قوه اختي صابره شخبارج عساج بخير؟
انا معاج بلي تقولين وصدقيني نفس ظروفج انا قاعده اعيشها احس احنا دخلنا نفق موقادرين نطلع منه مااقول غير حسبي الله على كل معدد مايصدق بكلامه ولايخاف الله بزوجاته مدري التعاسه الي قاعدين نعيشها هي ضريبة إنا اخذنا معدد!!!!!!!!!

هلا حبيبة قلبي اشلونج انتي
لا ياروحي لاهي ضريبة ولا شى ولا سوينا اثم ولا ارتكبنا غلط
الي سويناه حلله ربي وباحه للرجل والمراة
مشكلة بعض الاخوات يعتقدون ان احنا نهاجم الزوجة الاولى وان كان كان فيها عيوب قبل لا زوجها يتزوج عليها..وانا لم اقل شى من هذا
صحيح قد يتزوج الرجل لاسباب منها مرض الزوجة عدم اهتمامها بنفسها
اساب واجد وهناك ايضا من يتزوج بدون سبب لمجرد ان نفسه تشتهي اكثر من امراة
الزوجة الثانية قد تكون شريرة وتقد تخرب عليه حياته وقد تكون طيبة هنا معدن االانسان يبان
وانا اقصد بالشر انها تسود قلب زوجها على الاولى او تحقد او تكن لها السوء وتكيد لها
وفي نفس الوقت اقول ان الزوجة الثانية ليست محطة للراحة واستراحة للكيف والمزاج
بعض الرجال يعتقدون للاسف ان الثانية تزوجها لاجل بس تكيفه وتمشي على هواه ويعتقد انها لابد ان تصبر وتضحي وتسكت وتاكل الله يكرمك تراب وتسكت
ليش ماهي بشر الثانية؟ هل اي زوجة ثانية قبلت الزواج من معدد عشان بس تصبر ولا تفتح فمها بكلمة
الزوجة الثانية حقها لا يقل عن الاولى بنص درجة
لابد الاثنين تكون لهم مكانة وحدة وعدل واحد بكل شى بالمبيت والملبس والسكن وكل شى
في يوم يسمونه يوم البعث
وفي مقابلة مع ملك الملوك تذكر ايها الرجل الي تتزوج بس عشان تستتمتع على حساب حريم تكسر قلبوهم تذكر وقفته يوم العرض عليه وش تبي تقوله
حياتي كويتية انا دخلت عشان بس ارد عليك لاني كنت متابعة من الجوال
نتكلم بكره ان شاء الله ونكمل
تحياتي لك حبيبتي

__________________

هل كان الاتفاق من البداية على النقاط اللي انت ذكرتيها؟؟
لا تقولين هو وعدني.. الوعود المؤجله مو مثل القرارات النفذة..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

أثاري المعارك هنا حاميه وأنا مادريت إلا الحين بصراحه لي فتره وأنا أقرأعنوان الموضوع ومافتحته على بالي مخصص للمعددين وقلت وش لي به الحين الرجال المعددين كل واحد يصدح بأرائه وحلوله ونصائحه فقلت هاذاموضوع مجرد أسئله للمعددين الرجال مالي دخل فيها بس ذبحني الفضول وفتحته وقرأت كل الردود بكل الصفحات حتى آخر صفحه وأنذهلت صراحه ماشفت ولامعدد
رد مره ليش ماأدري عجيبه مايدخلون إلا إذا الواحد عنده مشكله بين زوجاته بيحلها
أو يتشاور ويجيب أعذار زوجتي الأوله بارده ماعندها إحساس ماعندها إهتمام لسانها طويل معيشتني بنكد معاد قدرت أصبر عليها طبعا ردود الحريم أصبر عليها أحتويها الحرمه مسكينه وإنسانه ضعيفه
لاتجرحها يمكن فيه شئ مضايقها حاول تتفاهم معاها وتعرف ليش تعاملك كذاولو قسواالحريم عليهاشويه قالوا أهجرها طنشها حتى تحس فيك ويكتفون بكذا وطبعا يجي العنصر الرجالي يرد فارد عضلاته تزوج عليها كسر راسها أقهرها خلها تتعدل وتعدل نفسهاوتسمع كلامك يارجال الشرع حلل أربع. عادبعض الرجال يجلس يحك راسه ا لزوجه الثانيه والله فكره حلوه يالله بعد مافقع مرارة الأولى قام يدور له وحده ثانيه يبغى يلعوزها معاه وماهمه شئ أهم شئ يبسط نفسه ويسعدها ويجي عند الأولى فلانه أحسن منك سوت لي وفعلت معها أحس براحه نفسيه وأحس إني عايش بحلم عندها فهنا الأولى تموت قهر وغيظ وحسره من كلامه وتبتدي التعديلات وتشغيل كل الإمكانات لذجذبه لها وحضرته يروح لزوجته الثانيه ويقول لها أنت ماتفهميني ولاعمرك رايحه تفهمي آه آه أم فلان وبس الوحيده إللي تفهمني وتحس فيه ونتوافق أنا وياها في كل شئ وأحس إن كل يخطرفي بالي يخطر في بالها تسوي الشئ قبل لا أطلبه منها وهنا تتحطم نفسية الزوجه الثانيه وتبدأ تحس بأن وجودها أنتهى في حياة هذا الزوج وإنه بمقارنته لهابزوجته الأولى كسر شئ بداخلها وتحس من كلام زوجها كأنه يقول لها خلاص أنا لم أعد بحاجتك الآن زوجتي موفره لي كل شئ فهاذي الطريقه كثير من الأزواج المعددين يستخدموها على بالهم بتخدم مصالحهم عند زوجاتهم وأنا سمعت مره لزوجة معدد هي زوجه ثانيه موظفه مديرة مدرسه وزوجته الأولى كانت معلمه في نفس المدرسه إللي مديرتها زوجته الثانيه وكان يقضي يوم عند هاذي ويوم عند هاذي وكان لوراح عند زوجته الأولى يقول لها والله فلانه هاذا الشهرماقصرت معي أعطتني نصف راتبها ساعدتني فيه تقوم هيه تعطيه الصرافه كلها وتقوله خذ يابعد عمري هي مي بأحسن مني أسحب الراتب كله وخذه كله لك هو وش يسوي يروح لزوجته الثانيه ويقول فلانه ماعرفت محبتها لي إلا اليوم تصوري شوفي أعطتني صرافتها وقالت خذ راتبي وسددفيه ديونك كلها الله يجزاها خير زوجه وفيه قالت زوجته الثانيه وأنا وين رحت حالفه عليك إلا تاخذ صرافتي وتاخذ راتبي كله أنت زوجي وأبو عيالي لو ماوقفت معك مع مين أوقف غيرك رد عليها ماكنت أتوقع إنك أكرم منها طبعا هذا الزوج هدفه مادي وجلس يضحك عليهم بأسلوبه هذا وبصراحه أنا الحين مشغوله كثير ولي رجعه للموضوع إن شاءالله تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

هههههههههههههههههههههههههه


الله يسعدك يا بنت الحكمي و الله ضحكت الله لا يبلانا بس

صابرة هل تؤمنين بالمثل اللي يقول ( ما الحب إلا للحبيب الأولِ )

الصراحة كلما جلست مع زوجة ثانية نكرته تتوقعي ليش !!

ما أدري وش السبب نفسي أفهم


أحلاهم سلمت يمناكِ

__________________
ليتني طفلة أكبر همي لعبتي

مت ضحك على المعلمة والمديرة..

بس ما اتوقع الزوج ينجح بالأسلوب هذا.. أنا وحدة من الناس الله لايقولها لو زوجي تزوج علي مستحيل استمر بعطائي وحبي له مثل الحين..
بالعكس اتصور اني ماعاد اعطيه وجه.. أبداً.

لانه مافي اقوى على الوحدة من خبر زواج زوجها عليها.. أمر كاس ذاقته!!
وش في امر من كذا؟؟

ماشاء الله لا وبعد أعطيه راتبي والله يحلم عنه يحبها أكثر.. ما همني..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

اشكر كل من ساهم بالرد على موضوع
اخى المعدد
لم نقصد من الطرح التجريح فى احد ولكن لكى نستفيد من تجارب الاخرين
ارجو من كل اخت ان تفكر الف مره قبل ان توافق على الزواج من معدد
ماتصدقوش اسطوانات الرجال
وياريت ماتوافقوش

تبين الصدق يا احلاهم والله ماعاد لي خلق أتكلم لا عن معدد ولا غيره
كلن يغوم بحره كما يشاء
وضحت لك فكرتي بس الطاهر انك تتجاهلين فهمي لأني متأكدة انك فاهمة وش أقصد
انتي تدافعين عن الزوجة الأولى وكان وكان نساء العالم انتي
وجداوية تهجم بحقد ع الثانية كأنها عاشت التجربة!
جداوية ابقولك شيء أولا أتقي الله في نفسك وفي هجومك ع الناس
اتلقى لم اتلق ارى لك رد في موضوع التعدد إلا وأنتي تهجمين ع الثانية بعنف وشبلاك؟
انتي عكس احلاهم تماما \ احلاهم لم تهاجم الثانية هي تهاجم سوء تصرف المعدد `وهذا لي شدني للنقاش معها
ثاني شيء ياجداوية : لي ماله خير بزوجته الأولى ماله خير بالثانية
وأي امرأة عاقلة ماتفرح لزوج يستكي من أول شريكة له بالحياة وام لأول فرحه له بالدنيا
~ مسألة إلي تنازلت بالأول يا احلاهم المفروض تكمل للنهاية وتسكت ~ عن نفسي ماقولك تنازلت ممكن تقولي تماشيت مع الظروف لوقت معين
ولن يكون هناك تنازل للأبد ، كنت أتوقع ان المرأة المصحية يكون لها جزاء من زوجها أولا ومن الناس
لكن الظاهر اننا عايشن بزمن يتطلب المرأة إلي تطالب بكل حقوقها وكنا بمحكة
احلاهم هل مافي زوجة أولى تدفع زوجها انه يتزوج عليها ؟ هل كل زوجة أولى مافيها أي نقص ولا قصور؟
مستحيل أعمم ومستحيل يكون كل الرجال ماتزوجوا ع زوجاتهم بدون سبب كما ان هناك تزوج بدون سبب
ولكن لن أعمم في الحالين \ ومثل ما أعمم ان مو كل زوجة ثانية مظلومة ولا ملاك ولا كل زوجة ثانية ماتعاني وتتعذب
وأنا لازلت أوافقك الرأي با احلاهم بغض النظر عن الأولى والثانية ان الرجل هو من يتحمل المسؤلية كاملة في تهذيب نفسيات زوجاته
تبين رأي يا ياحلاهم أنا عن نفسي شعوري اتجاه ضرتي والله لا أكرهها ولا أحبها
بس. والذي نفسي بيده لن أرضى عليها الظلم مثل ما لا أرضاه ع نفسي وأكن لها كل الاحترام لأنها أم لاطفال زوجي
وأطفاله قد يكونون اخوان لاطفالي ،،فهنا أصبحنا أسرة واحدة ولا داعي للحقد والكراهية والبعض
وأرجع أكررها ان الزوج هو من يقود حريمه للحب والمودة بينهم أو الحقد للأبد . تحياتي

__________________

الله يسلمك ياجداويه أنت وأحلاهم وبقول لأحلاهم ياإختي ذولى المديره والمعلمه يحبونه وكل وحده تبغى تظهر حبهاله وكمان كل وحده تبغاه يحبها أكثر عن الثانيه وفي نفس الوقت الصراحه مافيه أحسن منها الزوجه الأولى أو الثانيه كلهم في صراع أكون أولا أكون أعيش أولاأعيش إذا كانوا تحت سلطة رجل ظالم لايعرف الحق والعدل بين زوجاته أنا أوصف حالتين وأعرفهم زين فيه شخص تزوج على أم عياله وهي عندها عشره عيال وتخلى عنهالدرجة حتى مصروف مايصرف عليهم لاهي ولاعيالها أضطرت تصير بياعه عطور وبخور وملابس بين الحريم علشان تعيش عيالها وتصرف عليهم وأكبر عيالها بنات في الجامعه عندها ثلاث بنات شوفي سبحان الله الإبتلاءكيف بناتها وحده تزوجت وجابت ثلاثه عيال وصار على زوجهاحادث ومات وماكان عنده وظيفه باقي يراجع في وظيفته كان مفصول وأثناء ذهابه للمراجعه صار عليه الحادث ومات الله يرحمه البنت أخذت عيالها وعاشت عند أمها تصوري عشره وأمهم وعيال بنتها صار عددهم أربعة عشر فرد وثاني وحده من بناتها تزوجت وراحت هي وزوجها عمره في شهر العسل وصار عليهم حادث والبنت جاها كسر في ظهرهامن الحادث فصارت مقعده زوجها تخلى عنها وتركها عند أمها وتزوج غيرها وهذا دليل إن الرجل يبغى الحرمه قويه المهم أخذتها أمها وجلست تعالج فيها حتى إبتدأت تتحسن حالتها من مرضها الجسماني ومرضها النفسي بسبب طلاقها من زوجها وتخليه عنها في أحلك الظروف وجا الدور على البنت الثالثه
بنت ماشاء الله أخلاق وجمال وتفوق في تعليمها كانت تدرس بالجامعه مالها إلا سنه سبحان الله فجأه صار عندها مثل المس والعين وتركت الدراسه وجلست بالبيت مريضه ما تقبلت أحد مره ودوها عند شيخ ودوهامستشفيات مانفع معها شئ صارت مثل المجنونه طبعا أكبر ولد عندها من الذكور بالثانوي باقي يدرس وجلست تكد وتكافح هل الأم وزوجها تزوج وحده بعمر بناته ونساها وصاروا الناس لجابوا طاري عياله يقول خلاص عيالى كبروا ماهم بحاجتي كل واحد يدبر نفسه زوجته مسكينه الأوله أحصلها دائما أقولها إطلبيه للمحاكم وجرجريه خليه يستحي على وجه ويعطيك حقوقك قالت لي بالحرف الواحد خليه نتحاسب أنا وياه عند قاضي الأرض والسماء إن الله معي وماراح يضيع تعبي وصبري أنا وعيالي والحين الحمدالله عيالها أخذوا الثانوي وتوظفوا حصلوا وظائف حلوه وأشوفها دايم والشهاده لله إن ذكر الله مايفارق لسانها من تسبيح وإستغفاروأنا وجارتي كلنا نرتاح لها نفسيا الله يوفقها في حياتها في هاذي الحاله الزوجه الأولى ظلمت وذاقت الظلم وشربت مرارته وبالنسبه للحاله الثانيه أعرفها وقريب مني صاحبها متزوج وعنده ماشاء الله سته أولاد وأربع بنات عشرته مع زوجته تقارب خمسه وعشرون سنه فجأه قرر الزواج على زوجته نحاول معه يمين يسار قال مافيه بتزوج يعني أتزوج حتى لوهيه شغاله مالكم شغل فيه ياخوي أستهدي بالله زوجتك أم عيالك وش فيها قال مافيها شئ بس أنا بتزوج
أثاريه الرجل عينه على وحده من الجماعه مطلقه وحاولنا نثنيه ماقدرنا حتى زوجته آخر شئ راحت معه الخطوبه والملكه وختمتها بليلة العرس المهم بعدماتزوج جابها البيت عندعياله بيتهم دور وخصص لها غرفه ودورة مياه لحالها وأنتم بكرامه علا أساس كان يشطب الدور الثاني لزوجته الثانيه طبعا الرجل ظروفه الماديه تعبت شوي وإنضغط مع العرس وماقدر يكمل البيت لها طبعا تزوج العطله إللي فاتت والله إن عيد رمضان ماعيدت عنده كانت عند أهلها
زعلانه أهلكوها بشغل البيت هي وحده وبيقسموا شغل البيت يوم هاذي ويوم هاذي هاذا غير كلام عياله إللي تحصله منهم وقلة أدبهم عليها ومحنتها يوم يكون دورها في المبيت عياله لو تضاربوا جلسوا عند باب غرفتها يصايحوا على أبوهم يبونه يطلع كل شوي يفك بينهم من خلى السوالف اللي تجيهامن كل صوب طيب هي زوجه لحالها كيف تخدم عائله كبيره تغسل وتمسح وتطبخ لهم أصلا حتى لوجاب شغاله بتهرب من قرقة عياله اليوم الثاني مسكينه إطفشت وطلعت عند أهلها بعد واسطات جاب لهم ناس كبار بينهم وتروح معه البيت بشرط يخلص بيتها ويجهزه بأسرع وقت
وروحت معه البيت ورجعوا يعاملوها نفس المعامله الأوله وأردى البنت طفشت وجاها إكتئاب وكرهت زوجها وراحت لأهلها قبل عيد الأضحي وللحين
ماردت لزوجها وطالبه الطلاق أنا صراحه أعرف البنت طيبه ودينه وما ترضى بالظلم وكانت سمن على عسل مع زوجته الأولى لاكن الزوج هو سبب كل شئ مرو فيه زوجاته زوجته الأولى ماخلقت غيرتها على زوجها إلاعقب ماتزوج وخطبتها بنفسها له هي الأوله وأنا أتصلت عليها أقسم بالله بنفسي هاه فلانه أنت موافقه زوجك ياخذ فلانه قالت وبكل فخر وإعتزازأنا ماعندي قلب واحد عندي قلبين قلت أحلا يأم قلبين والله ماغير قصه عليك الثعلب إللي جنبك أنا بصراحه ماعاد تدخلت دعيت لهم بالتوفيق وأوصيتهم بالبنت أولا البنت مطلقه وتعذبت مع طليقها واجد وتبغى الإستقرار والإحساس بلأمان والعدل بين زوجاته ولاكن الحال إنقلب على المسكينه الثانيه والسبب الزوج الغير مبالي بمسؤلياته في حق زوجاته أنا هنا أتفق أنا معكم بأن بعض الأزواج ظالمين وهناك بعض من الزوجات سوى أولى أو ثانيه قد تعينه على الظلم والضرر بالزوجة الأخرى على حسب أخلاقها وتدينها هناك نساء يخافون الله ويخشون الظلم وهناك نساء لاهم لها سوى الحقد والغيره والإنتقام من الطرف الآخر بأي وسيله كانت طبعا الرجل إذا كان رجل فعلا يجب عليه عدم الإصغاء إلى أي واحده من زوجاته والزوج العاقل الذكي يجب عليه إنه لوقالت له واحده من زوجاته أي شئ أوكلام يمس زوجته الأخرى يجب عليه الحرص أن لايخرج ولايصل إلى زوجته الأخرى مع التنبيه لها والتحذيرمن تكرير ذلك الفعل وبكذايكون سد عليه باب لوأنفتح لدمرت حياته وحياة زوجاته بالكامل أما بالنسبه لماذا الواحده تاخذ معدد فالرسول عليه السلام ماقال لو ماجاكم معدد زوجوه قال عليه الصلاة والسلام إذا جائكم من ترضون دينه وخلقه فزوجوه وإيش فيهالوأخذت معدد هاذي تبغى الستر وتبغى لها عيال يشيلوهاويهتموافيها وقت ضعفها وكبر سنها ترفض المعدد وتنتظر حتى يفوتها القطار وبعد موت أمهاوأبوها تجلس خدامه لحريم إخوانها ولوشافوها عجزت أقرب دار مسنين وهي حصلت لهافرصه وتركتها في سبيل إنها ماتبغى تجرح إنسانه زوجات النبي عليه الصلاة والسلام تزوجوه ما أحد منهم قالت ما أبغى أخرب بيت إللي قبلي وبعدين يا أخواتي هم بشر مثلنا لهم نفس أحاسيسنا ومشاعرنا ليش نلقي الآئمه عليهم من حقها تفرح وتتزوج وتجيب عيال تراهم أخواتنا في الله الحين الواحده ماتترك زوجها وتهاجر عند أهلها
إلا من ظلم وقع عليها وتحس بمراره في نفسها وتتمنى إنهاما أقدمت على مثل هاذي الخطوه وأخذت معدد والسبب ورأس البلاء كله من الشنب الأبضاي إللي مسوي نفسه الحج متولي والزوجه سوى الأولى أو الثانيه لوقدمت تنازلات تلاقي زوجها يستغلها أسوأ إستغلال وبدل مايرفعها يذلها بزياده .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

معلش لو في أخطاء أملائية
الكتابة من الجوال مزعجة
عموما مابي أحدكن تزعل مني احنا هنا خوات في الله
ونحب بعض في الله
تحملوني إذا أخطيت فهو مني (تصبحون ع خير حبايبي)

__________________