مع أني أداوم يوميا ولكن أعتقد جلوس المرأة في البيت جانب اطفالها وتربيتها لأبنائها تربية صالحة وخدمتها لزوجها هو أكبر دور في الحياة..

طيب اشراقة اذا مايعجبك اتحطي مبلغ شهريا وتتقاسموا المسؤولية مالك حل الا المصارحه ..كأني قريت مشكلة مشابهه
قبل ..ان الزوج دائما يمن على زوجته اذا اشترت اشياء كمالية وكذا وجلست معاه وفهمته ان هذا الشيئ يزعجها كثيير
وتقبل الزوج كلامها ولا عاد يسأل عن فلوسها وفي ايش تصرفهم ..

أول سنه من عمر الطفل تأخذ أجازة أمومه

ولما ترجع لعملها تسجله بحضانه بعدها روضه بعدها تمهيدي بعدها المدرسه

ما راح ينضرون من وظيفة والدتهم


وبالنسبه للزوج وخدمته لما ترجع مو كل يومي دوام

.........................
عاجبهم وضع ان الحرمه تصرف
على كذا لاتزعلي يااشراقه كلهم كذا
حتى أزواجنا ترى قد جابو الحاسبه يبون يعرفون وين تروح الفلوس ووين تنصرف ويموتو غيض لو سألتيه عن راتبه او حتى كم يستلم !!

انا اشوف بنظري عشان تبعدي زوجك عن راتبك اشغليه بسيره زوجته عشان لاينشغل بك
اي شيء يصير قولي وهي تدفع وهي تصرف ومين اثث لها ، جننيه بالعدل ، وان ربي فوقه
اتوقع ماعاد بيفتح سيره الراتب لان راح يصير ارتباط شرطي في عقله اذا جبت سيره الفلوس بتجيب سيره الحرمه ، اسكت احسن
ترى في علم النفس هذه النظرية..

__________________

مع كلام زين .. فعلا خليك صريحة معه .. ووضحي اللي بداخلك ووش اللي بداخلك ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

فعلا خواطر هذا اللي لاحضته
معاي بعض الموظفات اللي زوجها متعفف عن راتبها
وماشيه حياتهم زي العسل ماشالله
ألا يكفي الزوج ان زوجته الموظفه تشيل نفسها من الى ملابسها عطورها وكماليتها وسواقها وخدامتها ووفرت عليه شي كثير ..
لايجي احد يقول الخدامه والسواق عشان هي توظفت بهالزمن حتى ربة المنزل عندها خدامه وعندها سواق..
مايكفيه هذا ويطمع بالمزيد ويبغاها تشيل دوره كمانه
نفقة اولادها وبيتها ويبغى كمانه انو تأخذ قرض وتطلع له سياره وقرض عشان يأسس نفسه ويسوي له مشروع وقرض عشان يسدد ديونه وكذا ...

انا اللي صار معايا كمانه انو كان يبغى انفق ع بيته الثاني
بحجة راتبي ماعليه قروض وراتبه كله قروض
يقول بلا حسد حب لأخيك المسلم ماتحبه لنفسك...
الدين ع اهوائهم...
البعض منهم مانعمم😆
اشراقه ي قلبي انت ادرى بزوجك منا
ينفع معاه المواجهه والمناقشه ومن بعدها يتفهم ويتعفف عن حركاته
ناقشيه...
ماينفع معاه النقاش طبقي نصايحنا انو ماتبيني انك عايشه بوفره ماليه
لانو هاذي نجحت معايا في بعض مواقفي في الايام الاخيره مع ابو عيالي
اصفر راتبي واجلس ارمي كلام عندو انو مفلسه وماعندي وحالتي حاله
اشراقه ادري انو هالشي مو حابته يصير مابينكم وودك يتفهم ويترفع من غير استخدام الاساليب الملتويه بس منشان تمشي حياتك لابد منها...

__________________
(سيدة الموقف)
لم ننساك ونسأل الله ان تكوني أنتي وأولادك بخير

لأن في ردود غريبه

راتب زوجته له حق فيه و كأنه ملك له صارت جاريه أشتراها بفلوسه مو زوجه لها حقوق

احسنت سكر
و الا فيه عاقل يقول تعطيه ثلث او نص راتبها
و بعدين يزود لقول راتبها كامل!!
الا اذا كان تعصب لجنس الرجال و موافقته حتى على اخذ المال بالغصب


كذلك لا أوافق ان تضغطي على نفسك بشراء عمارة و تحميل نفسك ديون

الصراحة هي الحل
ويبدو ان شخصيتك قوية بحيث ان فكرة استعطافه انه اذاك في زواجه
و يؤذيك بأفعاله هذه. فكرة غير واردة

__________________

كلامك في الصميم

.......................
................................
.....................................

ولا في رأي كرأي every thing جميل وصريح جدا

__________________