني حاسه ابي اسحب نفسي قبل يصير شيء عظيم واندم اني ماتطلقت من البداية

4 لانه مايستاهل ولانه يتعب بسرعة مايتحمل ، وانه مابينفع فيني ولابحبه ، والسؤال اللي يذبحني انه ليش ارتبط فيني انا بالذات !

انا كنت مثلك انصدمت من شخصيته
لانها ما تشبه الرجال الي عرفتهم

مره كانت حركاته تنرفزني و تصدمني
لكن كنت دايم افكر بالحل ومستبعده الطلاق

عودي نفسك على الاخذ
هذا الوقت يبغالك تدرسين وضعك زين
و تتنازلين عن الصوره الي فبالك
وترضين بزوجك زي ما هو

شوفي ايش يحب وقدميه له

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

ابي رابط موضوعك الأول

طبيعي من البنت تتشكى وتكون ضعيفة بس الرجل لا
اكره العفوية الزائدة صح ، لكني متواضعة عمري ماحسسته اني احسن منه اجتماعيا وعلاقتي مع اهله رائعة ويمدحوني بقوة عنده
بالمناسبة وش بينفعني اني شيء كبير وناضج حسب وصفك لو انا احتقر الناس ؟ كل الحكاية شعور لا اكثر
احب الشخص يتعلم ويفتح عيونه وحلو انك اكتشفتي وصححتي اخطاءك ❤️

إختصري الموضوع من الآن , قبل قدوم أطفال قد يكونون ضحايا لزواج محكوم عليه بالفشل
عاجلا أم آجلا , والله أعلم .

السلام عليكم ورحمة الله وبركاته ..
أختي الكريمة الأمر كله أنتِ لاتِريدي التنازل أو بالأصح النزول لمستوى تفكيره ولا مشاركته بأي شيء ، هو قابل للتغيير ، لكن تُكبرين الأمر وأنا على يقين بأنك تعرفين الحل بما أن الكثير من عائلتك يستشيرك في هذه الأمور ..
فيما سبق رحمتك وأظن وقفت معك وعارضت الكثير عالقسوة ، الإنسان الذي لا يرى حجم أخطائه وتصرفاته التي يتصرف بها أظنه يحتاج قسوة وعدم طبطبة عليه ...
مع الأستاذ أبو حكيم ومهر ه لاتفكري بالأطفال أبدا حرام أن يكون طرف ثالث ويظلم ...
التغيير ينبع من داخلك وبالأفكار التي بنيتيها أنت ..
موفقة .

انتى تزوجتى عشان يقولون متزوجه و عشان راغبة بالزواج لا بالشخص
و الان ماتبغين تتطلقين عشان عارفه ايش معنى مطلقة و ايش عى النظرة للمطلقة
وعشان عارفة كيف حياتك بتكون بعد الطلاق ..
كل الموضوع عندك انه انتى اللى تحتاجى تغيير و ثقة بالتفس و قدرة على اتخاذ القرار
واللى اشوفه ان تكونى فعلا شجاعة و تنفذي الحل المناسب لك و تتركى الرجل بحال سبيله
فيه غيرك تقبل به وبعيوبه << وهذا اللى مانعك من الطلاق