خخخخخخخ
دا مساج او مشرحة

__________________

صادق و شفاف

__________________

احكي روح
كلما نسمعك

😂😂😂😂 هجور عجبني الكلام اللي بالصورة

ونشكر الزوج الكريم على الشفافية

__________________

حاجة الناس إليكم من نعم الله عليكم ، فـ لا تملوا النِعم ☁✨

صباح الخير يا عسولات 😚😚😚😚

كيفكن صبايا وحدة وحدة
ان شاءالله الكل بخير

قلت لفوت عالسريع صبح عليكن شوي مشغولة هاليومين
والله اشتقت للحكي معكن 🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مساء الرضا والسعادة يا حلوات.


الله يبارك في أيامكن جميعاً.

__________________


اللهم طِيبَ الأثر .. وحُسْنَ الرحيل.

ابغى احكي عن شي ..

انا خلاص من استشارتي لمبتعثة و الاخ مثابر ..
الله يجزاهم خير ..

صارت عندي قناعة اني ابتعد نهائي عن اهل زوجي ..
و لانه صارت احداث بعدين .. بينت لي ( نيتهم و كرههم لي بسبب محبة زوجي لي و ما راح يتغيروا )
و مو بس كذا .. يتمنوا فرصة للشماتة و يتمنوا فرصة عشان يفرضوا سيطرتهم عالاولاد و تحريض زوجي علي و عالاولاد
و يتدخلوا براتبي و راتب زوجي و احداث قرفتني الصراحة .. و انا قررت تكون علاقتي رسمية بهم ( للأبد )
حتى اخت زوجي الي كنت احسبها احسن وحدة فيهم .. طلعت اكثر وحدة فيهم منافقة و هي اصغر وحدة فيهم
و تحسين علاقتها بيا .. عشانها تدرس بالجامعة .. مقر عملي .. و مو من صالحها تخسرني ..

.
.

طيب شوفوا معايا السلسلة هذه ..

- لما ابعد عن اهل زوجي .. و تكون علاقتي معاهم رسمية ..
انا ارتاح .. و اولادي افضل لهم .. لانه اولادي مو مستفيدين شي من اهل ابوهم ..
مع اني ما امنع اولادي انهم يروحوا لأهل ابوهم ..

- لكن لما ابعد انا .. الاحظ انه زوجي من وحده يبعد عنهم ..
و ما يروح لهم بالأسابيع .. و تبدأ امه تغضب عليه و ابوه كمان ..
و يبعدوا حالهم عنه .. و يعملوا نفسهم زعلانين ..

- انا برضو ما ابغى زوجي يغضب ربنا ..
بس جربت كم مرة و كثيييير .. لما أتدخل و نصح زوجي انه يزور اهله و يواصلهم ..
و يرضي امه وووو الخ ..

يبدأ يقلب علي .. و اهله يتدخلوا في كل شي ..
و امه تبدأ تزعجني و تحط عينها على راتبي .. و تضايقني بحركاتها ..
و يخنقوني ..


ابغاه يبر بأمه و ابوه ..
لكن مالهم دخل فيا ..

كفاية اني اطلب منه يواصلهم ..

.
.

انا بنفسي لاحظت عليه ما يزور اهله من فترة ..
مع انه مالي علاقة ابدا

قلت له اليوم روح بيت اهلك و خذ الاولاد معاك و كم مرة قلت له
قالي ما ابغى اروح و تحجج انه مريض ..

سألته زعلان من احد !؟ و لا زعلت احد !؟
و انا بداخلي عارفة انه امه زعلانة منه .. عرفت لوحدي ..

قالي ( لا ) مافي شي بس كذا مابغى اروح ..

.
.

مرة من المرات اصريت اعرف ليش ما يروح يزور ابوه !؟
عرفت بعدين انه اخد ولدي عندهم .. و جلس ابوه ينتقدوا و انت تجيب ولدك يوسخ بيتنا و ماعرف ايش
و انك تجيب ولدك و تجي تنام ووو الخ ..

يقول يكرهوني في الروحة لهم

مابغى اساله ليش ما يروح و لا ابغى اقول له يراضي امه ..
اول ما تنصلح علاقته معاهم ..

أخواته و اخوانه يتريقوا عليه و انت خروف و طلي عند زوجتك و انت و انت
و يسألوه فين راتبك و اصرف و ادفع و هات راتبك

اخر مرة عصبت و تخاصمت معاه
قلت له أخواتك مالهم دخل في راتبك .. كل وحدة لها حياتها و زوجها يسفرها و يمشيها و يصرف عليها
كل وحدة خليها تقفل فمها و تشوف بيتها و مالها شغل في راتبك .. ماهم أولياء امرك ..
يبغوك يتحكموا في راتبك ..
عشان عارفين عندك زوجة موظفة و بطريقة غير مباشرة ؛ انا الي اتحمل و اصرف بعدين عالبيت

.
.

بس هذه من المواقف الي حصلت و انا خلاص قررت علاقتي بهم تكون رسمية جدا ..
لانه كل شوي يتكلموا عني من ورايا ..


و اخو زوجي يسب زوجته قدامهم .. و يقول عنها بقرة و كل السبات
و هما يكركروا من الضحك .. يبغوا زوجي مثل أخوهم .. يسبني و يمدحهم و يذلني و يهتم فيهم ..
بدل ما يقولوا لاخوهم عيب تتكلم كذا عن زوجتك .. يقوموا يضحكوا و ينبسطوا

ليش معورة راسج يا روح؟!

زوجج رجل كبير عاقل راشد .. فاهم الصح من الغلط وعارف الحلال من الحرام.

مب منتظر حد يفهمه أهمية بر الوالدين .. ولا يذكره إنه لازم يوصلهم دايماً.


فكي عمرج من هالسالفة واتركيه منه لهم.

ما دامج ما تحرضينه يقاطعهم ولا تخربين علاقتهم مع بعض .... فخلاص رايتج بيضا.

__________________


اللهم طِيبَ الأثر .. وحُسْنَ الرحيل.

اخاف و اقول حرام
بعدين ربي يسخط عليه ..

هو مسكين يحاول يبر فيهم
لكن هما ما يعجبهم العجب ..

حتى مرة قلت له مثل ما تطنش امك و ما ترد عليها ..
اكيد تعمل معايا و انا بنت الناس ..

قالي انت ما تعملي مثل ما هي تعمل .. و تزن علي
حتى لو اقولها تعبان .. لازم دحين دحين

مهرة .. هي عشان الفلوس تعمل اي شي
و انا جربتها فعلا الفترة الماضية ..

يعني ما تقدر حالة الشخص و ما تحس بالي قدامها ..
عندها درجة الاحساس معدوم .. و عندها درجة الانانية و الطمع عالية جدا ..

انا مابغى أتدخل ما بينهم ..
كافية شري ..

بس يحسسوه انه انسان عاق ..
و انه اخوه الكبير الي يضرب زوجته و يجبرها تخدم اهله ؛ هو البار و الصالح ..

حاول فترة انه يصير بار بهم ..
بس ما يرضيهم الا انه زوجي ( يذلني ) و ياخد راتبي و يعطيه لهم ..
او يشغل اولاده خدم عندهم ..
و ينقهروا لما يشوفوا اولادي لابسين احسن لَبْس و مدخلتهم احسن مدارس
و ياكلوا احسن اكل .. زوجي زمان كان مثلهم و كان ينقهر لما اصرف على اولادي و يتمنى لنفسه

و هما مو مقصرين على نفسهم
و عندهم و يكنزوا من كثرة البخل ..

و أزواج بناتهم موظفين برواتب عالية
الله يزيدهم

.
.

طيب مهرة ..

انا ما ابغى برضو انه اولادي بيوم يكبروا و يصيروا عاقين بابوهم لا سمح الله
مو يقولوا انه الشي هذا - دين !؟ -

و زوجي صاير يهتم بأولاده و يسعى لراحتهم
يروشهم ماشاءالله و ينيمهم و يخدمهم و ما يبخل عليهم بشي ..

يعني انا كفاية عليا اني احاول احافظ على استمرار رعايته لنا و صرفه عالاولاد و البيت
و تحمله للمسؤولية ..

المفترض اهله يفرحوا و ينبسطوا و يحمدوا ربهم ..
و في الشغل يمدحوه ماشاءالله مرة كثير ..

هو فين كان .. و ايش صار !؟

ايش بيدي اعمل !؟

انا مبردة نفسي و مطنشة ..
بس جربت كل شي .. و خلاص مو بيدي شي اعمله او أقدمه
بالعكس لما انصحه يتقرب منهم و يصلح علاقته بهم ..

يضروني و يسببوا لي مشاكل
بس ابغى التوفيق من ربنا في حياتنا ..