لمسه اللي انجوفه قاعد يهينج ويصفع فيج بباحتقاره لج وبعدج مستمره وايد راخصه بعمرج وموضوع طلاق صار لعبه بينكم لمسه انتي بيبانج مشرعه للمذله فوق الحب والاهتمام اللي عطيتيه يقولج ماباج عزي نفسج وعطي نفسج قدرها اي عشره اللي بينكم صارت

والله كلامكم صحيح
صابرة اسال الله ان يعوضك بالدنيا والاخرة
ام يوسف العربية الله يجمعني فيكم بالدنيا والاخرة والله اني احتاج اتواصل مع خواتي الي احبهم بشكل خاص
بنت ابو ظبي صدقيني ماراح اهين نفسي اكثر من كذا والعملية كان موعدها بعد رمضان بس انا حبيت احسم الامور فورا

مسالة الطلاق على ماقالوا المشايخ ماوقعت اي وحدة وان وقعت هذه بتكون الاولى والله اعلم
ماني متهونة في سالفة الطلاق ان ثبت اني محرمة عليه شرعا اكيد راح ارحل من حياته
لا سعادة فيما يغضب الله

زوج اخته دق علي وقال انه كلمه وقاله بيروح يستفتي عند الشيخ وطبعا اذا رحت معه راح اقول للشيخ كم مرة طلقني واذا انحسبت الاولى او الثانية يسجلها عشان تكون ثابتة عليه
الفراق جاي جاي باي حال من الاحوال وزي ماقلت لكم اذا رفض يكمل العملية يعطيني تعويض مادي وكلن يمسك طريقه
اول خطوة سويتها امس مسحت كل الصور الي كانت بجوالي له
مابي اشوف منه ذكريات تصحي علي الالم
وغيرت اسمه بجوالي
افهموني يابنات انا مابي اكرر سالفة الزواج بعده هذا قرار اخذته من زمان ولن اتراجع فيه
ان رحت بعيش لحالي رحالة اذا بغيت اسافر اسافر اغير جو لحالي بعيش وحدتي بكل ماتعنيه الوحدة بصادق نفسي واحن على نفسي بنفسي ,, عشان كذا ودي اجرب اخر فرصة لي وبحكم اني ماراح اعيد التجربة مرة اخرى
مابي رجل اخر بحياتي مابي اضحي واتعب واعطي لانه ماعاد عندي شى اعطيه
صرت نخلة مخلوع منها الراس وفاضية من داخل
وان رجعت له ماراح ارجع له زي اول ماراح يشوف مني الا الجفا والنكران وراح يتعامل بالمثل
جرحني مرات عديد وسنين بس هالمرة الجرح صعب يبرى
بعز تعبي وبهالشهر الفضيل يطلقني
اقسم بايات الله اني من قبل امس ما اكلت ولا جات اللقمة بمعائي
ماعاد الماء
وجهي اسود صار
سواد على زراق لون مقرف
والحين بياذن ومافي لا فطور ولا جهزت شيء بشرب مويا يمكن لا طلعت برى اخذ لي اكل

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

لمسه حياتي شوتيه خلي يولي وردي لامج عيشي حياتج لمسه اخوانج المفروض يسندونج ويردون اعتبارج من هالظالم وانتي توظفي وسافري كل فتره غيري جو واشتري كل اللي بخاطرج وضحكي ترى مافي شي اغلى من الصحه والروح والله كفيلج

الله يكتب مافيه الخير يا بنت ابو ظبي
هذا الي قررته اذا صار فراق بشتغل واملي فراغ حياتي واسافر كل مكان نفسي فيه لحالي
بالنسبة لاهلي والله ماقصروا امي تقول اتركيه وتعالي ولا نبي منه عيال
رأي اختي نفس الشى الكل يقول اتركيه من اهلي
ويقلون بكرة ربي يعوضك خير منه
انا مابي زواج ولا ابي اكرر هالتجربة ابدا لاني تعقدت
اخذت نصيبي بما فيه الكفاية والحمدلله على كل حال
بخاوي نفسي واحبها واطبطب عليها

في شى ودي اسالكم
الوالده مع اي مشكلة تقولي انتي الي بعتي نفسك رخيصة له!!
رغم اني شرطت عليه شروط قبل الزواج واخذت مهري كامل مكمل ولا نقص علي شى
بالنسبة اني ما اقوله اعطيني اعتبرها مساعدة وكاني موظفة وكثير زوجات اقرا مواضيعم بلمنتدى يساعدون وعادي وماشية امورهم
هل الجانب هذا هو سبب اساسي بالي انا وصلت له مع زوجي
او طليقي
كلام امي انه اي رجل يخسر على زوجته صعب يفكها بسهولة
وان تماديه بالطلاق وكل مرة يبيع اني جيته رخيصة
دائما يزعجني هالكلام ولكن اسمعه من امي وافكر فيه
ودي اعرف رائيكم انتم

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

جا جا الحين من نفسه
توه طق جرس الباب
ابطلع من المنتدى وارد لكم خبر بالليل

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اختي اتركيه وروحي عيشي عند امك .. واسال الله ان يرزق في الدنيا والاخرة.
اما بالنسبة لتلفضة بالطلاق فهو يقع . حتى لو كان مازح..

نصيحة لوجه الله اختي روحي كملي رمضان عند امك

__________________

قد تـــعود المياه الى مــجاريها احياناً
ولكنها لاتعود صالحه للــشرب دائـمـاً

سؤال يطرح نفسه واستغربت محد سالك

يااختي انتي ليش تبين تخلفين منه ابي افهم انا هدا واحد واضح من تصرفاته يبي يفتك منك ومايبيك وانتي تبين تحملين
يااختي حرام الي تسوينه في نفسك وحرام الي بتسوينه في طفلك بعد مايجي
ترى حرام عليك تمرمطين الطفل معاك ترى يبيله صرفيه ويبيله اب يرعاه معاك ليش تجيبين طفل ينحرم من الجو الاسري مو سهل تربين طفل لحالك لاتقولين لا سهل انتي منتي مجربه اسالي مجربين انا ماني فاهمه انتي في عز مشاكلك معاه وقاعده تكملين علاج الحمل صدق شي غريب وتصرف غلط ماراح تحسين بالغلط الا بعد ماتشوفين الطفل بين يدينك وابوه خالي من مسؤليته صدقيني ادا خلفتي زنه راح تتمين طول عمرك في مشاكل مع ابوه نصيحتي انفذي بجلدك مالك ومال وجع الراس شوفي الاخت ام يوسف العربيه اتخدي العبره منها

انا من رائي تاخدين التعويض وتروحين في حالك صدقيني ربي بيعوضك بواحد احسن منه انا متاكده وبتخلفين منه وتربون عيالك مع بعض بس انتي الله يهداك اخلصي موضوعك بسرعه لاتضيعين وقتك معه حتى تعويض تنازلي عنه عشان لايضيع وقتك وايامك معاه

اشتغلي على نفسك واهتمي فيها وربي يرزقك بالي يقدرك ويثمنك

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

حسب فهمي للمشكلة، أنتِ:

-زوجة ثانية...
-متزوجة منذ ست سنوات
-تريدين الحمل بشدة ولا يهمك ما سيحدث بعد حملكِ.. حتى لو كان الطلاق..
-تتلقين علاجا لأجل الحمل ( أفهم أن لديك مشكلة لأن زوجك له أطفال من زوجته الأولى)
-تعتقدين أن الحصول على طفل ثم الطلاق سيحقق لك الحياة السعيدة
-زوجك يتقزز منك والعلاقة الخاصة بينكما تحدث بشكل غير صحي ولا سليم...


ما سبب زواجك منه.. وما سبب زواجه منك..؟
خلال الست سنوات كيف تعامله معك؟
هل يبدو سيئا معك دائما أم حين تتحدثين معه بخصوص الحمل..؟

عموما
أرى أن تؤجلي فكرة الحمل حتى تتضح الصورة لكِ... فهي تبدو في ظاهرها فكرة أنانية ومستفزة زوجك
فهو يعتقد أنه مجرد آلة لتحقيق رغبتك في الأمومة...

أيضا..
أعيدي قراءة رد ليه الغرور...


أعانك الله وصبركِ...

وليش انتي ماتقولي انه هو لي استخدمني اله مدة ست سنوات وبعدين يبغى يطلقني
ومن قال اني انا ابي الطلاق لا الحين ولا بعدين
انا قلت اذا حملت وطلق وقتها يكون عندي البديل طفلي
وش شايفيني لهالدرجة مستهترة بالاوﻻد ودي بس احمل وانقلع
طيب لو فكرتي كذا كان شفت غيره وحملت وحققت لي في بالي وانتهى الموضوع


عمري مابادرت بالطلاق هو لي دوم يبادر
عمري ماخترت حل الطلاق بل هو قاعد يستغلها ضعف فيني
وقلت لكم مابي اتزوج بعده عشان كذا ابغى اخذ اخر فرصة دامني معه
وليش ماتقولوا اذا حملت له ممكن يحترمني ويسوي لي تقدير خوفا على شتات شمل طفله
انا الحين لحالي هو ايش خسران لا طلق؟

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

ليه الغرور لي عودة انا باقية بالمستشفى
اي وحدة الان قبل لا ترد تحط نفسها مكاني وتعيش الحرمان لي عشته ولو للحظات

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...