يا صباح الفل على عيونك يا قمر
بصى يا ست الكل علشان نكون متفقين
الوزن ده له أسس وقواعد وأصول
اولا انتى لازم تتوزنى فى نفس الوقت من اليوم يعنى لو اتوزنتى الساعه 9 الصبح النهارده تتوزنى الساعه 9 الصبح بعد اسبوع مثلا
وكمان لازم يكون الوزن قبل الافطار وقبل تناول اى شيئ وبعد دخول الحمام
ثالثا لازم تكونى لابسه الملابس نفسها كل مره علشان وزن الهدوم بيفرق او تتوزنى من غير هدوم
رابعا وده الأهم
ممنوع تتوزنى قبل مرور اسبوع يعنى وزنك تأخذيه مره واحدة فقط اسبوعيا حتى لا تصابى بالاحباط و حتى تشعرى بالفرق
موفقه يا حبيبتى

__________________

http://www.66n.com/forums/showthread.php?t=194675

طيب أقول لكم بقى يا حلوات على غلطى اللى إكتشفته وليه وزنى مش بينزل
وكلمة السر هنا هى الرياضه الرياضه يا حبيباتى هتقولوا لى طيب ما انتى بتعملى رياضه
أيوه انا بأعمل رياضه فعلا لكن مع نزول وزنى وتغيرة أصبح جسمى محتاج لمزيد من الرياضه لكى يستطيع ان يقوم بالمزيد من الحرق وده طبعا ضد ما نعتقد كلنا اننا بمجرد نزول وزننا نبطل بقى رياضه لأ بالعكس كل ما ننزل اكثر يكون جسمنا محتاج لرياضه أكثر فقمت زودت نصف ساعه يوميا
طيب كده بس !!!!!!! يعنى انتى مخليانا ننتظر من امبارح علشان تقولى لنا انك زودى الرياضه نصف ساعه؟؟؟؟؟؟؟؟؟
لأ طبعا اصبروا بس على

__________________

http://www.66n.com/forums/showthread.php?t=194675

كمان اكتشفت ان مواعيد النوم والاستيقاظ لها أكبر الأثر فى الرجيم فجسمنا ربنا خلقه زى الساعه بالضبط ومظبوط على انه يحرق اكبر عدد من السعرات مع طلوع الشمس ويقلل الحرق جدا مع غروبها وطبعا انا كان يومى مقلوب فكنت أنام لحد الساعه 12 او 1 ظهرا وأصحى لحد 4 الفجر فكانت وجبة افطارى الساعه 2 ظهرا والغذاء الساعه 6 او 7 مساءا والعشاء الساعه 12 او 1 ليلا ودى كمان غلطه مدمرة للرجيم ولو مش مصدقينى جربوا بنفسكوا تناموا بدرى وتصحوا بدرى وما تأكلوش بعد الساعه 9 بالليل ابدا وشوفوا بنفسكم ازاى وزنكم هينزل بمنتهى السهوله
طيب هأقول لكم سر كمان يالله
تعرفوا ....... ما ينفعش ابدا اننا نفطر يوم الساعه 10 الصبح وتانى يوم نفطر الساعه 9 وثالث يوم نفطر الساعه 11
احنا كده بنلخبط جسمنا وزى ما قلت لكم جسمنا ده ساعه ماشية بنظام
يبقى من غير رغى كثير لازم ولابد من تثبيت مواعيد الافطار والغذاء والعشاء يوميا والالتزام بها
وبعد ما عملت كل ده كان وزنى بينزل ولكن ايضا ببطئ وليس كما اتوقع وهنا أدركت ان المشكله اكبر من قدراتى
وتزامن البطئ فى نزول الوزن مع غياب الدورة فغابت عنى 11 يوم لأول مره فى حياتى تتأخر بالشكل ده وفرحت فى نفسى وقلت أكيد أنا حامل وعشت بقى ايام من السعاده الممزوجه بالقلق الرهيب لدرجة انى ما عملتش تحليل حمل لأنى خايفه أصحى من الحلم ولكن صحيت منه والحمد لله على كل حال بعد مضى 11 يوم وجات الدورة وقلت بقى لأ لازم اعمل تحاليل واعرف السبب وراء تأخرها وفعلا عملت تحاليل وعرفت ان سبب تأخرها وسبب بطئ نزول وزنى وسبب العصبية اللى انا فيها هو تكيس المبايض ........ نعم فقد أصبت بمرض شائع جدا جدا بيت السيدات تصاب به سيدة من أصل 8 سيدات فى العالم وهو تكيس المبايض وبدأت آخذ العلاج المضبوط لها وكمان
اكتشفت الكنز اللى عندى من سنه ونصف وانا زى العبيطه ولا واخده بالى منه وعايشه فى الوهم
عايزيين تعرفوا ايه هو الكنز ده
يالله خليكم على شوقكم كده لحد بكره

__________________

http://www.66n.com/forums/showthread.php?t=194675

[LIST][*]ليش كده ياام عمار كملى اليوم كتبتى جزء بسيط بدي اكمل
[*]الله يبارك فيكم يارب وان شاء الله يستمر النزول ومايتوقف


[*]دا الغدا تبع اليوم 8 ملاعق مكرونة + سلطة بي الصوص ( الصوص ملعقه صغيرة خردل+نص ليمونة وقليل زيت زيتون )
[*]يمي يم مرررره كانت وااو بس حطيت شويه صلصله وزعتر وملح ومكرونة مسلوقه بدون زيت

اتفضلووو
[*]

[*]


[*]ام عمار يارايت تنزللى رجيم تانى لي دا الاسبوع رحت للاخصائيه وجلست تسالنى عن رجيمى ومن اي منتدى وقالتلى استمرى عليه كمان اسبوع لو في شي تانى حلوو عشان اغير[/LIST]

__________________
ياررب ارح قلبي وعوضني خير

السلام عليكم و رحمة الله جزاك الله كل خير يا ام عمار ربنا يخليلك عمار تفرحي بيه و تخويهباذن الله. يا ريت يا ام عمار تركزي لي على الجزء المتعلق بالتكيس زي ما انت عارفة انا كمان اعاني منه و عرفت انه يشفى اسرع لو نزل الوزن فهل شفيت منه تماما؟ الله يشفينا جميعا يا رب قولوا آمين.
السؤال الثاني انا عايزة ريجيم الارانب (ريجيم التخلص من السموم) حاسة انه سيكون مفيد لي. و شكرا جزيلا على كل معلومة تقوليها لانها مفيدة جدا للكل . الله ينولك اللي في بالك

__________________
رب لا تذرني فردا و انت خير الوارثين.
اللهم يا حي يا قيوم اجمع شملي و زوجي عاجلا غير آجل. آآآآمييين

ايه الأكل الجميل ده فتحتى نفسى يا شيخه حرام عليكى
بألف هنا وشفا على قلبك
واليك رجيم هذا الاسبوع
فطار :كوب شاى بحليب خالى الدسم +قطعة جبنة قليلة الدسم أو بيضه مسلوقه او اومليت بنقطتين زيت+ رغيف بر
العشاء: علبة زبادى +2 ثمرة فاكهه
الغذاء: اليوم الأول:ربع فرخه مشوية + خضروات بأى كمية+ 4 ملاعق رز+سلطه
اليوم الثانى: شريحة حم مشوى (ثمن كيلو) + خضروات +سلطة+ 4 ملاعق رز
اليوم الثالث: علبة تونه+سلطة +رغيف بر والتونه لا تغسليها فقط صفيها من الزيت واشطفيها بالخل الأبيض
اليوم الرابع:نصف كيلو سمك مشوى+ربع كيلو بطاطس مسلوقة او مشوية فى الفرن+سلطة
اليوم الخامس: ربع فرخه مشويه+ربع كيلو بطاطس+سلطه
اليوم السادس: 8 ملاعق فول + ملعقة صغيرة زيت زيتون+سلطه+رغيف بر

__________________

http://www.66n.com/forums/showthread.php?t=194675

مشكورة على الدعوات الحلوة ولكن عمار لسه ما جاش ده الاسم الللى ناويه لو خلفت ان شاء الله هأسميه لأبنى
أما عن سؤالك عن مرض تكيس المبايض فمع الأسف لم اصاب به الا من حوالى ثلاث شهور ولم اعرف انى مصابه به الا من شهرين وبدأت فى العلاج وانا فعلا مستغربه لأنى اعرف ان المرض ده بيخف تلقائيا لو المريضه نزلت من وزنها لكن انا جانى المرض ده بعد ما نزلت وزنى فعلا وده دليل ان العلم لازال لا يعرف الكثير عن هذا المرض لكن ما علينا المهم اتباع التعليمات وأخذ الأدويه وانا اتعالج الآن بالميتفورمين والبارلوديل والكلوميد ونسبة هرمون الحليب نزلت والحمد لله ولكن لازلت مستمرة على الدواء ومتابعة التبويض بالمستشفى وربنا يسهل
أما عن سؤالك عن رجيم الأرانب والله يا حبيبتى ما انا فاكراه بالضبط أنا آسفه جدا لكن انتى ممكن ترجعى لموضوعنا الأول ( كيف انزل من وزنى ) وهتلاقيه وهتلاقى نتايجنا كمان اللى حققنهاها فيه ولو عرفت انا اوصل له هأكتب لك رقم الصفحة والرابط

__________________

http://www.66n.com/forums/showthread.php?t=194675

ازيكم يا حلوات يا قمرات يا رشيقات المستقبل باذن الله
النهارده بقى هأقول لكم عن الكنز اللى طلع عندى وانا مهملاه تماما
طبعا انتوا فاكرين لما قلت لكم انى كنت متابعه برنامج الدين والحياه اللى بييجى على قناة الحياة كل يوم اثنين بتكون حلقة الرجيم مع الدكتور بهاء ناجى وانا كنت لازم اتابعها علشان آخذ كل المعلومات منها وكنت بأكتب المعلومات الجديدة علي وكمان كنت بأكتب الرجيم المنوع اللى بينزله كل اسبوع واللى ما كنتش ابدا مقتنعه بيه لأسباب عديده ومنها:
1- انه قال ان الرجيم ده مناسب فقط للأوزان من 90 كيلو الى 70 كيلو وان الأكثر من تسعين كيلو يزودوا 30% من حجم الوجبات اللى بيقول عليها واللى أقل من سبعين كيلو يقللوا من حجم الأكل 30% فطبعا انا ماكنتش عارفه ال30% دول يطلعوا قد ايه يعنى وهل التقليل ده هيكون من النشويات والبروتين بس ولا كمان من الخضار والسلطه طيب والزبادى والثمرتين فاكهه انزل منهم 30% ازاى ده كده انا اموت من الجوع فقلت لأ انا مش هأعمل رجيمه لكن هأتبع تعليماته
وفعلا عملت كده لكن لما وزنى بطل ينزل بكل الطرق قلت أجرب رجيمه اسبوع مش هيجرى حاجه وفعلا مشيت على رجيمه كما هو من غير ما أخفض من الكميات وكان وزنى وقتها 48 كيلو فوزنت نفسى بعد اسبوع لاقتنى بقيت 47,5 وفرحت جدا واتشجعت فقلت ليه لأ يمكن هو طبعا دكتور ودارس وفاهم عو بيقول ايه للناس
فرجعت لكنزى الموجود عندى فى البيت وهو كشكول كل رجيمات الدكتور بهاء من اول ما بدأ اول حلقه الى يومنا هذا وبدأت أمشى عليه اسبوع ورا اسبوع ونزل وزنى حتى ال45 كيلو كما كنت اتمنى دائما ولكن انتبهوا:
كيف مشيت على نظامه ديه بقى التكة المهمة جدا
وعلشان ما أطولش عليكم هأدمج كلامى عن طريقتى فى تطبيق رجيمة مع الهديه اللى وعدتكم بيها فى نهاية موضوعى
وهديتى اليكم هى انى هأنزل لكم نظامى اليومى فى الرجيم بالتفصيل الممل لكل اللى حابه تمشى عليه وتطبقه وكمان شوية استراتيجيات كده فى النص. واللى هتمشى على نظامى ده بحذافيرة من غير اى لخبطة ولا تزويد ولا تقليل هتخس وتبقى فراشه ان شاء الله.
أنا بأصحى يوميا من النوم الساعه السابعة صباحا لأنى عرفت فايدة الصحيان بدرى زى ما قلت لكم
بأبدأ يومى بعد الصلاه طبعا وخروج زوجى وابنى لأشغالهم أبدأ انا بشرب كوب من الماء ثم البس الكوتشى الرياضى وأشغل قناة المجد على القرآن الكريم وأضبط المنبه على بعد ساعه ونصف وأسمى وادعى ربنا يسهلها على ويقوينى وأبدأ أمشى مشى سريع داخل البيت
طيب المشى كده بيزهق جدا يبقى علشان ما أزهقش أعمل ايه ؟ أولا أنا بأكون عاطيه لابنى شوية واجبات يحلها خلال اليوم وانا بأذاكر له فبقعد أصحح الواجبات دى ووانا ماشيه طيب لو خلصتها بدرى ماهو اصل ساعه ونصف كثير بأعمل حاجه يمكن تضحكوا على بس والله مفيدة وبتضيع الوقت وكمان بتوفر لى وقتى باقى اليوم وهى انى بأقطع كل الخضار اللى عايز تجهيز وتقشير وتقطيع للفطار والغذاء وانا مشايه طيب ازاى ؟؟؟؟؟؟
أنا بقى إخترعت إختراع مفيد جدا وهو انى بأجيب حله لها ايدين وبأجيب رباط ضغط او اى قماشه طويله على شكل شريط يعنى والف اليدي الحله بالشريط والفه حوالين خصرى وانا ماشيه وبأبقى كده ثبت الحله كويس ودى بقى الى هيبقى فيها الشغل والتقطيع كله وكل لما اخلص صنف اجيب طبق وانا ماشيه برده واحطه فيه لحد ما انهى تقطيع كل الخضار بتاعى وبكده ابقى استغليت وقتى انى بأعمل رياضه وبأسمع قرآن وكمان بأخلص جزء من شغل البيت .... ايه رأيكم بقى فى الاختراعات دى
بعد ما أخلص رياضه وطبعا ما تنسوش انى ضابطه المنبه علشان لما يرن كل ساعه اشرب كوب ماء لمدة 12 ساعه
ابدأ بقى آخذ الدواء اللى قبل الأكل وبعدين ادخل على المطبخ أجهز الفطار واللى بيكون عباره عن أكل الرجيم فول او بيضه او جبنه المهم أجهزه وأشغل الكمبيوتر وأقعد أفطر وأنا شغاله على النت ( زى دلوقتى كده) بس التكه بتاعتى هنا بقى ايه ؟؟؟؟؟؟؟؟ هى انى بأقسم فطارى نصفين متساويين بالضبط فى طبقين وآكل اول نصف الساعه عشرة صباحا وتانى نصف الساعه 12 ونصف ظهرا
وبكده اضمن ان جسمى بيحرق اكل طول الوقت من غير ما أكون كترت فى أكلى
بأسيب النت على الساعه 1 اول ما ابنى ييجى من المدرسه علشان انتبه له وهنا بقى بيبدأ الهلاك اليومى طبعا بأأكله وجبه خفيفه وأقوا انظف البيت وأبدأ طبخ طبعا بأطبخ لى انا أكل الرجيم ولباقى الأسرة أكل عادى وبأخلص الموال ده وبأبدأ بقى فى مذاكرة ابنى والمراجعه معاه وأحيانا كمان بأقوم كده أعمل لهم اى حاجه حلوة فى البيت اكون قرأتها على المنتدى
وعلى الساعه 3 اتغذى كمان نصف كمية الغذاء اللى فى الرجيم يعنى ملعقتين رز مثلا مع نصف طبق السلطه و ونصف قطعة الللحم او الفراخ
وبعدها اقوم للصلاه ولغسل الأطباق مكان الغذاء وبعض الترتيب وعلى الساعه 6 مساءا اتناول باقى كمية الغذاء وما تنسوش شرب الماء كوب كل ساعه
وبعد المغرب أشاهد التلفزيون او ازور احدى جاراتى او اكلم اهلى على النت او تكلم مع جوزى يعنى على حسب المتاح وممكن كمان نخرج نجيب طلبات البيت سوا كده يعنى ولو مالقيتش حاجه اعملها اقوم اكوى او اطبق الهدوم المهم ما اقعدش فاضيه علشان ما افكرش فى الأكل
وعلى الساعه 9 مساء أتناول العشاء كوب الزبادى وثمرتين الفاكهه وأغسل أسنانى وأنام على الساعه 11 مساء
وبهذا انهى معكم تجربتى الناجحه مع تنزيل الوزن وأتمنى أن تكون مرشدا لكن كى تحذو حذوى وتصبحن رشيقات المستقبل وفراشات المنتدى

__________________

http://www.66n.com/forums/showthread.php?t=194675

ام عمار يا غاليه اشكرك شكرا جزيلا على المعلومات التحفه الي بتزوديها النا وعلى الدعوات وربي يستجيب منك ومني انا كمان راح ادعيلك ينولك الي في بالك

على فكره خالي دكتور وكان دايئما يقولي كولي 6 وجبات صغيره افضل من 3 وجبات وانتي فعلا ماشيه على النظام بتقسمي الوجبات منها انك تفضلي تاكلي طول النهار وما تلخبطيش با اكل غير الرجيم ومنها جسمك بحرق ربنا يفتحها عليكي دنيا واخره وانا ماشيه على نضامك الاول بس بنفع اكل قطعه كبده بدل اللحم ؟

__________________

اهليييييييييييييييييييين اخبااااااااااااااركم

ابشركم الحمدلله نزلت 2كيلو

يعني صار وزني 66 ياااااااااااارب اوصل ل60 بصحه وعافيه

__________________

اليوم انت فوق الارض
وغدا تحت الارض فماذا اعددت ليوم العرض