ماشالله عالبركه،،بس قبل تستعملين جوالك وديه لمحل جوالات وتاكدي انو مافيه برامج تجسس او انتي فرمتيه قبل تستعملينه..الاحتياط واجب

أرواح وش المانع تصيغي له مثل هالكلام خليه يعرف أن تهربك منه لاحساسك بالخوف والبكاء وليس لمعاقبته..على فكرة كثير من الناس حوالينا رجال ونساء ما يؤمنوا بالتعب النفسي يظنوه دلع وتغلي بالذات إذا ما كان الشخص واعي ومثقف للي يصير للشخص اللي أمامه والمتعرض لأزمة ترتب عليها تعب نفسي أشوف مافي مانع من التوضيح بصورة أكبر للوضع خصوصا لما اللي حوله يقولوا صار الصلح ليش ما رجعت وووو ..فهو لما يكون على بينة بحالك والصورة واضحة قدامه ما راح يتأثر بكلام الناس من حوله..لكن لو مو واعي لوضعك النفسي طبيعي بيتأثر بالشوشرة من حوله ويزعل منك.

__________________
سبحان الله وبحمده..سبحان الله العظيم

اهلا ارواح .. الله يسعدك يارب

أحيانا لما ما احب اواجه زوجي واشيل هم المواجهه افكر باشياء تساعدني وتسهل علي المواجهه
مثلا ناخذ لفة بالسيارة ..
لما يكون عندي موضوع صعب اتناقش فيه معه اطلب منه ناخذ لفة بالسيارة ..
يكون هو عيونه ع الشارع وتركيزه ع الشارع .. فآخذ راحتي بالكلام لانه مايطالعني بعيونه ..
المواجهه تخف عني بشكل كبير لو كان يطالع هو شيء ثاني ..
بالاضافة الى اني اكون مغطية وجهي .. هالشيء يمنعه انه يشوف انفعالاتي اذا انا خايفة او ببكي او اي سبب ما ابغاه يشوفه علي ..
اذا انتي منقبة بيسهل عليك الموضوع

بيكون اسهل جدا جدا من انك تكونين معاه بمكان واحد وانتوا متواجهين وهدوء ..

لانه هالفترة من كلامك صعب عليك تتواجهون ولاتبغينه يشوف انفعالاتك .. جربي طريقتي .:
خذوا كوفي بالطريق وخلي اولادك معاك بالمقعد الخلفي ..
وسولفي معاه

وان شاءالله ترتاحين بالسوالف معاه شوي شوي

__________________
سبحان الله وبحمده ، سبحان الله العظيم

طالما واثقة من نفسها
فماله داعي

جزاك الله خيرا اختي زهره
استعملته وبظل استعمله ولا كأني ادري بشي
والحمدلله ماعندي شي
وعشان يتأكد ويرتاح

مدري كيف
بس هو رايح اليوم الدكتوره على كلامه
فمادري يتكلم جد ولا لا
واذا ماراح لها
او حتى رجع يلومني
بحاول اقوله
مع اني متأكده اني مابقدر اقوله

طريقتك حلوه
ان شاء الله افكر
او اخليها بكره
بعرض عليه يوديني عند الطبيبه
مدري مشوشه كثير
جزاك الله خير يا اختي

تقدرين تقولين لابوك و اخوك لا يضغط عليك بالكلام لانك متاثرة باللي صار و اذا طلعتي معه لا يضغط عليك تتكلمين معه باللي يبي.
خليهم يوضحون له هذا الشيء .
وان يصبر عليك

الحمد لله
أنا كنت أقرأ موضوع طلاقك
ضاق خلقي ودمعت عيني
لما سجلت دخول بواسيك
ضاع الموضوع وحصلت خبر رجعتك له
الحمد لله ألف
الله يصلح أحوالكم ويديم عليكم السعادة والهناء

ان شاء الله بكلمهم
مع اني ادري مارح يسمع كلامهم
واليوم قال لي
ان امه وخواته بيجون
واحتمال مو اكيد هو بيجي
قاعد يضغط علي من كل ناحية