18-05-2010, 07:25 PM
|
المشاركة الأصلية كتبت بواسطة أبوفواز
حياك الله دفيني بحنانك .
مدة سفري ما تتجاوز الأسبوعان أو أقل , الحمد لله الثقه موجوده بينا و كل سنه أطلع أنا و ياها برى السعودية غير السفرات داخل السعودية . أخت دفيني بحنانك بالنسبة لروحاتها و جياتها معطيها الضوء الأخضر . على العموم جزاك الله خير و بيض الله و جهك . |
22-05-2010, 09:18 AM
|
المشاركة الأصلية كتبت بواسطة روعة المعنى
حياك الله ابو فواز
ماتابعت الردود لذلك ماعرف وش مستجدات موضوعك لكن عساه ان شاء الله خير .. انا شخصيا ما اشوف فيها اي مشكلة تروح مع خوياك برا جوا المملكة .. باختصار انتو حرين !! مثل ما البنت تتمنى رجل يعطيها حريتها بعد الزواج ويخليها تطلع للسوق ولزميلاتها فمن المفروض هي بعد تعطيه حريته .. حلوة الحياة لما يكون الواحد يعطي زي ما ياخذ واكثر .. وان هو على الثقة والله الرجل الي ما تثقين فيه ودك مو بس تمنعينه من السفر برا .. ودك ما تعيشين معه من اصلوه >> تحس انها جابت العيد لذلك يا حبيباتي البنات اذا كنتو واثقين بمستوى ازواجكم ونزاهتهم خلوهم ياخذون راحتهم اعتبروها اجازة زوجية لهم |
22-05-2010, 09:24 AM
|
المشاركة الأصلية كتبت بواسطة colors
أكيد بترفض وما بتقابلها بصدر رحب خصوصا إذا علاقتكم جيدة ما شاء الله فبتشتاق لك وبتحس بفراغ من دونك
ارتباط المراة بزوجها اللي يحبها ويكرمها غير عن ارتباطه فيها حتى لو عند أهلها بتحس إنها ناقصة من غير زوجها حبيبها وهذا ما يمنعك تسافر وتغير جو مع صحبة طيبة لكن لا تنتظر إنها تتقبل الفكرة بسعة صدر وتبارك لكم الفكرة صعبة شوي عليها وإن وافقت أكيد من وراء قلبها مثل ما قالوا الأخوات ربما يكون مزيج من شوق وحب وغيره خصوصا إن كانت الثقة المتبادلة موجودة بينكم ولله الحمد فلا تتضايق منها حاول تقنعها لأنك رايح رايح من كلامك وما ودك تروح والجو بينكم مكهرب شوي والله يعينك تدور طريقة بس لا تنسى تطمنها عنك وقت انت مسافر عشان لا تحس إنك ما صدقت رحت وسعة الصدر مع الأصحاب خلتك تنساها موفقين |
22-05-2010, 09:32 AM
|
المشاركة الأصلية كتبت بواسطة unbelievable
رأيي باختصار ...
إذا أنت مكرمها ومو مقصرها معها بأي شيء ...والسفريات تسفرها كل سنة برى على قولتك ... فلك حق إنك تنفس عن نفسك وتسافر مع أصدقائك ... لكن حاول تقنعها وتفهمها قبل ... إذا اقتنعت كان بها ... وإذا لم تقتنع ..طيب خاطرها بكلمتين وهدية وسافر ..الله معك ..ماقصرت أما إذا تحس إنك مقصر معاها...فلا ... الزوجة أولى من أصدقائك كلهم .. |
22-05-2010, 09:39 AM
|
المشاركة الأصلية كتبت بواسطة دفيني بحنانك
الله ييسر أمرك أخوي دام التفاهم أساس حياتكم أن شاء الله ما راح تشوف حياتكم الإ السعاده بأذن الله
|
22-05-2010, 10:15 AM
22-05-2010, 01:26 PM
|
المشاركة الأصلية كتبت بواسطة ولهااان
صدقني ما فيه أحلا من السفر مع زوجتك ... اريح لك وأفضل لك وأضمن لك ويضفي على حياتكم مزيد من الارتياح والثقة وفي السفر ستكون بينكم ذكريات حلوه تستمر معكم ما حييتم , وصدقني بعدين حتى لو قلت لها تعالي بنسافر ماراح توافق لأن مسئولياتها بتزيد ... اما مايخص ان الواحد لازم يفك عن نفسه شوي ... ليه هي خانقتك ؟ والا بتهوي عنها ؟ هذا وانت تقول ان حياتكم فيها حب وتفاهم وارتياح ... صدقني اخي الفاضل رأيها صح 100% خلاص حياة العزوبية انتهت والسفرات مع العزابيه خلاص انت طلعت منها ماعاد لك فيها ... وبعدين يا اخي احمد ربك ان زوجتك تروح معاك ولا هي من النوع ثقيل الطينة ... يا اخي زوجتي فقعت مرارة ابو جد جدي عشان نروح أنا وياها لحالنا لجده من بداية زواجي للآن كل ماقلت بنروح وبنحط الاولاد عند اهلي والا اهلك ... قالت انت اناني انت ماتحب الا نفسك ... وانا السفره ماقامت عندي ولا قعدت اهم شي وناستهم هم ... والان ابحث عن زوجه ... اهم شي فيها ماتكون معقده وابيها بكل سفره على يميني ... وربي احسن لك اجتماعياً ودينياً ودنيوياً انك تسافر مع زوجتك ... بلا سفرات عزاب ... عارفينا وياما شفنا وش يصير فيها ... ولا تقولي محافظ وماني عارف ايش ... شفنا ناس اعوذ بالله من حالهم من زود التقى والورع مقصر البنطلون وهو ( على البسـ .. ) ولا أعمم في هذا الأمر ... لكن صدقني ضحكة تضحكونها هناك وذكرى تصنعونها لمستقبل أيامكم تسوى 13 عزوبي
والا ... على قولتهم ... صل فرضك واقضب ارضك ... وش فيها ربوع بلادي |
22-05-2010, 03:48 PM
|
المشاركة الأصلية كتبت بواسطة أبوفواز
السلام عليكم ورحمة الله و بركاته
مساكم الله بالخير جميعا ً . عندي مشكله بسيطه و أبغى فزعتكم معي في حلها . أنا كل سنه قبل الزوج كنت أسافر أنا و بعض الأصدقاء خارج السعودية لمدة أسبوعين لتغيير الجو و الروتين اللي حنا عايشين فيه . مشكلتي أنا متزوج من سنتين من زوجه أحمد الله و أشكره أنه رزقني زوجتا ً مثلها ( حبوبه طيبه قلب خدومه كل شي فيها حلوا الحمد لله , الله يخليها لي و يطول بعمرها يارب ) . المهم أنا كل سنه و لله الحمد أروح أسافر أنا و ياها خارج السعودية للنزهه و تغيير الجو غير السفرات داخل السعودية , بعد ما أجيت من السفره لمدة تقريبا ً شهرين أتفقت مع الأصدقاء أيام العزوبيه للذهاب لإعادتة أيام العزوبيه المهم كلمت الزوجه بالسالفه فرفضت الفكرة تماماً و بدأ على و جهها الزعل قالت خلاص أيام العزوبيه راحت و أنت لي و ما نسافر إلا مع بعض و عجزت أقنعها اني أسافر مع الأصدقاء و كل ما فتحت الموضوع بدأ عليها الزعل . أتمنى من يقرأ موضوعي إفادتي و إيجاد حل مشكلتي . دمتم بحفظ الله و رحمته . |
22-05-2010, 05:55 PM
|
المشاركة الأصلية كتبت بواسطة صابرة بدنيتي
السلام عليكم اخي الفاضل
سفرك لغير الضرورة برى بلدك مع اصدقاء مااضن انه له داعي وزوجتك صادقة ومعها حق انها تزعل وبعدين يااخي هي تبي تحميك من الفتن اذا ماوافقت ,,حافظ على نفسك اخي واكبر متعة انك تسافر مع اهلك تصون نفسك الله يوفقك لما يحبه ويرضاه |
22-05-2010, 06:21 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
