تعودت عليك!
اختي جواب سؤالك موجود بين الردود
وماراح استجيب لسؤالك
بل اقول جاهدي
تبين اعطيك قرصة؟
خذي حلاو مصاص
ومصيه بدون ماتكسرينه
اذا نجحتي وذاب تماما
انت جاوبتي
واذا لا
قولي لزوجك يجيب معه كيس حلاو
الين تحلين الواجب

__________________
الحمد لله..اللهم صل على محمد و ال محمد

التفريغ المنهجي

اقصد الحلاو الي بدون عود

__________________
الحمد لله..اللهم صل على محمد و ال محمد

التفريغ المنهجي

😊 خوش عقاب ان شاء الله بانفذه

بالنسبة لسؤالي بإذن الله باظل اجاهد لحد ما تختفي..
الوساوس اللي تعودت علي لو انتي ؟ 😁 عذريني مخي مو معاي

باقولج اللي صار
وقولي لي لحط لي خطأ عند الوجه العابس او لا ؟

نمت العصر وقعدت بعد اذان العشائين
وفاتني وقت الصلاة
واعتفس مزاجي..
أساساً من الصبح معتفس مزاجي بس كنت اقاوم وعدلته
بس من نمت العصر وقعدت في الليل اعتفس خلاص
زوجي كان بيطلع ام عياله بيوديها زيارة بالواقف بيت اهلها
يعني بس بتقط السلام وبتمشي
هو ما قال ان بيوديها
بس صدفة طليت من الدريشة شفتها راكبة بسيارته
اتصلت عليه
قلت له وين بتروح ؟
( ما يبي يتكلم جدامها ، بحيث كأنه يعطيني تقرير )
قال لي مشغول عندي جم مشوار وسيدا قال يالله مع السلامة
رجعت اتصلت فيه قلت له لو سمحت قول وين بتروح كلمني بالالغاز قال : انت كتبت كتاب جداً حلو ، لا تخربه بهذه الاضافات السيئة وقال مع السلامة وسكره
رجعت اتصل فيه ( ابي اقول له لين رجعتها البيت تعال لي ابيك )
بس ما رد علي ، وسوا تيلفونه صامت
رجع البيت كلش معصب مني
قال ليش هالحركات وووووو
( استدركت الخطأ فسكتت وما رديت عليه خليته يطلع كل اللي في قلبه )
وكان واقف ، قلت له تعال اقعد ، قعد وقلت له آنه غلطانه تركت غيرتي تسيطر علي
هني انفجر زيادة...
قال " انتي تدرين ان في ليلتها اروح مكتبي انام ؟ وان مو مشتهي حتى انام معاها ، ووديتها بيت اهلها واجب وغصب عني من شنو تغارين ؟ كل اللي مسويه عشانج ليش تغارين ؟ تعرفين نفسيتي شلون عليها شاللي يخليج تغارين ؟؟ "
هدأت روحي وقلت له اعتذر ، وان شاء الله الامر ما بيتكرر ، انه غلطانه .. واعترف واستدركت متأخر

احط لنفسي علامة عند الوجه العابس ؟؟؟؟

ما احب اقول جذي لان الكل يقدر يدخل موضوعي ويقرأ بس مضطرة اخبرج...
تدرين ان للحين ما نزلت الدورة ؟
وان من ذيك الايام اللي نفسيتي زفت لحد ما تنزل عادة وكل شهر يظل مزاجي مخترب ؟
بس هالشهر الحمدلله أفضل


بس كلش تضايقت من اللي صار الليلة

آنه مسويه لي جدول للمشاكل
اليوم اللي يمر بدون مشاكل احط فيه وجه مبتسم
والعكس إذا مرت فيه مشكلة

الاسألة اللي تطرح نفسها

1- هل اعتبره يوم سيئ واحط وجه عابس في جدول المشاكل ؟ خصوصاً ان استدركت
واعتذرت
في الوضع السابق كانت المشكلة عادي تطول يوم يومين
وزوجي يستمر يراضيني وما ارضى واظل مكتئبة

2- هل اخلي علامة خطأ امام الوجه العابس ؟

ضعي وجه مبتسم لان النتيجة كانت انتصار
فان كان الله يؤخر كتابة الملائكة للسيئة معطيا عبده فرصة للتصحيح
الا تتخلقي بكرمه؟

__________________
الحمد لله..اللهم صل على محمد و ال محمد

التفريغ المنهجي

الحمدلله ❤️
كنت احاتي إن يُعتبر إخفاق

قبل لا اقول أي شيء ... انلمتيد اذا قبل ردود الاخوات كنت احترمج مرة
حالياً احترمج مليون
شكراً لأني ما احتجت ابرر لج
وشكراً لانج فهمتيني وعرفتيني وما ظنيتي بي سوء ، عسى وربي يوفقج ويقضي حاجتج

المهم
فيه شيء جديد ما اعرف له تفسير
صرت اتجنب كلمة " خوف "
احاول استبدلها بأي شيء
مثل هذي الجملة : " كنت احاتي إن يُعتبر إخفاق "

أول شيء كتبت خايفة بدال احاتي
واحس كأني انقرصت ودايركت مسحتها وكتبت احاتي

فيه تفسير للأمر ؟

كوكي و فاطمه:
علاجي معها نفسي و راح أفسر مالا ضرورة تدفعني لتفسيره الا الا دب والاحترام معكم
لو انت يا فاطمه جيتيني بوضع نفسي قد يتحول لمرض
مع تصور اجتماعي مو مناسب ( بظاهره)
راح أمسك الاولى و اترك الاخر لعدم جدوى الخوض فيه وانت بهذه الحاله لما بعد تفريغك المنهجي وانت راح تشوفينه
فتدخل اي شخص بكورس علاجي تصرف غير مدروس
احترامي للجميع

زين ابيها
السبب رفض عقلك للكلمات السلبيه
وقولي ما أحب ما ارتاح

__________________
الحمد لله..اللهم صل على محمد و ال محمد

التفريغ المنهجي

انلمتيد يحتاج ابرر لج ؟
الرجال ما معنته من شيء
5 سنوات مما قبل زواجنا ما شاركوا بعض الفراش
بداية زواجي حثيته يروح لها وما اشوفه الا وقت النوم وتحملت شهرين
استقبلها عندي وهي جايه تغلط علي وتهيني واحاول الاطفها واسوي نفسي ما فهمت تجريحها
عيالها انه ادرسهم
واطبخ لهم
واستقبلهم لما يجون من الروضة لانها تقفل عنهم الباب
تشيش العيال الصغار يغلطون علي وقت اللي ادرسهم
كان يبي يطلقها قبل زواجنا بسنين بس انتظر وبعد بفترة رجع يبي يطلقها وهمن قبل زواجنا بس ما كان يقدر الا لما يتزوج عشان عياله ما يصيرون عندها
انه مو مثالية ، بس الله فوقي ويشهد ما عمري غلطت عليها ولا رديت على اي اهانه قطتها
بالعكس لما سافرت خذيت لها هدايا قطتهم في وجهي
وانزل لهم غداهم واسمعها تصارخ عشان تسمعني وهي تقول هالحقيرة ما ابي منها شيء....


الاتهامات مؤلمة
وهذي نقطة ابي اتجاوزها أيضاً
ابي اكون قوية وما اتأثر

هذا كله الي قلتيه مو مهم عندي الان
انت لوحدك مهمه عندي هنا
واصلي الثلاثه ايام

__________________
الحمد لله..اللهم صل على محمد و ال محمد

التفريغ المنهجي

تأثرت بردودهم
ولكن ألحين قلت لنفسي كفى
الامر ما يستدعي!
وممكن اواجه الاكثر في حياتي مستقبلاً
والمفروض ما ابرر

المهم ، نرجع للسعادة 😊😘
باواصل الثلاثة أيام وباكون اقوى بإذن الله
وبمشيئة الله ما بتكون الوجوه الباسمة على الورق فقط
إلا بملئ فيها البيت وقلبي
ولو بايدي وزعت الوجوه على العالم كله عشان يعم السلام ❤️
تصدقين ؟ دائماً انشد السلام وابحث عنه
بس ما كنت ادل طريجة لقلبي
بس لما الله دلني عليج عرفت طريجة وبديت اتصالح مع نفسي واحبها ❤️
تذكرين الايحاء اللي قلتي لي عنه ؟
ان اقاوم بمتعة ؟
تدرين ان فعلاً صرت اقاوم بمتعة
واحس ان اضحك على الوساوس لما تختفي
لانها مو اقوى مني ..
في هاللحظة اشعر بحب اتجاه كل شيء
ودي احضن كل شيء
وكل البشر
وحتى الحيوانات وانتي بكرامة
شفت نملة ... وابتسمت لها!!
شعور غريب!!!!
شعور لذيذ
شعور بنشوة
بدون خوف
وقلق
وبكاء

تذكرت كرتون انا واخي
حلمي الصغير ان احيا بسلام ❤️ في بيت تصحى بزواياه الاحلام يعبق بنسيم الحب يرسم لي الايام لازال صغير. انتمي للحنان ❤️❤️

انتي اجمل هدية يا انلمتيد. ❤️
الله يدوم علي هالشعور يا رررررب
ويريح بالج وبال الجميع يا ررررب