رد : كيف اقنع زوجي يرجعني مستجدات في الرد26 - 68
اختي ام جوري موضوعج جدا حرك مشاعري ودوموعي مع اني ولله الحمد ماجربت اللي انتي فيه بس حبيت ادخل اقولج قصة وحده من معارفنا.
اتزوجت البنت من شاب كان مصاب بالسرطان عافانا الله واياكم منه ،والحمدلله حاز عنه المرض الخبيث بس تعرفون اللي يتعرض لهالمرض يعيش شبه عليل يعني دايما فحوصات وادويه وسفر.
البنت كانت صغيره واهله قالوا انه اللحين هو بخير والحمدلله مرضه مابيأثر في قدراته .،،،، بعد الزواج الرجال كان انسان طيب وخلوق بي للاسف الكيماوي اثر في عملية الخصوبه عنده....وانعدم الامل
اكتشفت انها ماخذه شاب بس في جسم شيبه مسكين محتاج عناية واهتمام وجهده على قده،حبته وايد وكانت وياه عون وسند...سنين وكلنا ندعيلها .
سبحان الله سافروا للعلاج برع سووله عمليه في الانابيب واكتشفوا انه رب العالمين احيا بعض النطف فيه...
المهم بعد سلسلة علاجات وتلقيح كم مره حملت ولله الحمد والمنه ومن قريب الله رزقها بنوته حلوه ...
الحمدلله هي ماقنطت من رحمة الله وصبرت والله كافئها
__________________
لا تحرص على إكتشاف الآخرين أكثر من اللازم ، الأفضل أن تكتفي بالخير الذي يظهرونه في وجهك دائماً ، واترك الخفايا لرب العباد .
لو اطْلَعَ الناس على مآ في قلوب البعض لمآ تصآفحوا إلا بالسيوف "