أختي سحابة
كنت أبكي علناً حسيت جو البيت صار اكتئاب،،
وأحفادي يحزّنون يقطعون قلبي وهم جنبي يمسحون دموعي،ويضحكوني لما يتناقشون مع بعضهم عن سبب بكائي،،تعرفين هروج البزران تموت ضحك..
صرت ما أبكي قدام أحد..لكن آثار دموعي واضحة للكل..

لكن زوجي عارف وحاسس إني متألمة حتى النخاع،
لأني رافضة الفراش وهذه ماقد سويتها بعمري كله..وهالشي مدمر نفسيته تماماً.. مقدر أفصّل،لكن أقدر أقول زوجي فاهم حجم ألمي..وأنا والله ما أمثل الرفض لكن حقيقي مو قادرة أتقبله..وإن شاء الله فترة الله يعديها على خير..

وضع الطفل لم يستقر بعد يامهرة

إن شاء الله أبوه واخوانه يلقون له حل دائم .. وبإذن الله يستقر وضعه.

__________________


اللهم طِيبَ الأثر .. وحُسْنَ الرحيل.

الله يريّح بالك

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

بإختصار

أبو زوجي وزوجي وأخته راحوا لأخوها وأخذوا الصغير معهم، ودخلوا عند أم الصغير ،طلبها عمي ترضع الولد ويبقى الولد بحضانتها حتى يصير عمره 7 سنوات، ولها الخيار بعدين تبقيه معها أو تعطيه لأبوه..هي أصرت على العدل،قال لها زوجك طلقك الطلقة الثانية،وإذا يبي يرجعك ترجعين بشروطه مثل ماتزوجتيه بشروطه..لكن الولد حرام ترمينه الله يسألك عنه..وإذا منتِ موافقة تاخذين الولد ترضعينه وترعينه وتربينه تكلمي الحين وحددي موقفك الحين..صار جدال بينها وبين زوجي قدام عمي،،في النهاية وافقت تخلّي الولد عندها..والحمد لله احترمت روحة عمي لها..

هذا الكلام كله خبروني به أبو زوجي وأخته،لأنهم جوني بعدما خرجوا من عندها،،والله عمي متأثر عشاني وقال لي اللي صار انتهى ومانقدر نغير فيه شي.. وإنت يابنيتي جوا العين وفوق الراس أبشري رضوتك عندي..أنا لحظتها بكيت من كل قلبي وقمت سلمت على راسه وحضنته من قلبي كنت محتاجة أب يحس بي،قلت له عمي مابي غير رضاك جيتك عندي والله تاج أحطه على راسي..

قال لي ما أوصيك على ....... والله مو عشانه اولدي لكنه والله هو يحبك وشاريك وشاري رضاك ارضي عنه يابنيتي ..والله يابنتي هو مهموم لاتزيدينه وكلام كثير ونصايح كثيرة خففت عني ألمي..

كان وقتها زوجي برة راح يجيب العشاء،، ومن وقت مارجع هو وأبوه وأخته بشقة الضيوف ماطلع..

تبارك الله
تطورات جميله
الله يزيدك من فضله

الآن جاء الوقت اللي تضعي نفسك أولاً ..اهتمي بنفسك وبجمالك ودللي روحك خلي سعادتك وراحة بالك نمبر ون في حياتك ..وهذا التغيرر مو عشان زوجك لا عشانك انتي بالدرجة الأولى ..

لو تعرفيكم فرحتلك يا ام دان
والله عيوني دمعت وانا اقرا مستجدتاك
جتني حالة اكتئاب من موضوعك
ما قدرت ادخل لموضوعك هذا لانه خفت اتاثر من جديد
الله يفرحك وييهنيك ويرد لك زوجك ردا جميلا

__________________
ربنا هب لنا من ازواجنا وذرياتنا قرة اعين واجعلنا للمتقين اماما

ياقلبي عليك ياميمي امسحي دموعك الغالية الله لا يجعلك تبكين إلا لأفراح تملأ حياتك.

الحمدلله على الوضع الجديد عودي الى زوجك كأنك عروس وحاولي نسيان مافات
اسعدك الله ورزقك الحياة الهادئة السعيدة

__________________
يارب ابدل حزني فرحا وسرورا وابدل مرضي صحة وعافيه ياكريم