مفهوم حبيبتي احتفظي بالاجابة لنفسك.. هي مهمة جدا في قرار الاستمرار او الانفصال..

اذا كان تقبلك لزوجك عادي او جيد او ممتاز فانتي محتاجة فقط للإصلاح في حياتكم..

أما اذا كانت العلاقة عذاب لكي وتحسي انك مغصوبة وكأنه بياخذ منك شي مو من حقه، وقتها تتاكدين ان الحياة بينكم مستحيلة لانك تكرهيه بالقلب والروح..

اخوي خالد
تخيل تقول لزوجتك انك رحت السوق مع صاحبك
وهو اشترى طقم ذهب هديه لزوجته
وردت زوجتك: ونعم الرجال.. بختها فيه الله يهنيهم

انت هنا بتعتبر ردها قلة ادب وتطاول
وتثور وتشتم وتجرح فيها وتقفل الخط
وتتركها ببيت اهلها وانت لك ايام تاركها بحجة السفر؟

ما اعتقد
عالاغلب بتضحك والا بتقول ايش وهقني اعلمك
لكن الزوج الحاقد بيشوفها فرصه لمشكله جديده

زوجي انصدم لما شافني تركته يسافر ويهيص
واستقبلته بشوق والحمدلله عالسلامه
ينقهر من هالمواقف ويقول: ماراح اخليك تركبيها جميله

قام عمل مشكله من لا شيء
حتى يحسس الناس اني زعلانه من سفرته
اللي مايعرف تفاصيل اللي صار بيتوقع كذا
سواء من اهلي او اهله
وهذا لؤم كبير منه وظلم واجحاف بحقي
لكن الله يعطيه على قد نيته

كنافة.
انتي ما تتوافقين معاه
روحك وفكرك وكل شيء

فاهمه عليك
عشان كذا قلت بحتفظ بالاجابه
ولو لي عمر مع هالرجال او غيره
لو بكرا قال بسافر سياحه وارميك عند اهلك
بقول له: معصي.. ويا انا يا هالسفره
واضح ان هالنوعيات هي المبسوطه بحياتها
لكن اللي مثلي تنداس قبل السفر وبعده

توقعت اذا حشمته بيحشمني ويعوضني
اثاريه ارخصني زياده وتمادى بالغلط
لكن الله ياخذ لي حقي منه
وفعلا بهالزمن الضعيف مايعيش

كنافه مشكلتك لاتعرفين تخباين مشاكلك ومشاعرك
انتي مو راضيه عن سفرته وزعلانه ومقهوره ومبين عليك
وهو فاهمك وقاريك فعارف انك مو راضيه وان حاولتي فينقهر ويحسك نكديه ونفسيه وماتعرفي تفليها
هذي الحكايه كلها

اهلي لو اجلس عندهم سنه ماراح يسألوا ليه ماجاء زوجك
واطفالي مافيهم الا العافيه ويحبون بيت اهلي
والطلاق مو شي مرعب الديره مليانه مطلقات

اللي مصبرني اني حبيته بكل مافيني
ولازلت عايشه على اطلال اول سنتين
اللي مصبرني قلبي وغبائي
بس صدق اللي قال البيوت ماتقوم عالحب
اذا مافي تقدير واحترام ومراعاة ينتهي الزواج
ويا عساها خيره.. انا اتمنى القرار يجي منه هو

زوجك ما ينفع معه مرجلة ما مرجلة

ينفع معه رجال من اهلك يتكلم معه ويوضح له ان الوضع كذا صعب يستمر

لاا انا مو مجنون اقول لزوجتي صديقي اشترا لزوجته ذهب وافتح على نفسي باب ههه ..
ثانيا زوجتي تمدح صديقي بأين كان ها الشي راح يزعلني ويضايقني .. وتختلف ردات الفعل من شخص لأخر .. لانه الزوج ما يرضى حد يقارنه باحد ثاني .. نفس الزوجات ونفسك ما راح ترضين لو مدح وحده من صديقاتك وقال عنها ونعم فعلا هذه هي الزوجه !! .. نفس الشي ..
بعدين بالحديث مع الرجال ابعدييييييييييييييييييييييييييي عن موضوع الرجوله انفري منه .. لو قلتي ونعم الزوج كان بتكون اخف عليه .. ولكن هذه الرجوله .. ذي شتيمه عندنا .. حتى لا ما كنتي قاصده الرجوله .. بس هي تؤخذ على هذا المنحى ..
الغريب اني متابع لك موضوع سابق ونرفزتي زوجك بنفس الكلمه .. والان تردين مره ثانيه ..
ولا تفهمين من كلامي اني قاعد الومج لا والله .. هو غلطان وستين غلطان بعد ..
لكن هو ذكي وفاهم كيف يقلب عليكي الطاوله .. وانتي اكلتيها للاسف .. لانه يدري بكل الاحوال انك راجعه راجعه له .. لاا وفي الاخير انتي اللي بتعتذرين ..
حاولوا توزنون كلامكم قبل يطلع .. لانه الكلام اثره اشد من حدة السيف ..
مشكلتكم لعناد والتدقيق على اتفه الامور ..
يعني متى راح تعيشون حياتكم .. !!

سؤال .. انتوا ليش مستمرين مع بعض الى الان ؟؟

تذكرت مقولة قرأتها قبل فترة:" نحن نستطيع تكرار كل شيء..كل شيء، إلا الوقوع بالحب مع نفس الشخص فإنه لا يتكرر أبدا".

عساني اموت ولا اعتذر لواحد بهذلني ومرمطني
واهاني وشمت خلق الله فيني
والله لو اجلس بالشارع ماطقيت بابه
اذا بيرجعني بالحسنى وبيراضيني اهلا وسهلا
واذا حاط بباله يستمر يدوس علي باللي مايحفظه
هذا تجاوز حدوده لابعد درجة
وانا ماعاد عندي شي اخسره او اخاف عليه
صدري ضاااق من فعايله


جزاكم الله خير اخواني