الزوجه تتبع زوجها و ليس العكس...

الأصول اختي ان تكون الزوجه مع زوجها في العيد و بعدها يزورون أهلها... كل اللي اعرفهن متزوجات جذي.. اختي لازم يمرون على بيت أهل زوجها و بعدين بيتنا مع ان بيوتنا متقاربه جدا... و أخوي يمر علينا هو و زوجته و بعدين يروح بيت أهل زوجته مع ان بعد بيوتنا متقاربه جدا.. و هل تظنين راح يحلو لج العيد بدون زوجج؟

اختي كون أهلج في منطقه و انتي في منطقه فهذا الشي يصير للكثير من الناس... شوفي اخوانا و أخواتنا المغتربين من أجل لقمة العيش... هم بعد يشتاقون لأهلهم و لكن لازم يتحملون علشان هذي لقمة العيش... و زوجج وظيفته هو يحس انها أفضل في المدينه اللي انتو حاليا ساكنين فيها.. و لهذا السبب هو يفضل البقاء فيها..

عندي صديقات طلعوا من مدن بعيده لأن ازواجهم يشتغلون في العاصمه... و هذا هو الصحيح.. ان الزوجه تتبع زوجها في مقر السكن...

حلو الوحده تشارك زوجها همومها و مشاغلها بس مب لدرجة انها تلمح له انها ما تأمن للعيش معاه.. خاصة ان الموقف اللي صار ما يستاهل هذا كله و أخوج الغلطان..

لا تخلين علاقة أهلج بزوجج تأثر على علاقتج فيه... هم علاقتهم معاه مب معاج... فرقي بين هالشغلتين و بترتاحين...

__________________
يرجى زيارة موضوعي


http://www.66n.com/forums/showthread.php?t=251177

نفس الرأي
العيد عند اهل الزوج ثم اهل الزوجة ما فيها كلام
ونصيحتي لك
لا تعودين زوجك من البداية أهلي وأهلك
وبعدين مبين سبب كل حساسيتك هو مساعدتك المالية له

يا تساعدينه بقناعة
او المحافظة على سلامة علاقتكم افضل واسلم


انتبهي من طريقة سير زواج كم

__________________
الحمدلله الذي بنعمته تتم الصالحات

الي فهمته اهلك بمدينه واهل زوجك بمدينه وعمله بمدينه

زوروا اهله للعيد بعدين سافروا اثنينكم لاهلك


بالنسبة للبيت سابق لأوانه لاتشترين الحين
دام راتب زوجك ضعيف لدرجة مايقدر يتحمل ايجار شقة معناته في احتمال يغير وظيفته


فانتي اجلي شراء البيت


وتاكدي بشكل جدي ان زوجك مو معزم ينقل وظيفته لمدينة اهله ممكن هو بعد يبي يستقر في مدينة اهله

اذا فعلا مايبي يغير مدينة شغله لا الحين ولا في المستقبل وتشوفينهأ مدينه مناسبة لسكن الأبناء ودراستهم

نقلي لعنده


واذا كان النقل سهل يعني تقدرين تنقلين عنده وتقدرين بعدين اذا استجدت الظروف تنقلين لمكان ثاني بسهولة
نقلي عنده

أختي انتي خليه يرجع بالاول

وتصالحوا

ولا تزيدين النار حطب وتعيدي وتزيدي بالسالفة

وصدقيني لما يهدأ بعد مدة ممكن من نفسه يتصالح مع اخوك

وأهلك المفروض يتفهمون ان الخطأ من أخوك

اللي سويتيه بزوجك عيب

وغلطك أكبر من غلطه بكثير

العني الشيطان على قولته وتصالحوا

اختي أنا مع الأخوات لاااااازم تعيدين معاه ولاتعودينه على فراقك ومع الاخت لكل شي حدبكل كلمه قالتها وخصوصا علاقته باهلك
اما سالفة البيت لاتعطينه انطباع انك مانتي حاسه بالامان معاه بعدين يركز بعقله الباطني وانتي اشتري البيت عنده ومدامه باسمك مافيها خسارة حتى لولاقدر الله صاربينكم شي منتي خسرانه شي بيعي البيت واشتري عنداهلك لان العقاريزودماينقص

حبيبتي انتبهي من أن تهزي أركان علاقتكم الهادئة الجميلة
زوجك انسان طيب وفاضل وخيره غالب على شره
لا تخسريه بأفكار أو مواقف أو تفكيرات سلبية
الزوج المحب ينتكس فجأة عندما يرى تكرر المواقف السلبية من زوجته , وحينها تندمين ولا يمكن أن يعود كما كان

أما ما يخص العيد فاقترح تبقين على اتفاقكم القديم , العيد مع أهله ثم تذهبين لأهلك

انتم توكم متزوجين علشان كذا هو قاعد يسايرك بس لو تعود على اسلوبك بهالطريقة صدقيني بصير يطنش بعدها
وقتها مارح ينفع الندم
من الحين عوديه ماينام بعيد عنك ولا يوم ايه قولي له ماقدر انام لحالي اخاف
عيدو سوا دايماااااا
بكرا يتعود ينام برا البيت ويعيد لحاله وماعاد تفرق معاه صدقيني اعرف وحده كل عيد هي بوادي وزوجها بوادي ثاني تعودوخلص
اليوم انتم ماعندكم اطفال بكرا المسؤلية تكبر تخيلي انت بالبيت لحالك تعبك ولدك والاصار شي وزوجك بعيد والاالعيد من دون الزوج ماله طعم ابدا


واخوك صراحه مايحق له يعصب على زوجك وينافخ عليه كان المفروض يتكلم معاه باأدب
لو مكانك كنت تكلمت مع اخوي لحالنا ووضحت له انه مايحق له يكلم زوجي كذا
واروح اقول لزوجي معليه اخوي يعتذر منك طلع من طوره وماكان يقصد وهو مره منحرج منك علشان كذا وصاني اكلمك
وانتهى الموضوع يااختي زوجك فيه الخير والموضوع مايستاهل تكبريه زوجك الحين مايشوف انه اهانك بهذا الموضوع لا يشوف انه من اول مشكلة وقفتي مع اخوك ضده كذا هو مفكر علشان كذا قالك انت في يوم بتتخلي عني

الله يوفقكم ويهديكم بس انت قسيتي على زوجك حبيبتي

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

السلام عليكم .. وكل عام وانتم بخير .. تقبل الله منا ومنكم صالح الاعمال..

طبعا مع نهاية رمضان سافرت مع زوجي اعتمرنا ووداني عند اهلي عيدت معاهم وهو عيد عند اهله .. برضا من الطرفين .. ورجع اخذني من عند اهلي ثالث يوم في العيد وعيد على ابوي وامي .. وسافرنا الطائف قعدنا فيه يومين .. ورجعنا مدينة زوجي عشان دوامه.. وتقريبا الامور رجعت زي قبل .. مع اني حاسه بتغير بسيط مني جهة زوجي من اللي سواه مع اخوي ..

عموما اخر المستجدات .. اتفقت مع زوجي نطلع بعد العشاء الممشى .. ونزل يصلي وانا تجهزت .. وبعد الصلاة اتصل زوجي يقولي ان ولد عمه الحين بيوصل بيقعد عندنا عشان بكرة عنده مراجعة وبروح اغسل السيارة واجيبه لان بكره بيروح فيها المراجعة .. بصراحة انقهرت مرة وقلت اوك وقفلت .. الحين وش تنصحوني اسوي احس اني مقهورة .. يعني يطرد اخوي ويستقبل ولد عمه ..

نصائحكم وتوجيهاتكم وش اسوي وكيف اتصرف؟؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

اللي رايح واللي جاي من اهله لازم يتكي عندنا .. كأن البيت فندق .. كيف تبوني اتحملهم وهو ما تحمل اخوي ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

شكلج نسيتي سبب المشكلة بين زوجج وأخوج!


كررتِ أكثر من مرة أن زوجكِ ما حشمج رغم أنكِ تقولين إنه كلمكِ أكثر من مرة فيما يخص سلوكيات أخيكِ التي لا تعجبه .. ولو كان لا يحشمكِ لتصرف مع أخيكِ من أول موقف دون الرجوع إليكِ .. ولكنه بدلاً من ذلك تحمل وصبر وأخبركِ.

بل بصراحة أرى أن أخاكِ هو الذي لم يحشمكِ ولم يحشم زوجكِ عندما استمرت تلك السلوكيات رغم تنبيهكِ له .. ويبدو أنه استمرأ مضايقة زوجكِ لأن الأمور كانت دوماً تعدي كما قلتِ!!


الأمر الآخر .. كوني منصفة قليلاً ولا تأخذكِ العزة بالإثم .. المقارنة بين أخاكِ وابن عم زوجكِ لا تصح .. لأن أخاكِ ((مخطئ)) ولم يجلس في بيتكما باحترامه.

وفي النهاية تقولين ما تحمل أخوك؟!!!

أكثر من شهر وهو متحمل وجوده + سلوكيات لا تعجبه .. وتقولين ما تحمل؟!!


قليل من الإنصاف الله يرضى عليج.

__________________


اللهم طِيبَ الأثر .. وحُسْنَ الرحيل.