وبعدني عند كلمتي ... هذا الشخص الحقير اللي لسانه وصخ ونذل وكل الصفات السيئة فيه ممكن جدا يروح يدور التقدير والاحترام عند غيرك ..وصدقيني وقتها راح يكون شعورك أسوأ وتتمني لو أنك احتويتيه وتجاهلتي صفاته السيئة وركزتي على ايجابياته

المشكلة أنه بسبب الغضب نشوف كل كلمة سيئة على أنها لسان بذيء عمره ما كان نظيف ولا قال كلمة حلوه ونشوف كل شيء سيء ... نضخم السيئات وبالمقابل ما نضخم الحسنات ويمكن ما نشوفها من أساسه وما نحس فيها وبالتالي ما تأثر فينا ولا تغير من نظرتنا .
والمشكلة بسوء الظن ... صعب تقدري تغيري من مشاعرك وانتي تفسري كل تصرف بسوء نيته بدال ما تحاولي تحطي نفسك مكانه وتفسري سبب تصرفاته الصحيح .

__________________

يا اختي انا تعبانه وصعب اضيف لتعبي التفكير بالخيانه
انا اتعامل الان مع مشكلتي الحاليه اللي متعبتني
مايهمني اطلع بمكاسب ولا شي لان الرجال متجاهلني اصلا
لكن ابي الموضوع ينحل بشكل لائق للطرفين
بعد كذا ان شاء الله كل شي يتحسن تدريجيا
اما اني اروح اضم الرجال الحين عشان مايخوني.. صعبه!!

انا معك ان هالتراكمات تفتح باب الشيطان لشغلات ثانيه
لكن اذا طفيت النار اللي مشعلله ببيتي ابروق لحل هالامور

انا ماطبخت اليوم
لاني متعودة ما اطبخ السبت
كنا نطلع نتغدى بالعادة او نجيب من برا

رحت المطبخ لقيت زوجي يطبخ مكرونه
قال تبين مكرونه؟
قلت لا شكرا.. ابطلب من برا
قال اوكي اطلبي
ورحت طلبت لي غداء من المطعم

لاتتوقعون ان رفضت اكل معه من باب التغلي
لا والله.. لكن انا مالي نفس زفره ابدا..
طلبت لي من برجركنج..

ولازال الصمت مستمرا..

عزيزتي.ترى زوجك بدأ يهدأ شوي
بس انت افتحي مجال له بالكلام
يعني قالك تبين مكرونة.قولي تسلم.شكرا
اي شيء.لن ينزل كرامتك بل و ينحرح منك
...و ربما يعتذر او يخفف وطئة التوتر
استمري على الهدوء

__________________

لا تفكرين تروحين بيت اهلك يمكن يعوفك وتكبر براسه وراسك ويصير عناد وما يرجعك

اقضبي ارضك

ما قلت تضميه ول انه مو غلط بس على الأقل تجاوبي مع مبادراته ... ما تتوقعي يعتذر منك بشكل مباشر وبكلمة اسف .. عرضه المكرونه ودخوله المطبخ يسويها هذا اعتذار عملي ...
نصيحتي تحطوا البيرجر جنب المكرونه وتذوقي منها لقمة .. ما راح تضرك ...
موقفك للي يتفرج من بعيد يطلق عليه لقب صد مهما كانت نيتك سليمة

الله يصبرك ويطول بالك ويهدي سرك ويوفقك قولي امين

__________________

والله اني ارتاح اذا كلمتكم واحسكم مثل اخواني
انا تغديت لحالي وزوجي تغدى لحاله
هو جالس لحاله يشوف التلفزيون بالمجلس
وسوى له شاهي بعد الغداء ومروق هناك

وانا مع بنتي بالصاله اشوف التلفزيون
ومسويه قهوة وحلا واسلي نفس نت وتلفون

شوي الا راح زوجي جهة الكوايه
شغلها وكوى له بنطلون جينز
هذي حركاته اذا زعل يسوي له الشاهي ويكوي الخ
لكن لو هو رايق كان قال لي اسوي كل شي

المهم لبس وطلع..
وانا لحالي بالبيت
حاسه بضيقه وملل.. وكل شوي استغفر

الله يهديه ويصلح حاله ... معلش قاعد يروق شوي شوي ... هو الخسران بكل الأحوال ..

كم عمرها بنتك ؟

__________________

عمرها سنه ونص

زوجي دق علي قبل شوي..
يقول انا بالبقاله تبين شي؟
قلت ايه خبز
قال اوكي انا شوي وراجع البيت
وبس

واضح انه قرر يتعامل معي وكأنه ماصار شي
يعني هذا اللي صار وبس كلي تبن وسكتي
انا هذا اللي قاتلني
لي يومين مقهوره انتظر كلمة تطيب خاطري
لكن انا باقيه على صمتي التام
وما اتكلم الا بالضروريات القصوى بس
لين ربي يفرجها

الله يحميها أجمل عمر وعليهم حركات تنسي هموم الدنيا سواء لك أو لزوجك

مو هيك حبيبتي ... انتي غلطتي وهو غلط ... خلاص تعادل .. وانتظري لين هو يبرد خاطرك لكن حبيبتي مهما قلتي ومهما عاتبتي حافظي على هدوئك وعدم الندية ... بلاش نظرات تحدي أو حساب وكأنه طفل .. خليه عتاب أحبه .... مهما حاسبتي ووضحتي نقاط الرجل ترى ما يطيع وبالعكس يعاند ... خلي حزنك هو اللي يحركه مو نصائحك وتوجيهك ... أشوفه من هذا النوع العاطفي ... غالبا العاطفي يكون عصبي

__________________

ابحاول اتحكم بردات فعلي ونظراتي
هذا مره صعب علي لان مشاعري تبان على وجهي
وكل ما مر من عندي لاشعوريا ينقلب وجهي
لكن الله يسهل
ومشكوره يا الغالية لمتابعتك مشكلتي