شخصيتج شمالية ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

تسمحوا لي افضفض شوي
كنت جالسه ارتب غرفتي
ولمافتحت درج الشموع
تذكرت موقف يقهر
برمضان كان زوجي منسدح بالغرفة
وانا بالصاله انظف واشعلت شمعه
عشان احطها بالفواحة واعطر البيت
فجأة انفجرت الولاعة وانتشرت النار
احترق طرف ملابسي
بس شعري الحمدلله كنت رافعته
وقتها جلس اصرخ اصرخ
واناديه وبنتي تبكي
مارد علي وطرت جبت فوطه
وطفيت النار اللي اثرها بقى عالطاوله
بعد ساعه قام يتقهوى
سألته سمعتني اناديك؟
قال ايه بس دايخ مالي خلق اقوم!
قلت له اللي صار
قال ببرود: يلا بسيطه ماصار لكم شي!!
سكت ونسيت
الحين اتذكر بقهر
كيف استمريت معه وهو بدون احساس
كل شي حولي كان يقول ماعنده نخوه
وعديم احساس بالمسؤوليه

هذا غيض من فيض
بس تجي في بالي مواقف شنيعه
كنت اعديها والحين احتقر نفسي لاني عديتها

كل مازادت الايام يزيد كرهي له
ويطيح من عيني اكثر واكثر
واكثر سؤال اردده: كيف انجبت منه؟!!!
مدري كأني كنت بغيبوبه
والحين فقت منها
وانتبهت للبؤس اللي كنت عايشته معه
حتى نفسي وحياتي ما أمن عليها بوجوده
انا مستخسره عمري وجهدي اللي ضاع
مستخسره عليه هالطفلين اللي زي الورد
ومقهورة اني كنت سلبيه كثير كثير

ماكنتِ سلبية.. كنتِ رااااقية
لم تريدي أن تشعلي الفوضى، وكنتِ تسعين لأن يسير المركب بسلام.
كثير من التصرفات التي نمارسها سابقاً ثم نستحضرها ونحاكمها لاحقاً، هي في تلك الظروف لم يكن التعامل الأمثل معها إلا كما كان، لكن حالياً بعد أن يتفحص المرء ذلك الشريط وهو الآن بموقف نفسي مغاير يتمنى لو كان رد فعله بتلك الصيغة.
المهم الحمدلله على سلامتك، وربي معاك، ولا تقنطي من رحمته ولا من حكمته.

__________________
ياصبحِ لاتِقبل !!
عط الليل من وقتك..

نحن النسوان لما نكون مقهورين ما نسترجع الا السيئ.. ويسود الرجل بعيوننا.. بس لما يجي يعتذر بسرعة يصفى القلب وننسى.. بكره لما تتصلحوا وتتصافو ان شاء الله، راح تندمي غلى الي كتبتيه ولاراح تقدري تقريه..


ايش اخرتها شو المستجدات؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اشكرك اخي neat man
ردودك دائما مريحة بارك الله فيك


حبيبتي مسك الليل معك حق
المواقف السيئة تستحضرني على ادنى شي
مو لاني زعلانه منه وبس
لكن لانها كانت متسارعه ورا بعض
لي حوالي 6 شهور ماعشت يومين حلوين
فمافي اي موقف ايجابي قريب ببالي
بينما المواقف السلبيه متراكمه زي الجبل
والحين ألوم نفسي كثير
ماكنت اخذ موقف
كنت دايما اطنش
تصرفي هذا كان يعطيه رساله ان مافي شي
وان سلوكه كان عادي ومقبول الخ

دائما لازم تحكمي على علاقتك مع زوجك أيام الصفاء.. يعني.. كيف تكون مشاعرك نحوه لما بيكون زين معاك و رايقين... اذا كنتي في هذه اللحظات تشعري بالسعادة وبعض الحب او الارتياح لزوجك.. معناتها الحب موجود وااحياة حلوة تتخللها بعض المنغصات..


انا مثلا.. كنت في أوج أيامنا "الحلوة" لا أجد في قلبي لا حب ولا حتى تقبل لزوجي.. تمكن من قلبي الحقد عليه حتى صرت في أحلى اللحظات في قلبي الحسرة وحلم كبير كيف افتك من هذا الانسان.. فالطلاق جاء بكل قناعة وب 0% ندم مع اني كنت عايشة بمستوى عالي والحين بمشي حالي بس والله ان سعادتي بالبعد عنه تكفيني باقي العمر...

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

مرحباً أختي

حسب تخيلي والله أعلم

حاس إنك تعبانه

ربما لما كنتِ معاه برضه تعبانه

بس الآن بدونه تعبانه أكثر


الله يصلح فيما بينكما ويوفقكم ويسعدكم

أسأل الله أن يجمع بينكم في خير و صلاح

انا لو احبه سامحته وكلمته ورجعت البيت
كنت دايما اعمل كذا زمان

انا مقهوره من نفسي واحس اني غبية
وداخلي جروح ومواقف واهانات بشعه
ودي اتخلص منها عشان اكمل طريقي
بس كل ماجت على بالي احس اني مكتومه
وهذا اكثر شي تاعبني هالفترة

بالنسبة لابو العيال.. كارهته بكل جوارحي
على قد الألم اللي سببه لي
واحمدربي الف مره اني مو في بيته
لاني لو عنده ماراح اقدر اعطيه حقوقه كزوج
فهذي رحمة من ربي

شكرا لكم

الحمدلله ما عليك ملامه طالما هو اللي وصلك بيت اهلك
والحمدلله ما عليك ملامه طالما ما غلطتي عليه او سبيتيه

وحطي ببالك ان كل ما حصل لك خير
حتى كرهك له خير ..

يمكن ربي اوقع بقلبك كراهيه لحتى تكون فترة بعد بينكم وحتي ماتتعبين نفسيا من البعد
وهو حتى يراجع نفسه ويراجع اغلاطه
ويعرف ان اللي معه بالبيت مو عبده له
يعرف ان لكل انسان طاقه .. وزي مايقول المثل اذا كان حبيبك عسل لا تاكله كله
مو معناته زوجتك معناها تستعبدها وتحقرها وتنزل من قدرها وتقلل من شأنها وامكانتها
المفترض يفتخر بامكاناتها وشخصيتها

ايش صار بخصوص اوراقك واغراضك ؟