فترتي تقريبا 3 سنوات وشوي فيها فترات متقطعه لسفراتي المشكلة هي الادمان تقولي كيف اقولك مثل ادمان السجاير انت تحاول تترك الكبتاجون لاكن جسمك يرسل لعقلك انو فيه نقص في المادة ومحتاجها وطبعا عقلك يخليك تجلس تفكر فيها وبشكل مستمر الى ان تتعاطها الشي الثاني انا ضد انك تتركيه بلعكس اهو محتاج وقفتك معاه لو تركتيه بتتركينه لشلة الضياع وبيكون كل وقته معاهم

زوجي تقريبا اكثر من خمس سنوات دايم يردد انها ماتحتاج علاج من المستشفى هي بس يبغالها ارادة وانها مجرد مزاج او كيف
معليش تحملني اخي الكريم على اسئلتي الكثيرة لكن في نقطة احب اعرفها زوجي تقريبا ياخذ حبة بالاسبوع بس
الاحظ علية السهر فقط الاربعاء والخميس وينام الجمعه بالليل
يعني ودي اعرف هل للحبوب نتايج غير السهر يعني ليش يتعاطها الشاب ويش يستفيد منها
وهل ممكن ياخذها ويقدر ينام
وياليت تقول لنا كيف تخلصت منها بالتفصيل عشان انصح زوجي يسوي مثلك
جزاك الله الف خير واعتذر عن اسئلتي مرة اخرى

المستجدات اليوم رحت انظف المجلس وجلست على الكمبيوتر ولقيت مقاطع اباحية طفيت الجهاز وغيرت صورة سطح المكتب الى صورة تعبر عن العين تزني وزناها النظر
ضاقت بي الارض وتعبت نفسيتي كلمت اخوي الكبير اني ابغى اسافر وسالني اذا زوجي راضي او لا قلت مايهمني رضاه
كلمت اهلي اني باجي عندهم لان اختي عندها عملية وباوقف جنبها وصدقوا الموضوع
حجز لي اخوي يوم الاثنين بعد بكرة
لكن امام زوجي وضحت له انها الروحة بدون رجعه له ابدا
الحين يقول انا ماني راضي وماراح اوديك المطار مستحيل
انا قلت لة لك فرصة الى بكرة والا راح اكبر الموضوع واكلم اهلك
مادري هل تصرفي صح والا لا
واذا سافرت كيف اتعامل معاه انا ناوية مارد علية ابدا

أختي من الأفضل عدم أدخال أهله في الموضوع لأن الموضوع راح يكبر

ولكن أوافقك علي أصرارك علي الذهاب الي أهلك لممارسة الضغط الشديد عليه

زوجك يحتاج الي وقفة حازمة منك وان شاءالله بيقلع من تلقاء نفسه

__________________
اللهم ارحم والدي واغفر له

شكرا لعودتك اخي الكريم
بالنسبة اني اكلم اهلة مجرد تخويف لة الا انا ماراح اسويها<<<<خوااااافة
هو الان منصدم من الحجز لان دائما اهددة بدون تنفيذ الحين يحاول فيني اني اتراجع عن قراري وانا ارفض ووضح له ان علاقتنا انتهت
انا هدفي ان يجلس بدون عائلتة فترة يحس فيها بالفرق
المهم اللي مخوفني حاليا انة موراضي عن سفري واهلي حجزوا لي وهم مايدرون عن شي
اخاف علية اثم من ذلك
شوروا علي

اكتب ردي الان للفضفضة
قلبي يعتصر من الالم فعلا حبي لة حب حقيقي ماني قادرة اسافر........
يجرحني بكلامة انك نسيتي عشرتنا انا مستعد اسوي لك اللي تبغية بس لاتسافري
انا لازلت اكابر عن مافي قلبي واقولة خلاص انا ماعاد ابغى العيشة معاك انا تحملت كثير ومابغى منك وعود ثاني
الحين هو يقولي انتي قاسية وقوية مادري كيف هانت عليك العشرة
يالله ياليتة يدري وش في قلب المتفائلة كان عرف قدري صح
الحين اتجهز للسفر غدا ان شاء الله
ابغى دعواتكم الصادقة ان ييسر لي ربي الخير ويصلح زوجي اميييين
سويت لة صينية حلا وايدامات يحبها لانة يكرة شغل المطاعم وحطيتها بالثلاجه ادري تصرفي هذا مناقض لكلامي اني ماعاد احبة مثل اول بس ماعلية ماقدرت اطنش قلبي اكثر

أختي الكريمه أنتِ زوجة مثاليه وتصرفاتك تدل علي رجاحة عقلك فأتخذي ماترينه مناسب

صدقيني أنتِ أكبر من هاذي المشكله وأنتِ ماشيه علي الطريق الصحيح لتقويم سلوك وأفعال زوجك ورغبتك الجادة في أنتشال زوجك من براثن هاذه المخدرات في مراحلها النهائيه فلا تيأسي

ولاتتردي بطرح مستجداتك وأن شاءالله قريبآ تبشريننا بأقلاع زوجك النهائي

دعواتنا لك بالتوفيق وأن يلهمك الله حسن التصرف وأن يهدي زوجك وأن يبعد عنه صحبة الأشرار

__________________
اللهم ارحم والدي واغفر له

اسأل الله العللي العظيم باسمه الاعظم وعطيته الجزلى ان يمن على زوجك بترك الكبتاجون وان ينقي جسمه من كل سوء
اللهم امين
الله يفرح قلبك ويطمن قلبك ويقويك

الله يسمع منك يارب امييييين

اخوي الكبير فيلنق
اسال الله ان يحقق لك ماتتمنى
كلامك اعطاني امل
ان شاء الله يارب يكون احساسك في محلة وانها فترة قصيرة واودع الخوف والدموع والالم
مستجداتي اليوم حاول يراضيني وقال نبغى نتفاهم وقال انا اوعدك ان كل شي يتغير بس اعطيني فرصة اخيرة واعتبري سفرتك تغيير جو عند اهلك وانا بعد فترة اخذ اجازة واجيك
انا صديتة مع اني كنت باضعف قدام دموعه بس حاولت لاني خفت استسلم ويروح تعبي على الفاضي
ايش رايك بتصرفي ؟
مشكلة زوجي يكرة النقاش والجدال يعني ماقدر اخذ منة لاحق ولاباطل وكمان موبسهولة يعترف باخطائة
واسلوبة استفزازي جدا يعرف كيف يثير اعصابي وهو بااارد
حتى ذكرت لة هذي النقطة قال يمكن اسلوبي مو حلو بس نحاول نغيرة لازم نتحمل بعض
مادري لو لك خلفية في علم الشخصيات البوصلة
زوجي جنوبي شرقي عاطفي حساس يكرة الانتقاد والجدال متردد ممكن ينقذ نفسة باي وعود تبغاه منة لكن ماينفذها وهذا اللي اخاف منة اخاف بس عشان ماتركة يعطيني وعود بالكوم
ي