مدري ليش بعض الاخوان يكرر ان زميلتها كذابه وانت غلطان انك صدقتها
مع ان الاخ ذكر انه مااعتمد على كلام زميلتها وتأكد بنفسه من صحة الكلام من خلال تسجيل وضعه بنفسه يعني ثبت ان الكلام اللي وصله صحيح |
1- مو كذا يا شيح .. الزميلة قد تكون صادقة والمرأة تستحق الطلاق بلا شك بعد مشوار من التريث والتأكد فلا نبرر فعل الزوجة أبدا لكن جاءها عقاب أكبر من الذنب على كلام الحزين . ولم يكن الدليل كافيا لإدانتها .. حتى وإن كانت قالت أنها تخطط لخلعه ، لكن النقد موجه للطريقة الحزينة التي فعلها الحزين وهذا رأيي وأنا واحد من الناس الذين طلب الحزين أن يعرف ردة فعلهم . 2- الرجل يكون واثق من نفسه عارف لحجمه وقدره ، مو يروح عقله يجاري امرأة وينتقم منها بطلاقها والبصق عليها أمام الناس وهي عندهم زوجته .. فالناس شافوا فعله بمن هي عندهم زوجته ، ولم يسمعوا كلامها فيه . فاللوم موجه لك .. وصدقني فتح على نفسه باب بأن كلامها صحيح . وفعله فيها مؤلم الآن لكن بعدين الناس تعذرها بأن عصمتها كانت في يد واحد مش ولا بد . والناس تقول لو فيه خير ما سوى كذا . أجل وش انطباع الناس عن واحد يطلق زوجته في السوق قدام الناس لأنها أغضبته في شيء مهما كان هذا الشيء .. . يا أخي بكيفه يطلق ولأسباب وجيهة أو حتى إن شاء الله بدون أسباب بكيفه ، مو يصارخ قدام الله وخلقه على ضعيف أخطأ خطأ يمكن تصحيحه بسهولة . ويتفل ويطلق كأنه يقول شوفوني انتصرت على امرتي . . شكله ما قرأ عن زوجة عمر وهي تتكلم عليه ولا اللي جاء يشكي لعمر .. يا شيخ .. تتكلم برفع الصوت على عمر ورفع الصوت يتضمن التقليل منه كذا أو كذا . 3- ثم الآن فيه برامج ودبلجة وقص مقاطع وتركيبها بحسب ذوق المخرج ..وأشياء خطيرة ... الخ .. تخليك تقول ( اكترونيا شيء ما قلته بنفس نغمة صوتك وصورته ) وتمشي على غير الخبير بها . على كلامه أنه تأكد بنفسه عن طريق التنصت لها .. لكن هذا غير كافي إلا إن كان بشكل داااائم طوال فترة زواجه فنعم وهذا لا يجزم به هو ، فبعض الزوجات يتريقن على أزواجهن ويتنقصن منهم وتؤخذ المسألة بدعابة أو بالتغافل فترة من الزمن . فكيف لو صادف التسجيل وقت ما تضحك أو غضب هي وزميلتها لمرة أو مرتين . ثم هو لم يسأل الزوجة ويتأكد بنفسه منها ويواجهها بالتسجيلات كلها . اعتمد على الفيلم الهندي للزميلة وتنصت لايعرف ملابساته . ولم يسألها لأنه يرى أنها ستنكر وتبرر .. أرى مادام الأمر وقع دون أن يتأكد من الزوجة التأكيد الجازم أن يخبر أهلها إذا حصل مناسبة سين جيم .. ويخبرهم بالتسجيل وأن فلانة ( الزميلة ) أعطته إياه .. وخل المستخبي بينهم يطلع ، لأن قطعا فيه شيء ... ومو صحيح كلامها إنها حريصة عليه أبد .. وإن زوجها كذا وكذا .. أصلا زوجها كيف سمح لها تكلم واحد غريب . وحلف الحزين ويمينه وحنا كلنا معه ماهي يمين أبو بكر وعمر .. يروح الواحد منا ويكفر عنها بكيس رز وصلى الله وبارك . قال رسول الله صلى الله عليه وسلم .. ( إنِّي وَاللَّهِ إِنْ شَاءَ اللَّهُ لا أَحْلِفُ عَلَى يَمِينٍ ، فَأَرَى غَيْرَهَا خَيْرًا مِنْهَا , إِلا أَتَيْتُ الَّذِي هُوَ خَيْرٌ ، وَكَفَّرْتُ عَنْ يَمِينِي ، أَوْ إِلا كَفَّرْتُ يَمِينِي ، وَأَتَيْتُ الَّذِي هُوَ خَيْرٌ ) . والخير فيما حصل بعد ما حصل - برأيي- هو كشف الأمور بإبلاغ أهل البنت بكل شيء ومن أعطاه التسجيل وأخبره .. يمكن فيه كلام عند الزوجة يمكن ويمكن فإن كان ما قالته صحيح فحقها وما جاها وانتهى الأمر بالطلاق المهين للأسف .. وإن كان غير صحيح يتدارك الأمر ويعيد زوجته . الله يصلح حال المسلمين . |
اخوي انا بردي السابق قلت للاخ انه غلطان ولو انا منه مااسوي سواته
اما ردي اللي اقتبسته هو رد على الاخوات اللي يقولون يمكن انك ظالمها وزميلتها كذابه وبينت انه ذكر انه تاكد بنفسه من صحت السالفه وبالنسبه لكلامك صحيح انا معك انه بتصرفه اساء لنفسه اكثر |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|