مهرة فيه جرح اوبس كذا يعرج اذا فيه لازم عناية علشان لا تتحول من غير شر غرغرينا

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

سلامة زوجك يا مهرة الله لا يوريه شر يارب..

ياقلبها خبرها..
مهرة مدري ليه حسيته يبغى منك حنية وطبطبه..
وبعدين تعالي هنا...قلبي عورني!
يعني قلبك بدا يدق..دق دق ..دق..
انه ال.....

__________________

مهرة إذا منتظم علي الدواء لا تخافي من زمان ما عدنا شفنا حالات بتر أختفت تماما لله الحمد .
غالبا التهاب في مفصل القدم بعد الاربعين كلنا نكون معرضين له و الي عندهم اصابات قديمة و كسور يحسوا بزيادة

__________________

جاني نفس الاحساس انه بيستعطفها

__________________

ام الدانة
يعلم الله اني ادعي لك وحاسه فيك
بس مو معاكم على طول شوي ارد على احد وشوي انشغل مع اللي عندي هنا
ووعد مني ادعي لك برمضان
مريت باللي تمرين فيه بالاضافة لاجهاضين اوجعوني قوووووة

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ما احسه يستعطفها كثر ماهي هواجيس و وساوس تعيش بداخله
مهره كل مستشفى فيها قسم خاص للعناية باقدام مرضى السكر
لما ارارجع اشوفها واشوف الزحمه عليها
وما فيه احسن من الوقاية
خليه يتابع فيها عشان يرتاح
حتى لو كان يستعطفك انسانيتك تخليك ترحمينه وقلبك يعورك عليه مهما كان
لو هو عدو

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

ريله مب مجروحة يا سديم .. بس هو بين فترة وفترة يعرج .. وغالباً ألاحظها بعد مشوار مثل مشوار المول .. فيه مشي وحركة .. ساعتين أو ثلاث ساعات.

هو فعلاً قال إن موت الأعصاب هو اللي يؤدي للبتر .. بس الظاهر إنه يعتقد إن المسألة مسألة وقت!!

مؤخراً ما صار يمشي حافي غالباً .. بس هالشي صار من حوالي شهرين أو شهرين ونص بس! .. والحجة إن الأرض باردة .. يعني ما ياب طاري ريله والعرج اللي صاير .. مع إن العرج بادي من زمان.

بخصوص العناية والكريمات .. ما ذكرها أبداً .. وأنا بعد أول مرة أعرف منكم إن الريل يبالها عناية خاصة .. بس هو عنده مراجعات دورية كل ثلاث شهور تقريباً عند طبيب السكر .. وكنت دايماً أقول له: على الأقل قول للدكتور إن ريلك تعوّرك وإنك تعرج أحياناً وشوف شو بيقول لك .. وهو إما يقول لي: ماله داعي .. أو يسايرني ويقول لي: إن شاء الله!

أتصور لو قال للدكتور أكيد بيعطيه هالكريمات ويشرح له طريقة العناية .... وهذا ما صار!!


مب فاهمته!

لما انكسرت ريله من كم سنة .. تمت في الجبس فترة طويلة .. وكنا ساكنين مع أمي وغرفتنا فوق .... تخيلن عاد كيف كانت حالته وهو مضطر يطلع وينزل السلم على عكاز .. أو مضطر يطلب مني أو من حد من اخوانه يسوي شغله وأموره اللي هو متعود إنه يسويها بنفسه .. لدرجة إنه مرة بكى من العجز والقهر!

فليش الحين هامل ريله مع إنه فكرة البتر تدور في راسه؟!!!!


على كل حال باكلمه بخصوص اقتراحج يا فانتي .. مع إنه يتابع في مركز محترم .. والمفروض يقولون له عن المضاعفات ويحتاطون لها!!!
.
.
.
عادةً لما يكون تعبان وأسأله يقول: ما في شي .. بس هالمرة اعترف على طول إن ريله تعوره!

مع ذلك ما حسيت إنه يستعطفني .. لأنه أساساً يعرف إني وقت شدته ما أخليه .. وهو جرب هالشي.

__________________


اللهم طِيبَ الأثر .. وحُسْنَ الرحيل.

الله يشفيه يارب شوفي يمكن جرح في اصابع الرجل اوبين الاصابع

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الله يبارك فيك مهره
ولابأس طهور على ابو سلطان الله يتمم عليه العافيه حاولي فيه الالم نعمه ينبهنا إلى لوجود خلل في العضو المصاب ولازم يطمن الانسان على نفسه...

ام الدانه الله يرزقك بالحمل السليم المعافى ويكون ولد صالح مصلح يارب

فانتي الله يوفقك وييسر لك دراستك.

شوك كيف امير اليوم ان شاء الله تحسن؟!

سيلا وهاجر وفتاة كيفكم ياعسلات

__________________
سبحان الله وبحمده..سبحان الله العظيم