قريت التطورات كلها , لاتفكرين أبد إن الطلاق هو الحل ..
خوذي عبرة من قصتي .. أنا كانت عندي شغالة , تمشكلنا عندها , ورحت لأهلي , وطلقني وعمر زواجي خمس سنوات (قريب من عمر زواجكم . وعندي بنت ) الحين هو متزوج ومبسوط الله يسعده , وأنا جاني وقت ندمت ندم مايعلمه إلا الله , ولازلت وحدي من حوالي خمس سنوات إلا أشهر , أختي انتبهي تراك خسرانة تراك خسرانة تراك خسرانة بالطلاق , أقولها لك من قلب سوي أي شي عشان ترجعون لبعض , لاتسوين سواتي , ترى مع الطلاق بيتبين لك شكثر كنتي غلطانة , وبتقولين وقتها بلا كرامة بلا هم , بتشوفين شمعنى الذل بدون زوج , لاتقولين عندي أهلي يعزوني , أنا عندي أبوي وإخواني ووظيفتي, حتى أخواني كلهم أصغر مني وماتزوجوا , وشفت ذل , أعيد وأزيد عليك ترى الطلاق ماهو حل ماهو حل ماهو حل , نار زوجك ولاجنة أهلك , قلتها وماودي تقولينها , ارجعي لبيتك بأقرب وقت وصلحي أمورك بالكلام الزين والصفح والعفو وانسي الموضوع . هذولا الرجاجيل لازم نتحملهم ونضغط على أنفسنا عشان نعيش بسلام ..طيعيني لاتندمين بكرة .. بقول لك شي , حنا مجتمعنا معطي الرجل صلاحية بكل شي , يغلط وناقل عيبه وماأعرف إيش , فبناء على هالثقافة لاتعتقدين إنه بيحط نفسه غلطان أو حتى يعتذر , وزي ماقلت لك الطلاق أنتي الخسرانة , الله يعيد المياه لمجاريها ويبعد عنكم كيد الشيطان وشر أنفسكم (آمين) |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|