لا خلاص ما اقدر اتزوج من هالفئة و السبب موجود بالأعلى

الله يوفقك يارب ويكتب لك الخيير

ماكان نصيبك في الي راح بس يارب يكون بالجاي

يا رب الله يسمع منك

اخوي استخر الله واذا حسيت براحه تزوج وماعليك من كلام الناس مايحس بالنار الا واطيهاا كلام الناس حطه ورا ظهرك
وخلك واثق بالله سبحانه انه هو المسير لكل شي

ولاتنسى انك تلح بالدعاء وصلاة اخر الليل وعسى الله يسهل لك امرك وييسره لك وتزوج

لا خلاص ما اقدر اقدم على هالخطوة
العائلة كلها بدأت الحرب علي من جميع الجهات حسيت انهم صاروا اعداء مو اهل بإستثناء الوالدة

مانصحك بالزواج من يتيمه بدار الرعايه
لاني سبق وعملت عندهم ، الساعه اللي اعمل فيها بالدار كنها شهر ...
اشياء وبلاوي في افكار البنات هناك ،
تجي البنت عصبيه ، كانها ولد ، والاغلب نفسيتهن مش ولابد ، هذا غير المخالفات الاخلاقيه مع ان الدار حريصه كل الحرص عليهن ...
مره دخلت لقيت ثنتين بسرير واحد تحت بطانيه واحده طبعا موب نايمات
ومره مجموعه منهن عملن حريقه بالدار ..
وواحده اخذت الموس وحلقت الشعر صفر ....

ووووو وكثيرة المواقف ...

الخلاصه ابتعد عن خطبة فتاة من دار الرعايه انت اللي بتتعب

يارب ياحي ياقيوم ارزق كل مسلم ومسلمه اللي يتمنونه وارزقني الراحه النفسيه وكل ???? يتمناها

يُمنع ؛؛

9 ـ المشاركات التي تتضمن طلبات الزواج والتوظيف وما يشابهها

نأمل الإلتزام بقوانين المنتدى .

__________________

نيابةً عن اختي الكريمة نبض الواقع اعتذر العذر الشديد

اختي نبض الواقع بيض الله وجهك وما قصرتي و رايتك بيضا والله يرزقك يا رب على قد نيتك

يا سبحان الله اللي يشاور الحريم اذا بتزوج عز الله ما تزوج ..
انتم اللي تسبون في بنات الدار خافوا ربكم ، اللي تقول خوال و عائلة و ما دري ايش
يعني بتفهمينا الان ان الخوال و العائلة كلهم قلوبهم على بعض ..
نشوف الأذية ماجت الا من القرايب ...!
ولو يجلس طول عمره عزوبي ما يأخذ منهم ؟!! لهدرجة يعني ...
من اي كتاب ومن اي سنه جبتي هذا القانون ..
والله لو كنا ناس صالحين كان ماحتجنا دار رعاية وكان كل بيت فيه يتيم او يتيمه
و صرنا كلنا أخوة بالدين و تكافل اجتماعي إسلامي ..
لو كل واحد استشعر مسولية هذولا البنات كان تزوج منهم ولو عدد بعد و بكذا
نعطيهم وعاء اجتماعي في المجتمع و تكون اسرة و اللي اعرفه ان الأبناء ينسبون لأبوهم
يعني مش مطلوب نسب أمهم ..
او عشانهم لقطاء مالهم حق بالحياة الكريمة ..
و الرسول قال عن اللقيط حلال بين حرامين ...!
و اللي تقول ان أخلاقهم منحرفة ،، لا تعممي عليهم و كثير منهم صاروا طبيبات بفضل
ناس من اهل الخير تكفلوا فيهن وهن بالدار و تابعوهن الى ما تخرجن طبيبات
و شي ثاني الشذوذ مب حصر على اللقطاء - ان صدق قولك - حتى البنات في مدارسنا
عندهم شذوذ شوفي الحدائق في وقت الأعياد و وقت العائلات شوفي السلوكيات المنحرفة
هل هذولا لقطاء او أيتام ؟!! اغلبهم بنات عوائل و البعض منهم عوائل معروفة و لها تاريخ
و بعد الخيانات الزوحية هل عوائل الزوحات منعت الزوجه من الخيانة ؟!!
اللي أبغى أقوله ان تخصيص فئة محددة بالفساد و الانحراف الأخلاقي و السلوكي غلط كبير
وآسفه على الصراحة ،.
و على فكرة بعضهم ضحية تحرشات من نفس العاملين و خاصة الاطفال الصغار
فينشا الطفل بعقدته ..

الله يحفظ المسلمات و برزقهم العفاف في كل مكان و على كل حال
و يعوض كل ضحية يوم لا ينفع مال و لا انساب الا من أتى الله بقلب سليم