^
و هل هي سترت على نفسها
و خجلت من علم الزوجة ؟
بل تجاهر و تتفاخر و تقول "مصيره يرجع لي"
و الرسول عليه الصلاة و السلام يقول
"كل امتي معافى الا المجاهرين"

و ليش الزوجة ما تحتسب الاجر
من باب رفع الظلم عنها ؟

و ليش ما يكون من باب الاصلاح ايضا
لمنزلها و ايضا الاصلاح للفتاة نفسها ابلاغ ولي امرها

و يوجد حديث صريح في تحليل الكذب اذا كان بهدف الاصلاح

عطونا حل ثاني ؟
اختنا في الله بيتها ينهدم و تفكر تطلب الطلاق ..

اشوف ولي الامر لازم يتدخل
لازم قوة رادعة

اختي إذا بس اسمها ظاهر في المحادثة اللي صورتيها احتمال اخوها مايصدق .. لازم يكون رقمها ظاهر ..
فكي الحظر عنها والمرة الجاية لو كلمها امسحي اسمها من دفتر العناوين وبعدين صوري المحادثة عشان يبان الرقم.

بس أغلب الظن إن زوجك بالفعل متجاهلها حسب ما فهمته من كلامها له ..

طلبتي رأي رجل

لو لاسمح الله استلمت مكالمه من انسانه تقول اختك تراسل زوجي من رقم كذا وكذا وهذي المحادثات

1- اتأكد انها اختي فعلا بعد ما تأكدت بعرف وين وصلت الامور بينهم بالضبط وبالتفاصيل ولو كانت مؤلمه واغلب الظن دائما تحاول الفتاة تصغير جرمها لو عرف احد انها على علاقة بشخص ولا تبالغ وتقول وصلت لعلاقة جسدية لانها عارفة انها بتنذبح

2- اخذ معلومات الرجال من اختي واروح له اول شي لدوامه وافضحه قدام خلق الله واتهاوش معاه وليكن ما يكن اهم شي ابرد قلبي من هالمتزوج الحقير اللي ماكفته زوجته وقاعد يلعب مع اختي وبما انه قد خطبها مني وشفته وكلمته ببهذله اكثر واكثر واتضارب معاه

هذا انا

اخوها يمكن يستر ومايبي فضايح وممكن تقول هو اللي عشمني بالزواج وخطبني منك تتذكر ؟ بيقول ايوه اذكر النذل مايخاف الله انا اتفاهم معاه وتحصل مشاكل كبيرة

الآن حل المشكلة ليس في الفتاة حل في زوجك

اذا زوجك غير رقم هاتفه - وانهى العلاقة بها انتهت المشكلة لكن زوجك لايريد ذلك زوجك متعلق فيها هنا المشكلة بإختصار يبي يحافظ على بيته ويبي يكمل مع هالبنت مكالمات وعشق

تأكدي اذا هي تعرف رقم العمل فهي ترجع له بعد ما يغير الرقم كل مره او هو يغير الرقم ويقولها هذا رقمي الجديد

بكل الحالات رأيي الشخصي حان وقت تدخل أهلك الفرصة الاخيرة كانت المرة الماضية وقلت لك حسسيه انه سيفقدك وان هذه اخر مره وبعدها سيتفاهم مع اهلك وللأسف لم يلتزم

حتى لو حصل الطلاق ماقصرتي اعطيتي فرصة و 2 و 3 لكن هو لم يرتدع

اما تحسمين الموضوع وليحدث مايحدث ويقابل رجال من اهلك يعطونه الكلام اللي يجمد على شارب الرجال
او تفتعلين مشكلة نفس المرة الماضية ويتعهد لك مره ثانية ويغير جواله ويعطيها الرقم الجديد وانتي ماتدرين انه طلع رقم جديد وتستمر الامور على نفس الوضع

الخطوة القادمة اتوقع رقم جديد وجهاز جوال جديد يخبيه في السيارة او في العمل او اي مكان لاتصلين اليه لضمان عدم تفتيش الجوال منك مرة ثانية

لا حبيبتي بهالحالة ابدا ماينفع الستر ..
ديننا دين الوسطية فكما امر بالستر ايضا،، وضح ان( الساكت عن الحق شيطان اخرس)

السكوت ليس دايما خيار افضل بل يكون بعض الاحيان شر ووبال

افرضي ان الزوجة سكتت بدافع الستر وزوجها وهذه المرأه انجرفوا وراء الشيطان ووقع المحظور ..
على الاقل لو فعلت شي امكنها تدارك العلاقة المخزية بينهم

اش تنتظرين كلمي أخوها وبعدها احسمي موضوعك مع زوجك أما تتعدل ولا الله يستر عليك .

__________________

خااااايفه ومرعوووووبه ياربي اللي سويته صح ولا غلط كلمته واتس السلام ورد عليه بعدين تبكلم بموضوع ايش الموضوع بخصوص اختك اللي هذا رقمها قال من قلت هذي اختك والا لا اذا مو اختك انا اسفه يدخل ويخرج الواتس ولا يرد
اخته حاطه صورتها وحالتها انو شبكتها الاسبوع الجاي
ايش اسووووي انا صح ولا غلط

صلي على النبي و استهدي بالله

اخوها ما رد عليك ؟
انتي كيف حكمتي انه اخوها قبل كذا ؟

و ملكتها على زوجك يعني ؟؟
معليش مافهمت ...

و تصرفك صحيح بس زي ما قلت لك
افضل تتكلمين كنك صديقة لها
و الافضل مو من رقمك .. من رقم اي احد ما يعرفه زوجك
عشان يصير ما عليك ممسك

انا متاكده انو اخوها اخذت الرقم من جوال زوجي
لا ملكتها على واحد ثاني مو زوجي
زوجي من اول قالي انها لي ولد عمتها بس هي ما تبغاه وفي محادثاتهم كان يقولها زوجي لا توافقي انا ابغاك وهي كانت تقول طلق والا انا ما راح ارضى وهو كان يوعدها انو يطلقني

ارسلت له من رقمي القديم اللي تعرفه اخته لاني بس مفعله فيه الواتس

اختي حبيبتي انتي من ايش خايفة ؟
من رد فعل زوجك ؟
باذن الله ماراح يدري لو تكلمتي ع اساس انك صديقتها
و من رقم ثاني

خايفة من اخوها ؟
الله يلوم اللي يلومك
انتي قاعدة تحافظين على بيتك لا ينهدم
لا تخافين هم اللي المفروض يخافون على سمعتهم
سواء زوجك او اللي يكلمها او اخوها

انتي ما غلطتي بحق احد عشان تخافين

ارجعي كلمي اخوها
قولي لو سمحت ممكن اكلمك بخصوص اختك
اللي هي قبل كل شي اختي و صديقتي و حبيبتي

اذا تفاعل معاك معناها اخته
اذا سكر الموضوع معناها انك غلطانة

لكن لا تسالينة مرة ثانية اذا هذا رقم اخته
لانه كذا بتضعفين موقفك
بيعرف انك مصدر غير موثوق و يمكن مايتصرف !

انتي خايفة عليها يعني تتفركش ملكتها ؟
طيب مو افضل تتصرفين الحين
ما تدرين يمكن تستمر مع زوجك بعد العقد