__________________

كان ودعتيه حتى لو توقفي له عالباب وقوليله الا السفر ما ابغاك تروح وانت زعلان مع دمعتين من كثر منتي محترة اتوقع بتنزل ما بتعبك 😛
ما اتوقع بيصد عنك او ارسلي له مسج عالجوال يأدي الغرض
الله يعينك ويشيل هالغمامه عنكم

قبل يطلع جيته قلت الله يحفظك ولاتسرع واذا وصلت خبرني
وقربت لمه بسلم عليه مد يده ودفني بهدوء يعني لاتقربين وهو يمشي بيطلع..
لاشعورياً غطيت وجهي بكفوفي وبكييييت 'اصلاً كنت مغصوصه قبلها
استغربت انه جلس يضحك بصوت عالي.. بعدين قرب بيضمني ودفيته قلت مابيك تسلم علي بدون نفس خلاص مع السلامه روح
قال زعلتي؟
قلت انا مصدومة فيك
قال كويس ازعلي شويه عشان اذا رجعت وتناقشنا يمكن تزعلين واجد
قلت مو مهم زعلي ولا رضاي لأني علّة .. ولأنك عايفني
قال الاولى صادق فيها بس الثانية كذاب
جلسنا نتكلم ساعه قال اشياء فيني كلها تأليف منه وماباقي عيب شخصية ماحطه فيني عنيده ومغروره ومستهتره وترادديني ومدري ايش
قبل يطلع قال تبين شي اجيبه معي قلت لا ابي اروح دبي قال يابعدها عن خشمك قلت ترا فيه كفارة لليمين قال علي الحرام ماتروحينها اللحين : (

وبس الحمدلله حمد الشاكرين بس حزت في نفسي اني بكيت الحمدلله على كل شي







الله يجزاكم خير جميعاً كلكم اخوان وخوات قاسمتوني همّي وشاركتوني رايكم
أخص الأعضاء اللي تابعوني بإهتمام وردوا أكثر من مره ومرتين وثلاث يارب يسعدكم سعادة الدارين وصدقوني حفظتكم اسم اسم وانحفرت ردودكم في ذاكرتي

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

الحمدلله الله ييسر أموركم ويحفظكم
ويجعلها آخر الاحزان يارب
والسفره بيعوضك بغيرها في وقت ثاني صدقيني
ماعليه خليه يتغلى عليك شوي
الله يسخركم لبعض

امين الله يجزاكي خير يارب
والحمددلله رب العالمين على كل نعمه الظاهره والباطنه

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

الله يجمع بينكم على المحبة والخير ، والحمد لله أولاً وأخيرا ..
إن شاء الله نقول انتهت الى خير يارب .. والحمد لله ..
هي الحياة دروس وعبر لازم نستفيد منها .

__________________
كيف اقاوم الهم والألم. بالسجود راحة واطمئنان.

نهاية نوال..!

بالعكس لا تزعلي انا اشوفه قربلك وبكائك كان في محله ولمس قلبه ماهنتي عليه قبل ليسافر واستسلم

اتاكدي لو عاندتي واظهرتي القوة او لو كابرتي وماودعتيه كان شفتي شي ثاني او بالاحرى كنتي ماشفتي شي لانه بيطلع ومايعبرك..

ما افهم ليش كارهة نفسك بسبب البكاء بالعكس دموع المرأة في عين الرجل احيانا تكون لذيذة واثرها بالغ ولاله علاقة ابدا بالمهانة بالعكس تماما، وانتي جبتيها في الوقت الصح.

الله يديم عليكم الحب والمودة

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الحمد لله من قبل من بعد

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

ثنيـان
ااامين يارب
والله يجزاك خير على اهتمامك وحضورك المتكرر
" لاتنسى توافينا بمستجداتك اول بأول ترى موضوعك شاغلني "
الله ييسر أمورك يااارب


مسك الليل
مدري بس يمكن الدموع دليل ضعف وانا ماحب الضعف
احبني اذا ضحكت وانبسطت ماحبني ابكي مرره
يمكن عقده نفسيه ههه
الله يسعد قلبك مسك


محب السنه
يستاهل الحمد وحده
والله يجزاك خير اخوي ويسعدك

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

اختي ابله دلال ..
تابعت موضوعك وآلمني مامريتي فية ..
والله يسعد الأخوان والأخوات اللي ردوا ماقصروا بالنصايح ..
بس ع فكرة شخصيتك جميلة جداً ( عدا سالفة الدموع ) : )
واتعلمت منك شيء اسلوبك راقي حتى ف الزعل ، يمكن الجميع يثني على زوجك .. لكني اجدك
لستِ اقل منه خلقاً تبارك الله ..
وتذكري .. لايكون للسعادة معنى ح نتذوق الكدر ..

__________________
زاهدً فيما سيأتي .... ناسياً ماقد مضى ..!